शुक्रवार, 23 ऑक्टोबर 2026
(फोटो सौजन्य-AI एआय)
नव्या लाडकी बहीण पोर्टलवर जिल्ह्यातून ९० हजार ६८९ अर्ज प्राप्त झाले होते. त्यापैकी ८८ हजार ८५५ अर्ज मंजूर करण्यात आले असून एक हजार ८३४ अर्ज नाकारण्यात आले. नव्या पोर्टलवरील सर्व अर्जावरही १०० टक्के प्रक्रिया पूर्ण झाली असून कोणताही अर्ज प्रलंबित नाही. नव्या पोर्टलवर भंडारा तालुक्यात २२ हजार २६१, लाखांदूरमध्ये १० हजार ९०२, लाखनीमध्ये ७ हजार ९६३, मोहाडीमध्ये ८ हजार ११४, पवनीमध्ये ११ हजार ३६१, साकोलीमध्ये ९ हजार ७३८ आणि तुमसरमध्ये १८ हजार ५१६ अर्ज मंजूर झाले.
पूर्ण करण्यात आली. तालुकानिहाय पाहता भंडारा तालुक्यात ३९ हजार २३६, लाखांदूरमध्ये २० हजार ८९५, लाखनीमध्ये २२ हजार १८७, मोहाडीमध्ये २४ हजार ६२८, पवनीमध्ये २४ हजार ९६१, साकोलीमध्ये २४ हजार ५९२ आणि तुमसरमध्ये ३७ हजार ४३४ महिला या योजनेचा लाभ घेत आहेत.
महिलेचे बँक खाते आधारशी संलग्न नसणे, ई-केवायसी प्रक्रिया अपूर्ण राहणे किंवा उपलब्ध माहितीमध्ये त्रुटी असणे यामुळे योजनेचा लाभ मिळण्यास अडथळे निर्माण होत आहेत. सध्या दररोज किती महिला अपात्र ठरत आहेत किंवा शासकीय कर्मचाऱ्यांनी लाभ घेतल्यास त्याची नेमकी आकडेवारी सध्या विभागाकडे उपलब्ध नाही.
लाभार्थी आधार क्रमांकाशी संबंधित ७७ आधा किंवा ई-केवायसीनंतर किती महिला अपात्र ठरल्या किंवा शासकीय कर्मचाऱ्यांनी किती लाभ घेतला, याची स्वतंत्र अधिकृत आकडेवारी सध्या आमच्याकडे उपलब्ध नाही. अपात्र ठरलेल्या महिलांची स्वतंत्र आकडेवारी विभागाकडे नाही. याबाबत शासनाकडून जो निर्णय घेतला जाईल, त्यानुसार पुढील कार्यवाही करण्यात येईल. असे अरुण बांदुरकर, महिला व बालविकास अधिकारी, भंडारा यांनी सांगितले.
