Jaggery Price Hike: साखरेबरोबर गुळाचेही भाव वाढले: सणासुदीत सामान्यांना आर्थिक फटका पिशोरचा गावरान गुळ खातोय ‘भाव’ !

Jaggery Price Hike: सर्वसामान्यांच्या वापरातील साखर आणि गुळाच्या दरात मोठी वाढ झाली आहे. ग्रामीण भागात साखरेचा भाव सुमारे ६० रुपये किलो, तर गुळाचा दर १०० रुपये किलोवर पोहोचला आहे. विशेषतः पिशोरच्या गावरान गुळाला महाराष्ट्रासह इतर राज्यांत मागणी असल्याने उत्पादक शेतकऱ्यांमध्ये समाधानाचे वातावरण आहे.

• साखरेचा भाव ६० रुपये किलोवर
• गुळाचा दर १०० रुपये किलोवर
• गावरान गुळाच्या उत्पादक शेतकऱ्यांना दिलासा

सर्वसामान्यांच्या दैनंदिन वापरातील साखर आणि गुळाच्या दरात मोठी वाढ झाली आहे. ग्रामीण भागात साखरेचा भाव प्रतिकिलो ६० रुपये, तर गुळाचा भाव १०० रुपये किलोवर पोहोचला आहे. मराठवाड्यातच नव्हे तर महाराष्ट्रासह अन्य राज्यांत मागणी असलेल्या पिशोरच्या गावरान अर्थात नैसर्गिक गुळ उत्पादक शेतकऱ्यांमध्ये आनंद व्यक्त होत आहे.

दरांचा आर्थिक फटका

सणासुदीच्या काळात चहा, फराळ, मिठाई तसेच विविध खाद्यपदार्थांसाठी साखर व गुळाचा मोठ्या प्रमाणावर वापर होतो. त्यामुळे दरवाढीचा थेट परिणाम गृहिणींच्या बजेटवर होणार आहे. लहान व्यावसायिक आणि मिठाई विक्रेत्यांनाही वाढलेल्या दरांचा आर्थिक फटका बसत आहे. पिशोरमध्ये गावरान गुळाचे मोठ्या प्रमाणावर उत्पादन पिशोर परिसरात गावरान गुळाचे मोठ्या प्रमाणावर उत्पादन घेतले जाते. यंदाही परिसरातील अनेक गुऱ्हाळे सुरू होती. Jaggery Price Hike:

पाचोरा येथील कोल्ड स्टोरेजमध्ये साठवणूक

या गुन्हाळांतून उत्पादित गूळ व्यापा-यांकडून पाचोरा येथील कोल्ड स्टोरेजमध्ये साठवून ठेवला जातो. बाजारात मागणी वाढल्यानंतर हा गूळ विक्रीसाठी आणला जातो. गुळाचे व्यापारी सचिन नवले यांनी सांगितले की, साखरेचे दर वाढल्याने ग्राहकांचा कल गुळाकडे वाढला आहे. त्यामुळे गुळाच्या मागणीतही वाढ झाली असून, दरात सुमारे २० रुपयांची वाढ झाली आहे.

Buldhana News: एसटी बस-टिप्परच्या धडकेत १ ठार ६ जण जखमी; चिखली-खामगाव महामार्गावर घडला अपघात

सध्या गावरान गुळाची विक्री १०० रुपये प्रतिकिलो दराने होत आहे. साखर आणि गुळाच्या वाढलेल्या दरामुळे आगामी सणासुदीच्या काळात नागरिकांच्या खर्चात आणखी वाढ होण्याची शक्यता आहे. त्यामुळे दरवाढीवर नियंत्रण कधी येणार आणि आगामी काळात साखर-गुळाचे भाव आणखी वाढणार की कमी होणार, याकडे नागरिकाचे लक्ष लागले आहे.

Nashik Phata Khed Corridor: नाशिक फाटा ते खेड कॉरिडॉरचा मार्ग मोकळा; भूसंपादनासाठी १७५ कोटी मंजूर

गावरान गुळाची वैशिष्ट्ये

• नैसर्गिक पद्धतीने निर्मिती गावरान गूळ पारपरिक पद्धतीने
• उसाचा रस आटवून तयार केला जातो. गूळ तयार करताना रासायनिक प्रक्रिया टाळली जाते. रस स्वच्छ करण्यासाठी भेंडीच्या झाडाचा
• अर्क वापरण्याची पारंपरिक पद्धत काही ठिकाणी प्रचलित आहे.
• चव, रंग आणि सुगंध गावरान गुळाची नैसर्गिक चव,
• वैशिष्ट्यपूर्ण सुगंध आणि सोनेरी, पिवळसर किया तपकिरी रंग यामुळे त्याला विशेष मागणी असते.
• कमी प्रक्रिया केलेला साखरेच्या तुलनेत गुळावर कमी प्रक्रिया कैली जाते. त्यामुळे त्यातील काही नैसर्गिक घटक टिकून राहतात.
• ऊर्जेचा स्रोत: गुळामध्ये प्रामुख्याने कार्बोहायड्रेट्स असल्याने तो शरीराला ऊर्जा देणारा पदार्थ आहे.
• खनिजांचे प्रमाण: गुळामध्ये कॅल्शियम, लोह, पोटॅशियम आणि मॅग्नेशियम यांसारखी काही खनिजे अल्प प्रमाणात आढळतात.
• पारंपरिक वापर : चहा, पोळी, भाकरी, लाडू, चिक्की यांसह विविध पारंपरिक पदार्थांमध्ये गुळाचा वापर केला जाती.