Prawns Koliwada Recipe: विकेंड स्पेशल घरी बनवा हॉटेल स्टाइल प्रॉन्स कोळीवाडा; चव चाखताच व्हाल खुश

नॉनव्हेज लव्हर्स असाल तर ही रेसिपी तुमच्यासाठी खास आणि तुमच्या आवडीची ठरू शकते. आज आम्ही तुम्हाला कोळीवाड्याची शान आणि हॉटेल्समध्ये बहुतेक सर्व्ह केला जाणारा स्टार्टर्सचा प्रकार प्रॉन्स कोळीवाड्याची रेसिपी सांगत आहोत.

प्रॉन्स कोळीवाडा हा कोळंबीपासून तयार होणार एक लोकप्रिय स्टाटर्सचा प्रकार आहे. हा पदार्थ महाराष्ट्रात विशेषतः कोळीवाडा भागांमध्ये खूप प्रसिद्ध आहे. काहीतरी मसालेदार आणि चटपटीत खाण्याचा विचार असेल किंवा विकेंडवेळी नाश्त्यासाठी एक खास नॉन व्हेज पदार्थाच्या शोधात असाल तर ही रेसिपी तुमच्यासाठी एकदम परफेक्ट आहे.

मासिक पाळीच्या दिवसांमध्ये शरीरात वाढलेला थकवा दूर करण्यासाठी ‘या’ लाडूचे करा सेवन, हार्मोनल त्रास होईल दूर

“प्रॉन्स कोळीवाडा” ही एक लोकप्रिय आणि चविष्ट पारंपरिक कोळी पद्धतीने तयार केलेली रेसिपी आहे. ही रेसिपी खास करून समुद्रकिनारी मिळणाऱ्या स्ट्रीट फूडमध्ये प्रसिद्ध आहे. मसालेदार, खमंग आणि कुरकुरीत असे हे झणझणीत सीफूड स्टार्टर तुम्ही पार्टीची किंवा संध्याकाळच्या नाश्त्याची मजा आणखीन वाढवेल. मुख्य म्हणजे, हे बनवण्यासाठी फार साहित्य किंवा वेळेचीही गरज भासत नाही. चला तर मग अजिबात वेळ न घालवता जाणून घेऊया यासाठी लागणारे साहित्य आणि कृती.

साहित्य

• कोळंबी (प्रॉन्स) – 250 ग्रॅम (साफसुथरी करून)
• लिंबाचा रस – 1 टेबलस्पून
• हळद – ¼ टीस्पून
• मीठ – चवीनुसार
• आले-लसूण पेस्ट – 1 टेबलस्पून
• लाल तिखट – 1½ टीस्पून
• हळद – ¼ टीस्पून
• धणे पूड – 1 टीस्पून
• जिरे पूड – ½ टीस्पून
• आमचूर पावडर (ऐच्छिक) – ½ टीस्पून
• बेसनपीठ– 2 टेबलस्पून
• तांदळाचे पीठ – 1 टेबलस्पून
• अंडी – 1 (फेटून)
• मीठ – चवीनुसार
• तेल – तळण्यासाठी

लग्नसमारंभात सर्व्ह होणारे व्हेज पॅटीस आता घरीच बनवा, नोट करा रेसिपी

कृती

• प्रॉन्स कोळीवाडा बनवण्यासाठी सर्वप्रथम कोळंबीला नीट धुवून यावरील कवच काढून घ्या
• यानंतर साफ केलेल्या प्रॉन्सना लिंबाचा रस, हळद आणि मीठ लावून 10-15 मिनिटे बाजूला ठेवा
• एका भांड्यात आले-लसूण पेस्ट, लाल तिखट, हळद, धणे-जिरे पूड, आमचूर, बेसन, तांदळाचे पीठ, मीठ, फेटलेले
• अंडं घालून एकसंध मिश्रण तयार करा
• गरज असल्यास 1-2 टेबलस्पून पाणी घालून थोडं घट्ट पीठ तयार करा
• मॅरीनेट केलेले प्रॉन्स त्या मसाल्याच्या मिश्रणात घालून नीट मिक्स करा
• एका कढईत तेल गरम करा आणि मध्यम आचेवर प्रॉन्स कुरकुरीत तळून घ्या
• शोषण कागदावर काढा जेणेकरून जास्त तेल निघेल
• गरमागरम प्रॉन्स कोळीवाडा कोथिंबीर आणि लिंबाच्या फोडीसोबत पुदिन्याच्या चटणीबरोबर सर्व्ह करा, हे स्टार्टर म्हणून उत्तम पर्याय आहे
• तुम्हाला हवे असल्यास तुम्ही हे प्रॉन्स एअरफ्रायर फ्रायरमध्ये बेक देखील करू शकता