Chhatrapati Sambhajinagar: श्वानप्रेमींसाठी दिलासादायक! ७५० चा परवाना आता फक्त ‘इतक्या’ रुपयांत; तर रेबीज व्हॅक्सिनही मोफत

महापालिकेने आता श्वान परवाना शुल्कात मोठी कपात केली असून, हा परवाना केवळ ₹ २०० रुपयांत उपलब्ध करून देण्यात येणार आहे.

• छत्रपती संभाजीनगर महापालिकेचा निर्णय
• श्वान परवान्याच्या दरात मोठी कपात
• मनपा पशुसंवर्धन विभागाचे नागरिकांना त्वरित नोंदणी करण्याचे आवाहन

छत्रपती संभाजीनगर (शहर प्रतिनिधी): छत्रपती संभाजीनगर महापालिकेच्या हद्दीतील पाळीव श्वान (Pet Dogs) मालकांसाठी एक दिलासा देणारी बातमी आहे. महापालिकेने आता श्वान परवाना शुल्कात मोठी कपात केली असून, हा परवाना केवळ ₹ २०० रुपयांत उपलब्ध करून देण्यात येणार आहे. विशेष म्हणजे, या शुल्कात रेबीज व्हॅक्सिनचाही (Rabies Vaccine) समावेश असणार आहे. पशुसंवर्धन विभागाचे अधिकारी शेख शाहेद यांनी ज्या नागरिकांनी अजून श्वान परवाना काढला नाही, त्यांनी तो त्वरित काढून घ्यावा, असे आवाहन केले आहे.

दरात झालेली मोठी घट

मनपा अंतर्गत कार्यरत असलेल्या पशुसंवर्धन विभागाने श्वान परवाना नोंदणीत वाढ व्हावी यासाठी, त्याची फी कमी करण्याचा प्रस्ताव स्थायी समितीकडे सादर केला होता, ज्यास आयुक्तांनी मंजुरी दिली आहे.

हे देखील वाचा: मराठवाड्याला बुलेट गती! छत्रपती संभाजीनगर-परभणी रेल्वे दुहेरीकरणासाठी २,१७९ कोटी मंजूर

दरात झालेला बदल (नवीन दर १ एप्रिल ते ३१ मार्च या वार्षिक कालावधीसाठी):

मुंबई प्रांतिक महानगरपालिका अधिनियमांतर्गत हा वार्षिक श्वान परवाना देण्यात येत असून, मनपा हद्दीतील सर्व पाळीव श्वानांना परवाना काढणे बंधनकारक आहे. या दर कपातीमुळे श्वान मालकांचा मोठा आर्थिक भार हलका होणार आहे.

हे देखील वाचा: Chhatrapati Sambhajinagar Crime: वाळूजमध्ये अवैध गॅस रिफिलिंगचा भांडाफोड; सिलेंडरसह १.१६ लाखांचा मुद्देमाल जप्त