पाटस : जेजुरीला देवदर्शन करण्यासाठी निघालेल्या भाविकांच्या कारचा पाटस-दौंड रोडवर (Accident on Patas-Daund Road) भीषण अपघात झाला. या अपघातामध्ये आठ प्रवासी किरकोळ जखमी झाले आहेत, अशी प्राथमिक माहिती मिळत आहे. हा अपघात पाटस-दौंड रोडवरील अंबिकानगर शुक्रवारी (दि.28) सकाळी सहाच्या सुमारास झाला.
मालवाहतूक ट्रक हा पाटस बाजूकडून दौंड दिशेला जात असताना समोरून भरधाव वेगाने येणाऱ्या कारने ट्रकला जोरदार धडक दिली. या अपघातात आठ प्रवासी किरकोळ स्वरूपात जखमी झाले असून, एका प्रवाशाच्या पायाला गंभीर दुखापत झाल्याने त्यास दौंड येथील खाजगी रुग्णालात उपचारासाठी दाखल करण्यात आले आहे. हा अपघातात मोठा अनर्थ टाळला असला तरी ट्रकची दोन्ही चाके तुटून पडले आहेत. तर कार ही चक्राची वेळ झाल्याने दोन्ही वाहनांचे मोठा नुकसान झाले आहे.
दरम्यान, या घटनेची माहिती मिळताच यवत पोलीस ठाण्याचे पोलीस नाईक अजित इंगवले, पोलीस शिपाई समीर भालेराव, पोलीस मित्र रमेश चव्हाण आदींनी घटनास्थळी धाव घेतली. जखमी प्रवाशांना पुढील उपचारासाठी हलवण्यात आले. याबाबत यवत पोलीस ठाण्यात गुन्हा दाखल करण्याचे काम सुरू आहे.
.png "Videos"){kind=small}
