शिंगोरी शिवारात आढळली मानवी कवटीसह आधारकार्ड व कपड्यांची बॅग

शिंगोरी येथील एक शेतमजूर बैल चारण्याकरिता शनिवारी दुपारच्या सुमारास गेला होता. दरम्यान अप्पर वर्धा क्षेत्राच्या पडीत जमिन क्षेत्रात मानवी कवटी, एक बॅग आणि विखुरलेले कपडे, आधारकार्ड दिसून आले. गुराख्याने ही माहिती ग्रामस्थांना दिली. यावरून इत्तमगाव शहीद येथील  पोलीस पाटील शेषराव खैरकार यांनी बेनोडा पोलिसांना सूचित केले.

वरूड : बेनोडा पोलीस ठाण्याच्या हद्दीतील शिंगोरी अप्पर वर्धा क्षेत्राच्या पडीत जमीन क्षेत्रात एक शेतमजूर बैल चारण्याकरिता गेला असता मानवी कवटी आणि आधारकार्ड कपड्याची बॅग आढळून आली. त्यामुळे परिसरात खळबळ माजली होती. आधारकार्ड वरून बेपत्ता असलेले ८५ वर्षीय वृद्धांची कवटी असल्याची ओळख पटली. बेनोडा पोलिसांनी कवटी डीएनए तपासणी करीता प्रयोगशाळेत पाठविली आहे.

शिंगोरी येथील एक शेतमजूर बैल चारण्याकरिता शनिवारी दुपारच्या सुमारास गेला होता. दरम्यान अप्पर वर्धा क्षेत्राच्या पडीत जमिन क्षेत्रात मानवी कवटी, एक बॅग आणि विखुरलेले कपडे, आधारकार्ड दिसून आले. गुराख्याने ही माहिती ग्रामस्थांना दिली. यावरून इत्तमगाव शहीद येथील  पोलीस पाटील शेषराव खैरकार यांनी बेनोडा पोलिसांना सूचित केले. पोलीस घटना स्थळावर पोहोचले. इत्तमगाव येथील नथ्थूजी ठाकूर (वय ८५) हे एक महिन्यांपासून घरून कुणालाही न सांगता निघून गेल्याची माहिती वृद्धांचे मुलाने दिली. तेव्हा कपडे, आधारकार्ड वरून ओळख पटविण्यात आली. ठाणेदार मिलिंद सरकटे यांनी सदर कवटी बेपत्ता वृद्धांची आहे किंवा नाही याचा शोध घेण्याकरिता प्रयोगशाळेत डीएनए चाचणी करीता पाठविली आहे. बेनोडा पोलीस स्टेशनचे ठाणेदार मिलिंद सरकटे, बीट जमादार मनोहरे, अंकुश वानखडे यांनी घटनास्थळाचा पंचनामा केला.  इत्तमगावचे सरपंच प्रवीण मानकर व ग्रामस्थ उपस्थित होते.