Nagpur Paper Leak Case: बारावी पेपरफुटीचा ‘मास्टरमाईंड’ ज्युनिअर कॉलेजच्या प्राचार्यासह ५ जणांना अटक

या साखळीचा मागोवा घेत पोलिस 'एक्सीलेंट ट्यूशन क्लास' पर्यंत पोहोचले. तेथील विद्यार्थ्यांच्या ग्रुपमध्ये आलेले प्रश्नपत्र १७ वर्षीय विधिसंघर्षग्रस्त बालकाने 'टेक १' ग्रुपवर पोस्ट केल्याचे समजले.

• विशाखा ज्युनिअर कॉलेजचे प्राचार्य; पेपर पुरवल्याचा आरोप
• व्हॉट्सअ‍ॅपद्वारे केमिस्ट्री आणि गणिताचे प्रश्न शेअर केले
• प्राचार्याला प्रश्नपत्र पुरवल्याच्या आरोपाखाली अटक.

Nagpur Paper Leak Case: बारावीच्या प्रश्नपत्रिका फुटी प्रकरणात पोलिसांनी आणखी पाच आरोपींना अटक तर एक आरोपी पसार आहे. फरहान अख्तर फहीम अख्तर (रा. ऑटोमोटिव्ह चौक), दिनेश कोटांगळे (३७, रा. कबीरनगर, नारी रोड), मनीष शंभरकर (४६, रा. गोदाम प्रदीप ले-आऊट, त्रिमूर्तीनगर), भयायालाल जांगडे (४३, रा. आराधना कॉलनी, नारा रोड) आणि संदीप बाबुराव सरटकर (४६, रा. जयताळा) अशी अटकेतील आरोपींची नावे आहेत. या प्रकरणात पोलिसांनी यापूर्वी मुस्तफा मुनीर खान (४२, रा. भानखेडा), जुनेद मोहम्मद अब्दुल जावेद (२४, रा. हसनबाग) आणि निशिकांत सुखदेव मूल (४०, रा. झिंगाबाई टाकळी) यांना अटक केली होती. ते कारागृहात आहेत. अल्ताफ गोडिल नावाचा आरोपी पसार आहे.

सदर पोलिसांनी १९ फेब्रुवारीला जिल्हा परिषदेचे शिक्षणाधिकारी अनिल दहिफळे यांच्या तक्रारीवरून अज्ञाताविरुद्ध गुन्हा नोंदविला होता. आरोपी निशिकांत मूलने मोबाईलवरून एचएससी बोर्डाच्या फिजिक्स आणि केमिस्ट्री विषयाचे प्रश्नपत्र परीक्षेपूर्वी व्हॉट्सअॅप ग्रुपवर फॉरवर्ड केले. त्यानंतर फरहान अख्तरने त्याच ग्रुपमध्ये संबंधित प्रश्नांची उत्तरे शेअर केली. चौकशीत प्रश्नपत्र ‘टेक १’ नावाच्या व्हॉट्सअॅप ग्रुपमार्फत प्रसारित झाल्याचे उघड झाले.

एम्सच्या जेवणात किडे आढळल्याने खळबळ; पथकाने अचानक तपासणी सुरु केली अन्…

या साखळीचा मागोवा घेत पोलिस ‘एक्सीलेंट ट्यूशन क्लास’ पर्यंत पोहोचले. तेथील विद्यार्थ्यांच्या ग्रुपमध्ये आलेले प्रश्नपत्र १७ वर्षीय विधिसंघर्षग्रस्त बालकाने ‘टेक १’ ग्रुपवर पोस्ट केल्याचे समजले. पुढील चौकशीत एक्सीलेंट अकादमीशी संबंधित जुनेद याने संबंधित ग्रुपमध्ये प्रश्नपत्र फॉरवर्ड केल्याचे स्पष्ट झाले, तसेच एक्सीलेंट ट्यूशन क्लासचा संचालक मुस्तफा खानला या प्रकाराची माहिती होती आणि प्रश्नपत्र त्याच्या मोबाईलवरही प्राप्त झाल्याचे निष्पन्न झाल्याने त्याला अटक केली.

Nagpur News: नागपुरात बारावीचे पेपर परीक्षेआधीच व्हॉट्सअॅप ग्रुपव

ज्युनिअर कॉलेजपर्यंत पोहोचला तपास

तपासादरम्यान दिनेश कोटांगळे याचे नाव पुढे आले, त्याने कॉट्सअॅपद्वारे कैमिस्ट्री आणि गणिताचे प्रश्नपत्र शेअर केल्याचा आरोप आहे. चौकशीत समोर आले की, त्याच्या परिचयातील फरार आरोपी अल्ताफ गोडिल याने बारावी बोर्डाचा पेपर आधीच मिळवून देण्याची मागणी केली होती. यानंतर कोटांगळे याने सहारे याच्याशी संपर्क साधला. त्यानंतर एज्युकेशन अकादमीचा संचालक मनीष शंभरकर याच्या माध्यमातून विशाखा ज्युनिअर कॉलेजचे प्राचार्य प्रदीप भय्यालाल जांगडे यांची भेट घेतली.

कोटांगळे आणि गोडिल यांनी जांगडे याच्याकडून केमिस्ट्रीचे प्रश्नपत्र व एमसीक्यू मिळवून ते व्हॉट्सअॅपद्वारे प्रसारित केल्याचा आरोप आहे. तसेच २१ फेब्रुवारला झालेल्या गणित विषयाची प्रश्नपत्रिका व उत्तरेही आरोपींच्या मीचाईलवर पाठविल्याचे तपासात उघड झाले. चौकशीत जांगडे यांनी प्रश्नपत्र सरटकर याच्याकडून मिळाल्याचे सांगितल्याने पोलिसांनी संदीप सरटकर यालाही अटक केली. सर्व आरोपीना शुक्रवारी न्यायालयात हजर केले असता ४ दिवसांची पोलिस कोटडी सुनावली.