ईआईपीआर इंडिया प्रायव्हेट लिमिटेडचे मॅनेजर आणि तक्रारदार परशुराम सुखदेव कारंडे यांना मिळालेल्या माहितीनंतर या प्रकरणाचा तपास सुरू करण्यात आला. खापा येथील दोन वेगवेगळ्या दुकानांमध्ये टाटा मोटर्स आणि गल्फ यांसारख्या प्रसिद्ध ब्रँडच्या नावाने नकली डीईएफची विक्री केली जात असल्याची माहिती समोर आली. त्यानंतर पोलिसांनी संबंधित दुकानांवर धाड टाकून तेथील मालाची तपासणी केली.
डबे आणि पॅकेजिंगमध्ये आढळल्या अनेक त्रुटी
धाडीदरम्यान ताब्यात घेण्यात आलेल्या डीईएफच्या डब्यांची पोलिस अधिकारी आणि कंपनीच्या प्रतिनिधींनी सखोल तपासणी केली. या तपासणीत डब्यांवरील प्रिंटिंग, रंगसंगती, एमआरपी, होलोग्राम आणि मोनोग्राम यामध्ये अनेक विसंगती आढळून आल्या. त्यामुळे हा माल बनावट असल्याचा संशय अधिक बळावला.
विशेष म्हणजे, डब्यांवर लावण्यात आलेले होलोग्राम आणि मोनोग्राम स्कॅनरच्या माध्यमातून तपासण्यात आले. मात्र, त्यावरील माहिती संबंधित मूळ कंपन्यांच्या प्रणालीशी जुळत नसल्याचे तपासणीत समोर आले. यामुळे ब्रँडच्या नावाचा गैरवापर करून ग्राहकांची फसवणूक केली जात असल्याची शक्यता व्यक्त करण्यात आली आहे.
76,900 रुपयांचा माल जप्त
पोलिसांनी या कारवाईत एकूण 76,900 रुपयांचा संशयित माल ताब्यात घेतला. यामध्ये टाटा मोटर्स आणि गल्फ कंपनीचे लेबल लावलेले डीईएफचे डबे मोठ्या प्रमाणात आढळले. या प्रकरणाचा पुढील तपास सुरू असून, बनावट उत्पादनाचा स्रोत आणि त्यामागील व्यक्ती किंवा नेटवर्कचा शोध घेण्यासाठी तपास यंत्रणा काम करत आहे.
.png "Videos"){kind=small}
