Pune News : थकबाकीदारांसाठी अभय योजना ठरतेय फायद्याची; महापालिकेच्या तिजोरीत 954.78 कोटी जमा
पुणे : महापालिकेच्या मिळकत कराची थकबाकी वसूल होण्यासाठी १५ नोव्हेंबर ते १५ मार्च या चार महिन्यात राबविण्यात आलेल्या अभय योजनेला चांगला प्रतिसाद मिळाला. या चार महिन्यात १ लाख ६४ हजार ६६५ मिळकतधारकांनी या योजनेतुन ९५४ कोटी ७८ लाख ६४ रुपये महापालिकेच्या तिजोरीत जमा केले आहेत.
महापालिकेची समाविष्ट गावांमध्ये २ हजार कोटी, मोबाइल टॉवरची ४,२५० कोटी आणि जुन्या हद्दीतील, अशी ६ लाख ३७ हजार ६०९ मिळकतींची एकूण १३०९७.११ कोटींची थकबाकी आहे. ही थकबाकी वसूल होण्यासाठी १५ नोव्हेंबर ते १५ मार्च या कालावधीत चार महिने अभय योजना राबविण्यात आली. या योजनेतून थकीत मालमत्ता करावर आकारलेल्या दंडाच्या रकमेवर ७५ टक्के सूट मिळली आहे. या चार महिन्यात १ लाख ६४ हजार ६६५ मिळकतधारकांनी या योजनेतुन ९५४ कोटी ७८ लाख ६४ रुपये महापालिकेच्या तिजोरीत जमा केले आहेत.
या चार महिन्यात या अभय योजनेचा लाभ न घेतलेल्या मिळकतधारकांची संख्या १९ हजार ३२१ असुन त्यांनी ११५ कोटी ५७ लाख रूपये भरले आहेत. त्यामुळे चार महिन्यात १लाख ८३ हजार ९८६ मिळकतधारकांनी १ हजार ७० कोटी रूपये मिळकत कर भरला आहे, अशी माहिती मिळकत कर विभागप्रमुख रवि पवार यांनी माहिती दिली.
शेवटच्या दिवशी २४ कोटी ३६ लाखाचा मिळकत कर जमा
पुणे महापालिकेच्या अभय योजनेचा शेवटच्या दिवशी म्हणजे १५ मार्च रोजी २ हजार ५६० मिळकतधारकांनी २४ कोटी ३६ लाख १४ हजार मिळकत कर जमा केला आहे. अभय योजनेचा लाभ न घेतलेलया १६८ मिळकतधारकांनी याच दिवशी १ कोटी ५१ लाखाचा मिळकत कर भरला आहे. त्यामुळे २हजार ७२८ मिळकतधारकांनी २५ कोटी ८७ लाखाचा मिळकत कर भरला आहे.
मिसिंग लिंक प्रकल्प पूर्ण
दुसरीकडे, देशाची आर्थिक राजधानी असलेल्या मुंबईसाठी आणि संपूर्ण महाराष्ट्रासाठी आनंदाची बातमी आली आहे. बहुप्रतिक्षित मुंबई-पुणे “मिसिंग लिंक” प्रकल्प पूर्ण झाला आहे. प्रकल्पात सहभागी असलेल्या एका अभियंत्याने सोशल मीडिया प्लॅटफॉर्म X वर एक व्हिडिओ शेअर केला. मुंबई-पुणे “मिसिंग लिंक” प्रकल्प हा अभियांत्रिकीचा एक चमत्कार आहे.
हेदेखील वाचा : Missing link project: मुंबई-पुणे प्रवाशांसाठी आनंदाची बातमी, मिसिंग लिंक प्रकल्प पूर्ण; पहा ड्रोन दृश्ये
.png "Videos"){kind=small}
