एकही नुकसानग्रस्त शेतकरी मदतीपासून वंचित राहू नये; पालकमंत्री मकरंद पाटील यांचे निर्देश; चिखली-सिंदखेडराजा तालुक्यातील गावांना भेट

Makarand Patil Visit to Buldhana Crop Damage villages: बुलढाणा जिल्ह्यात पावसातील खंड आणि अनियमित पर्जन्यमानामुळे पिकांचे नुकसान झाल्याच्या पार्श्वभूमीवर पालकमंत्री मकरंद पाटील यांनी चिखली व सिंदखेडराजा तालुक्यातील नुकसानग्रस्त शेतीची प्रत्यक्ष पाहणी केली.

• शेतकऱ्यांच्या बांधावर पोहोचले पालकमंत्री
• मकरंद पाटलांनी घेतली पिकांच्या नुकसानीची पाहणी
• पंचनामे तातडीने पूर्ण करण्याचे निर्देश

बुलढाणा: पावसातील खंड, अनियमित पर्जन्यमान आणि त्यामुळे पिकांच्या वाढीवर झालेला परिणामामुळे शेतकरी अडचणीत सापडला आहे. या पार्श्वभूमीवर नुकसानग्रस्त शेतकऱ्यांची वस्तुस्थिती जाणून घेण्यासाठी राज्याचे मदत व पुनर्वसन मंत्री तथा जिल्ह्याचे पालकमंत्री मकरंद पाटील यांनी थेट शेताच्या बांधावर पोहोचून पिकांची पाहणी केली. नुकसानग्रस्त एकही शेतकरी मदतीपासून वंचित राहू नये, यासाठी तातडीने अचूक पंचनामे पूर्ण करावेत.

खडकपूर्णा प्रकल्पात ७ टक्केच जलसाठा; बुलढाणा जिल्ह्यात मोजक्याच प्रकल्पांतच पुरेसा साठा, पेयजल अन् सिंचनाची चिंता वाढली

शासन शेतकऱ्यांच्या पाठीशी असून बाधित शेतकऱ्यांना भरीव मदत करण्यात येईल, अशी ग्वाही त्यांनी यावेळी दिली. पालकमंत्री पाटील यांनी चिखली तालुक्यातील केळवद, मालगणी, बेराळा, वसंतनगर व सरंबा, तसेच सिंदखेडराजा तालुक्यातील सावरगाव माळ येथे शेताच्या बांधावर जाऊन पिकांची प्रत्यक्ष पाहणी केली. त्यांनी शेतकऱ्यांशी संवाद साधत पावसातील खंड, पिकांची सद्यस्थिती, उत्पादनावर होणारा परिणाम तसेच शेतकऱ्यांना भेडसावणाऱ्या अडचणींची माहिती घेतली. पीक परिस्थिती व नुकसानीचा प्रशासकीय यंत्रणेकडून आढावा घेण्यात आला. त्याआधारे लवकरच मदतीबाबत निर्णय होईल, असे ना. मकरंद पाटील यांनी सांगितले.

खडकपूर्णा धरणातील पाणीसाठ्याची पाहणी

दौऱ्यादरम्यान सिंदखेडराजा तालुक्यातील खडकपूर्णा धरणाचीही पालकमंत्र्यांनी पाहणी केली. धरणातील सद्य पाणीपातळी, उपलब्ध पाणीसाठा तसेच सिंचनासाठी उपलब्ध होणाऱ्या पाण्याची माहिती त्यांनी जाणून घेतली. पिण्याच्या पाण्याचे आवश्यक आरक्षण करून उपलब्ध पाण्याच्या वापराचे योग्य नियोजन व आराखडा तयार करावा, अशा सूचना त्यांनी संबंधित अधिकाऱ्यांना दिल्या.

Washim: लाखोंचा ऐवज लंपास, एलसीबीच्या कारवाईत अट्टल घरफोड्या जेरबंद; घरफोडीचे दोन्ही गुन्हे उघडकीस ११ लाखांचा मुद्देमाल जप्त