डॉक्टर आणि दोन रुग्णाच्या नातेवाईकांना चावा घेतल्याची धक्कादायक घटना

डोंबिवली पूर्वेतील स्टार कॉलनी परिसरात आरोग्यम हॉस्पिटल आहे. 20 तारखेच्या संध्याकाळी डोंबिवलीत राहणारे राज सिंह आपली पत्नी ज्योतीला घेऊन हॉस्पिटलमध्ये आले होते.

डोंबिवली : डोंबिवलीत एका हॉस्पिटलमध्ये धक्कादायक घटना घडली आहे. रुग्णाच्या नातेवाईकांनी हॉस्पिटलमधील डॉक्टर आणि दोन कर्मचाऱ्यांना चावा घेतल्याची धक्कादायक घटना समोर आली आहे. ही हाणामारीची घटना सीसीटीव्हीत कैद झाली आहे. घटना घडल्यानंतर पोलिसांनी दोन जणांविरोधात गुन्हा दाखल करण्यात आला आहे आणि पुढील तपास सुरू केला आहे.

डोंबिवली पूर्वेतील स्टार कॉलनी परिसरात आरोग्यम हॉस्पिटल आहे. 20 तारखेच्या संध्याकाळी डोंबिवलीत राहणारे राज सिंह आपली पत्नी ज्योतीला घेऊन हॉस्पिटलमध्ये आले होते. ज्योती सिंह हिला पोटात त्रास होत होता. सोबत राज याची आई देखील होती. हॉस्पिटलमधील डॉक्टरांनी ज्योतीवर उपचार केले. थोड्यावेळानंतर ज्योतीचा त्रास कमी झाला. डॉक्टरांनी तिला डिस्चार्ज करायचे सांगितले. डिस्चार्ज करण्याच्या वेळी ज्योतीला परत पोटात त्रास सुरू झाला. डॉक्टरांनी ज्योती हिला ऍडमिट व्हायचा सल्ला दिला. डॉक्टरांनी ज्योती हिच्या सिटीस्कॅन आणि इतर बाबी करायला सांगितल्या. हे ऐकून ज्योती हिचे नातेवाईक संतापले.

वाद एवढा विकोपाला गेला की, ज्योतीचे पती राज सिंह आणि सासू सुशीला सिंह या दोघांनी डॉक्टर आणि हॉस्पिटलमधील कर्मचाऱ्यांसोबत वाद घालायला सुरुवात केली. वादाच्या रूपांतरण हाणामारीत झाले. यादरम्यान राज आणि सुशीला या दोघांनी हॉस्पिटलमधील डॉक्टर नितीन खोटे आणि इतर दोन कर्मचाऱ्यांचा चावा घेतला. हा धक्कादायक प्रकार घडल्यानंतर हॉस्पिटल प्रशासनाने या प्रकरणात मानपाडा पोलीस ठाण्यात गुन्हा दाखल केला आहे. या प्रकरणी मानपाडा पोलिसांनी ज्योतीचे पती राजसिंग आणि राज याची आई सुशीला विरोधात गुन्हा दाखल करीत पुढील तपास सुरू केला आहे. मात्र या घटनेमुळे खळबळ उडाली आहे.