सातारा : मराठी सिनेइंडस्ट्रीतली लोकप्रिय अभिनेत्री आणि निर्माती श्वेता शिंदे हिच्या साताऱ्यातल्या घरी चोरी झाल्याची घटना समोर आली आहे. घरी कोणी नसल्याचं पाहून चोरट्यांनी घरावर दरोडा टाकत लाखोंचं सोनं आणि रक्कम चोरी केल्याचं सांगण्यात येत आहे. या प्रकरणी श्वेतानं साकारा पोलिस ठाण्यात एफआयआर दाखल केला आहे. सातारा पोलिस या प्रकरणाचा तपास करत आहेत.
अभिनेत्रीने तक्रार दाखल करताना माध्यमांशी देखील संवाद साधला. यावेळी ती म्हणाली की, “3 जून रोजी म्हणजे सोमवारी माझ्या घरी चोरट्यांनी दरोडा टाकला आहे. याबद्दल मी पोलिसांमध्ये तक्रार देखील दाखल केलेली आहे. घरातून चोरांनी जवळपास दहा तोळे सोने आणि पैसे चोरलेले आहे. ज्यावेळी ही घटना घडली त्यावेळी आई घरात नव्हती त्यामुळे ती सुखरूप वाचली.”
साताऱ्यात चोरीच्या घटनांमध्ये दिवसेंदिवस वाढ होताना दिसत आहे. श्वेता शिंदे हिच्या घरीही मोठी चोरी झाल्यानं एकच खळबळ उडाली आहे. श्वेता साताऱ्यात पिरवाडी इथं राहते. चोरट्यांनी घरात दरोडा टाकला तेव्हा सुदैवानं घरी कोण नसल्यानं त्यांच्या जीवाला धोका निर्माण झाला नाही. पण घरातले दागिने आणि पैशावर चोरट्यांनी डल्ला मारला आहे.
.png "Videos"){kind=small}
