Chandrapur News: चंद्रपूरवर दुष्काळाचे सावट; जिल्ह्यातील सर्व १२ तालुक्यांत ‘ट्रिगर-१’ लागू

राज्यातील २६५ तालुक्यांमध्ये दुष्काळी परिस्थितीच्या अनुषंगाने 'ट्रिगर-१' लागू करण्यात आला. यामध्ये चंद्रपूर जिल्ह्यातील सर्व १२ तालुक्यांचा समावेश आहे. जिल्ह्यात खरीप हंगामासाठी ४ लाख ७० हजार २७७ हेक्टरवर लागवड करण्यात आली.

• पावसातील तूट आणि अन्य निकषांमुळे चंद्रपूर जिल्ह्यातील सर्व १२ तालुक्यांमध्ये ‘ट्रिगर-१’ लागू करण्यात आला आहे.
• दुष्काळी भागातील शेतकऱ्यांना पीक कर्ज पुनर्गठन, कर्जवसुलीला स्थगिती आणि कृषिपंपांच्या वीजबिलात सवलत मिळणार आहे.
• पिण्याचे पाणी, जनावरांसाठी चारा, अन्नधान्य आणि रोजगार हमीच्या कामांचे नियोजन करण्याच्या सूचना प्रशासनाला देण्यात आल्या आहेत.

चंद्रपूर: खरीप हंगाम २०२६ मध्ये पर्जन्यमानात झालेली तूट आणि अन्य घटकांमुळे राज्यातील २६५ तालुक्यांमध्ये दुष्काळी परिस्थितीच्या अनुषंगाने ‘ट्रिगर-१’ लागू करण्यात आला. यामध्ये चंद्रपूर जिल्ह्यातील सर्व १२ तालुक्यांचा समावेश आहे. दुष्काळी परिस्थितीचा शेतकरी, शेतमजूर आणि ग्रामीण भागातील नागरिकांवर परिणाम होऊ नये, यासाठी शासनाने विविध उपाययोजना व सवलती लागू करण्याचा निर्णय घेतला. दुष्काळ व्यवस्थापन संहिता-२०१६ नुसार दुष्काळी परिस्थितीचे मूल्यांकन करण्यासाठी निश्चित केलेल्या कार्यपद्धतीनुसार खरीप हंगामातील जूनपासून आतापर्यंतच्या पर्जन्यमानाची तूट आणि अन्य निकषांचा विचार करण्यात आला.

Raigad News: रायगडमध्ये १२ दिवसांत ५४ हजार नागरिकांची आरोग्य तपासणी; ‘सेवा संकल्प’ अभियानातून मोफत उपचार सुरू

कृषी आयुक्तांनी सादर केलेल्या अहवालाच्या आधारे राज्यातील २६५ तालुक्यांमध्ये ‘ट्रिगर-१’ लागू असल्याचे स्पष्ट झाले. चंद्रपूर जिल्ह्यातील चंद्रपूर, भद्रावती, गोंडपिपरी, राजुरा, कोरपना, मूल, वरोरा, सावली, चिमूर, नागभीड, सिंदेवाही आणि पोंभूर्णा या सर्व १२ तालुक्यांचा त्यात समावेश आहे. जिल्ह्यात खरीप हंगामासाठी ४ लाख ७० हजार २७७ हेक्टरवर लागवड करण्यात आली. त्यापैकी मुख्य पीक असलेल्या कापसाची लागवड १ लाख ९३ हजार ९४४ हेक्टर, धान १ लाख ८६ हजार ४२ हेक्टर, सोयाबीन ५३ हजार ९७६ हेक्टरवर लागवड करण्यात आली.  (फोटो सौजन्य – AI Created) 

सर्वाधिक फटका धानपिकाला बसलेला असून दुष्काळी भागांसाठी जमीन महसुलात सूट, पीक कर्जाचे पुनर्गठन तसेच शेतीशी निगडित कर्जाच्या वसुलीस स्थगिती देण्यासह विविध सवलती लागू करण्यात आल्या आहेत. कृषिपंपांच्या चालू वीजबिलातही सूट देण्यात येणार आहे. ७.५ अश्वशक्तीपर्यंतच्या कृषिपंपांचे वीजबिल यापूर्वीच माफ करण्यात आल्याने त्यापेक्षा अधिक क्षमतेच्या पंपांना ही सवलत लागू राहणार आहे. शालेय व महाविद्यालयीन विद्यार्थ्यांच्या परीक्षा शुल्कातही माफी देण्यात येणार आहे. ग्रामीण भागात रोजगार हमी योजनेच्या माध्यमातून अधिकाधिक कामे सुरू करण्यासाठी निकष शिथिल करण्यात येणार आहेत. तसेच पिण्याच्या पाण्याची गरज भासल्यास टँकरद्वारे पाणीपुरवठा केला जाणार आहे.

चारा, पाणी, अन्नधान्याचे नियोजन

दुष्काळाचा परिणाम शेतकरी व शेतमजुरांच्या उपजीविकेवर होऊ नये, यासाठी अन्नधान्याची उपलब्धता सुनिश्चित केली जाणार आहे. जनावरांसाठी चारा, नागरिकांसाठी पिण्याचे पाणी आणि पशुधनासाठी आवश्यक पाण्याचे नियोजन करण्याच्या सूचना संबंधित यंत्रणांना देण्यात आल्या आहेत. तसेच जलसंधारणाची कामेही हाती घेतली जाणार आहेत.

जागरूक मतदारांनो, SIR बाबत महत्त्वाची अपडेट, निवडणूक आयोगानं घेतलाय मोठा निर्णय

‘दिगर-१ लागू झालेल्या तालुक्यांमध्ये पिकांव्या पंचनाम्याची कार्यवाही तातडीने सुरू करण्याचे निर्देश देण्यात आले आहेत. सर्वेक्षण केलेल्या क्षेत्रातील पिकांची सद्यस्थिती दर्शविणारी छायाचित्रे आणि जीपीएस कोऑर्डिनेट संकलित करून पीक परिस्थितीचा सविस्तर अहवाल कृषी आयुक्तामार्फत शासनाला सादर केला जाणार आहे.- वसुमना पंत, जिल्हाधिकारी, चंद्रपूर

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)