शनिवार, 24 ऑक्टोबर 2026
Kolhapur Politics: शेतकऱ्यांची आत्महत्या थांबवायला निधी नाही, पण महामार्गासाठी १ लाख कोटी? राजू शेट्टींचा गंभीर आरोप
कोल्हापूर : ऊस दराच्या मुद्द्यावरून पुणे-बंगळुरु राष्ट्रीय महामार्गावर सांगली नाका येथे झालेल्या हिंसक आंदोलनाच्या खटल्याचा निकाल कोल्हापूर जिल्हा सत्र न्यायालयात शनिवारी (दि.२९) लागला. जिल्हा न्यायाधीश (२) डी. व्ही. कश्यप यांनी माजी खासदार राजू शेट्टी यांच्यासह ८० आंदोलकांची यावेळी निर्दोष मुक्तता केली. या निर्णयानंतर आंदोलकांनी न्यायालयाबाहेर आनंदोत्सव साजरा केला. तसेच आंदोलनाला पुन्हा बळ मिळण्याची भावना राजू शेट्टी यांनी व्यक्त केले.
शेतकऱ्यांच्या उसाला दर मिळावा यासाठी राजू शेट्टी यांनी पुणे-बंगळुरु राष्ट्रीय महामार्गावर आंदोलन केले होते. या आंदोलनाला हिंसक वळण लागल्याने पोलिसांनी माजी खासदार राजू शेट्टींसह ८० जणांना गुन्हा दाखल केला होता. ऊस आंदोलनाच्या वेळी पोलिसांनी राजू शेट्टी यांना ताब्यात घेऊन पोलीस कोठडीत ठेवले होते. या घटनेच्या निषेधार्थ कोल्हापूर, सांगली जिल्ह्यातील हजारो शेतकरी रस्त्यावर उतरले होते. त्यावेळी वाहनांची तोडफोड आणि जाळपोळ झाल्याने 3 हजार ७८१ आंदोलकांच्यावर गुन्हे दाखल झाले होते. त्यात शिरोली नाका परिसरात ८० आंदोलकांचा समावेश होता.
जिल्हा व सत्र न्यायाधीश डी. व्ही. कश्यप यांनी निकाल देताना राजू शेट्टी यांच्यासह ८० आंदोलकांचे सबळ पुराव्याअभावी निर्दोष मुक्तता केली. संघटनेच्या वतीने अॅड. ब्रिजेश शास्त्री, अॅड श्रेणिक पाटील, अॅड. अमेय मकरे, अॅड. सुवर्णभद्र पाटील आदींनी काम पाहिले.
ऊस दराबाबत शेतकरी संघटना आक्रमक
ऊस दराच्या प्रश्नावर पुन्हा एकदा स्वाभिमानी शेतकरी संघटना आक्रमक झाली. शिरोळ तालुक्यातील कर्नाटक सीमाभागात ऊस वाहतूक रोखण्यासाठी संघटनेने तंबू ठोकले होते. माजी खासदार राजू शेट्टी यांच्या आदेशानुसार जिल्हा स्वाभिमानी युवा आघाडीचे अध्यक्ष सचिन शिंदे यांच्या नेतृत्वाखाली हे आंदोलन सुरू केले होते.
पोलिस प्रशासनाचे परिस्थितीवर लक्ष
ऊस वाहतुकीवर लक्ष ठेवण्यासाठी संघटनेच्या वेगवेगळ्या पथकांची नियुक्ती करण्यात आली होती. पोलिस प्रशासन देखील या परिस्थितीवर लक्ष ठेवून होते. ऊसदराच्या मुद्द्यावरून शिरोळ तालुक्यातील वातावरण तापले असून, आंदोलनाची ठिणगी कधीही प्रखर रूप धारण करण्याची शक्यता त्यावेळी व्यक्त करण्यात आली होती.
हेदेखील वाचा : Maharashtra Politics: “शेतकऱ्यांना सरसकट कर्जमाफी न दिल्यास…”; राजू शेट्टींचा सरकारला निर्वाणीचा इशारा
