हिवाळ्यात घरी बनवा चटकदार मुळ्याची चटणी, रेसिपी आहे फार सोपी

Radish Chutney Recipe : हिवाळ्यात मुळा बाजारात भरपूर प्रमाणात येतो. याची भाजी जर तुम्हाला खायला आवडत नसेल तर तुम्ही यापासून चविष्ट अशी चटणी तयार करू शकते. गावाकडे ही चटणी फार फेमस आहे.

• हिवाळ्यात बाजारात मुळा मोठ्या प्रमाणात विक्रीसाठी येतो
• मुळा आपल्या आरोग्यासाठी भरपूर फायद्याचा ठरतो
• तुम्ही यापासून तिखट आणि चटकदार अशी चटणी तयार करू शकता

भारतीय स्वयंपाकघरात चटण्या हे जेवणातील एक अत्यंत महत्त्वाचे घटक मानले जातात. साध्या जेवणाला रंग, सुगंध आणि स्वाद देण्याचे काम चटणी उत्तमरीत्या करते. महाराष्ट्रात तर चटण्यांची विविधता पाहायला मिळते. हिरवी चटणी, लसूण चटणी, कोथिंबीर-खोबरे चटणी, शेंगदाणा चटणी आणि त्यातच खास करून देसी चवीची मुळ्याची चटणी. मुळा हा भाजीपाला साधा, साधा असला तरी त्याचा तिखटसर, ताजा आणि मातीचा वास जेवणाला एक वेगळाच ट्विस्ट देतो. मुळा शरीरासाठी अत्यंत फायदेशीर आहे. तो पचनशक्ती सुधारतो, पोटातील उष्णता कमी करतो, आणि शरीरातील ताजेपणा राखतो. साधारणपणे मुळा पराठे, कोशिंबीर किंवा रस्सा यांत वापरला जातो, पण मुळ्याची चटणी ही अशी डिश आहे जी पटकन तयार होते आणि चवीलाही तितकीच खास असते.

मार्गशीर्षमधील गुरुवारच्या उपवासानिमित्त १० मिनिटांमध्ये बनवा रताळ्याचे वेफर्स, नोट करून घ्या झटपट होणारी रेसिपी

जेवणात जर काहीतरी तिखट, फ्रेश आणि चवदार पाहिजे असेल तर मुळ्याची चटणी उत्तम पर्याय आहे. ही चटणी बनवताना तिच्या ताजेपणाला खूप महत्त्व असते. चिरलेला मुळा, लसूण, कोथिंबीर आणि मिरच्या यांचं एकत्र मिश्रण अगदी साधं असलं तरी त्यातून निर्माण होणारी चव अप्रतिम असते. तसेच ही चटणी भाकरी, पोळी, पराठे, भात किंवा अगदी गरम गरम वरण-भाताबरोबर पण अप्रतिम लागते. अगदी ग्रामीण भागात तर किसलेला मुळा आणि लसूण-मिरचीचा ठेचा यांच्यापासून तयार होणारी ही चटणी खास लोकप्रिय आहे.

साहित्य

• मुळा – 1 मध्यम आकाराचा
• कोथिंबीर – ½ कप
• लसूण – 3–4 पाकळ्या
• हिरव्या मिरच्या – 2 (चवीनुसार कमी-जास्त)
• शेंगदाणे भाजलेले – 2 टेबलस्पून (पर्यायी पण चव वाढते)
• मीठ – चवीनुसार
• लिंबाचा रस – 1 टीस्पून
• तेल – 1 टीस्पून (फोडणीसाठी)
• मोहरी – ½ टीस्पून
• हिंग – चिमूटभर

लहानच काय तर मोठेही होतील खुश, संध्याकाळच्या नाश्त्याला बनवा टेस्टी चीज पॅकेट्स, रेसिपी नोट करा

कृती 

• यासाठी सर्वप्रथम मुळा स्वच्छ धुवा आणि सोलून घ्या.
• आता त्याला किसणीवर बारीक किसून घ्या.
• किसलेल्या मुळ्याला हलकेसे दाबून त्यातील पाणी काढून घ्या. (हे पाणी वरणात वापरू शकता.)
• मिक्सरमध्ये कोथिंबीर, लसूण, हिरव्या मिरच्या, मीठ आणि शेंगदाणे घाला.
• हे सर्व थोडे थोडे पाणी घालत जाडसर पेस्ट तयार करा.
• आता ही पेस्ट एका भांड्यात काढून त्यात किसलेला मुळा मिसळा आणि चांगला एकजीव करा.
• शेवटी त्यात लिंबाचा रस घाला.
• आता एका छोट्या कढईत तेल गरम करा.
• त्यात मोहरी घालून तडतडू द्या.
• मग हिंग घालून फोडणी तयार करा.
• ही फोडणी मुळ्याच्या चटणीवर घालून हलकेसे ढवळून घ्या.
• मुळ्याची फ्रेश आणि तिखटसर चटणी गरम भाकरी, पोळी, पराठा किंवा भाताबरोबर सर्व्ह करा. ही चटणी
• जेवणात अप्रतिम ताजेपणा आणि चव भरते.