चेहऱ्यावर हवा आहे इंस्टेंट ग्लो? मग कोरफडीच्या रसात मिक्स करा ‘हे’ पदार्थ, त्वचेला होतील भरमसाट फायदे

त्वचेसंबंधित सर्वच सस्यांपासून आराम मिळवण्यासाठी कोरफड जेलचा वापर करावा. यामुळे त्वचा हायड्रेट राहते आणि चेहऱ्याचा रंग उजळण्यास मदत होते. जाणून घ्या कोरफड जेल वापरण्याची पद्धत आणि फायदे.

सुंदर दिसण्यासाठी महिला सतत काहींना काही करत असतात. कधी बाजारात उपलब्ध असलेल्या महागड्या स्किन केअर प्रॉडक्टचा वापर केला जातो तर कधी फेसपॅक, फेसमास्क, फेस स्क्रब करून त्वचेची काळजी घेतली जाते. पण आतून त्वचा स्वच्छ करणे जास्त गरजेचे आहे. त्वचेवर ग्लो वाढवण्यासाठी बाजारात उपलब्ध असलेल्या स्किन केअरचा वापर करण्याऐवजी आहारात बदल करून त्वचा डिटॉक्स करणे आवश्यक आहे. कारण यामुळे चेहऱ्यावर आलेले पिंपल्स, ऍक्ने आणि इतर त्वचेच्या सर्वच समस्या कमी होतात. त्वचेसंबंधित समस्या उद्भवू लागल्यानंतर महागड्या स्किन केअर प्रॉडक्टचा वापर करण्याऐवजी घरगुती उपाय करून चेहऱ्याची काळजी घ्यावी. त्यातील अतिशय प्रभावी पदार्थ म्हणजे कोरफड जेल. सर्वच महिला कोरफड जेलचा वापर त्वचा आणि केसांसाठी करतात. यामुळे त्वचेची खराब झालेली गुणवत्ता सुधारण्यास मदत होते.(फोटो सौजन्य – istock)

महिनाभरात गायब होतील चेहऱ्यावरील पिंपल्स आणि फोड! रात्री झोपण्याआधी नियमित प्या ‘हे’ खास आयुर्वेदिक पेय

कोरफड जेल त्वचा हायड्रेट करते. याशिवाय त्वचेमध्ये वाढलेली उष्णता कमी करण्यासाठी कोरफड जेलचा वापर करावा. कोरफडमध्ये टी-ऑक्सिडंट्स, अँटी-बॅक्टेरिअल आणि अँटी-इन्फ्लामेटरी गुणधर्म आढळून येते, ज्यामुळे हानिकारक पेशींपासून त्वचेचे रक्षण होते. त्वचेच्या सर्वच समस्यांपासून आराम मिळवण्यासाठी कोरफड जेलचा वापर करावा. यामध्ये असलेले मॉइश्चरायझिंग गुणधर्म त्वचा अतिशय चमकदार आणि सुंदर करतात. आज आम्ही तुम्हाला चेहऱ्यावरील हरवलेला ग्लो पुन्हा मिळवण्यासाठी कोरफड जेलमध्ये कोणते पदार्थ मिक्स करून लावावेत, याबद्दल सविस्तर माहिती सांगणार आहोत. यामुळे त्वचेवर वाढलेले मुरूम, डाग आणि पिंपल्स कमी होण्यास मदत होईल.

कोरफड आणि गुलाब पाणी:

कोरफड जेल त्वचेसाठी अतिशय प्रभावी मानले जाते. कारण यामध्ये असलेले गुणधर्म त्वचेला आतून हायड्रेट ठेवतात आणि त्वचा सुधारतात. वाटीमध्ये कोरफड जेल घेऊन त्यात गुलाब पाणी मिक्स करून घ्या. मिक्स केल्यानंतर तयार केलेले मिश्रण मान आणि चेहऱ्यावर लावून ठेवा. त्यानंतर हलक्या हाताने मसाज करून नंतर त्वचा पाण्याने स्वच्छ धुवून घ्या. गुलाब पाण्यामुळे त्वचा हायड्रेट राहते आणि चेहऱ्यावरील चमक वाढते.

कमी वयातच चेहऱ्यावर सुरकुत्या आल्या आहेत? मग ‘हे’ घरगुती उपाय नक्की करा, चेहरा दिसेल कायमच तरुण

कोरफड आणि लिंबाचा रस:

लिंबाच्या रसातील विटामिन सी त्वचेवरील डाग, मुरूम आणि पिंपल्स घालवण्यासाठी मदत करतात. याशिवाय चेहऱ्यावर आलेले काळे डाग, पिगमेंटेशन आणि फोड घालवण्यासाठी लिंबाच्या रसाचा वापर करावा. यासाठी वाटीमध्ये कोरफड जेल घेऊन त्यात लिंबाचा रस टाकून मिक्स करा. तयार केलेले मिश्रण संपूर्ण चेहऱ्यावर लावून काहीवेळ तसेच ठेवा आणि नंतर त्वचा पाण्याने स्वच्छ धुवून घ्या. यामुळे त्वचा उजळदार होते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.