हिवाळ्यात आवर्जून बनवा पंजाबचा फेमस पदार्थ ‘सरसो दा साग’, चवीसह शरीरालाही मिळवून देईल अनेक फायदे

Sarso Da Saag Recipe : थंडीत जर तुम्ही सरसो दा साग नाही खाल्लंत तर मग काय केलं... थंडीची ही फेमस डिश पंजाबमध्ये फार लोकप्रिय असून हिवाळ्यात अनेकांच्या घरी ती आवर्जून बनवली जाते. जाणून घ्या पारंपरिक रेसिपी.

• हिवाळ्याला सुरुवात झाली असून य ऋतूत काही पदार्थ हे आवर्जून खाल्ले जातात.
• थंडीत शरीराल ऊब मिळवून देण्यासाठी काही पदार्थांची फार मदत होते.
• सरसो दा साग ही पंजाबची फेमस डिश आहे जी थंडीत आवर्जून खाल्ली जाते.

हिवाळ्याचा ऋतू म्हटलं की ताज्या पालेभाज्यांची रेलचेल दिसते आणि त्यात सर्वात खास स्थान मिळतं ते सरसों दा सागला. पंजाबची ही पारंपरिक रेसिपी केवळ चवीसाठीच नाही, तर आरोग्यासाठीही अत्यंत फायदेशीर मानली जाते. सरसों दा साग हा पंजाबी घराघरात हिवाळ्यात आवर्जून केला जातो. सरसोंची पाने म्हणजेच मोहरीची भाजी ही आयर्न, कॅल्शियम, फायबर आणि अँटिऑक्सिडंट्सने भरलेली असते.

Christmas 2025 : सणानिमित्त घरी बनवा टेस्टी सर्वांच्या आवडीचा ‘रेड वेल्व्हेट केक’, रेसिपी नोट करा

थंड हवामानात शरीराला उष्णता देण्याचे काम ही भाजी करते. त्यामुळे सर्दी-खोकला, अशक्तपणा यापासून बचाव होतो. पारंपरिक पद्धतीने बनवलेला सरसों दा साग मंद आचेवर शिजवला जातो, ज्यामुळे त्याची नैसर्गिक चव आणि पौष्टिकता टिकून राहते. ग्रामीण पंजाबमध्ये आजही हा साग मातीच्या चुलीवर शिजवला जातो आणि वरून देशी तुपाचा फोडणी दिली जाते. साध्या मसाल्यांमध्ये तयार होणारा हा साग चवीला अप्रतिम आणि पोटभरीचा असतो. चला तर मग, घरच्या घरी अस्सल पंजाबी चवीचा सरसों दा साग कसा बनवायचा ते पाहूया.

 साहित्य

• सरसोंची पाने (मोहरीची भाजी) – 2 वाट्या
• पालक – 1 वाटी
• बथुआ (असल्यास) – ½ वाटी
• हिरवी मिरची – 2
• लसूण – 6-7 पाकळ्या
• आले – 1 इंच
• कांदा – 1 मध्यम
• मका पीठ – 2 टेबलस्पून
• मीठ – चवीनुसार
• तूप – 2 टेबलस्पून
• लाल तिखट – ½ टीस्पून

31 डिसेंबर स्पेशल घरी बनवा मसालेदार अन् शाही चवीचे ‘शामी कबाब’, लगेच नोट करा रेसिपी

कृती

• यासाठी सर्वप्रथम सर्व पालेभाज्या नीट धुऊन चिरून घ्या.
• कुकरमध्ये मोहरीची पाने, पालक, बथुआ, हिरवी मिरची, आले, लसूण आणि मीठ घालून थोडं पाणी टाका.
• 3-4 शिट्ट्या देऊन भाज्या नीट शिजवून घ्या.
• थंड झाल्यावर मिश्रण मिक्सरमध्ये जाडसर वाटून घ्या.
• कढईत तूप गरम करून त्यात बारीक चिरलेला कांदा परतून घ्या.
• त्यात वाटलेला साग घाला आणि मंद आचेवर शिजवा.
• मका पीठ थोड्या पाण्यात मिसळून सागात घाला आणि नीट ढवळा.
• लाल तिखट घालून 10–15 मिनिटे मंद आचेवर उकळू द्या.
• गरमागरम मक्याची भाकरी, लोणी आणि कांद्याच्या फोडींसोबत सरसों दा साग सर्व्ह करा.