महायुतीच्या 100 दिवसांचा प्रशासकीय निकाल आला हाती; कोणत्या नेत्याचा विभाग ठरला अव्वल? वाचा यादी

महायुती महाराष्ट्र सरकारच्या 100 दिवसांचा प्रशासकीय निकाल मुख्यमंत्री देवेंद्र फडणवीसांनी जाहीर केला आहे. यामध्ये सर्वोत्कृष्ट कामगिरी करणाऱ्या प्रशासकीय अधिकाऱ्यांची यादी जाहीर करण्यात आली आहे.

मुंबई : राज्यामध्ये महायुती सरकार पुन्हा एकदा सत्तेमध्ये आल्यानंतर मुख्यमंत्री देवेंद्र फडणवीस यांनी सर्व शासकीय विभागांसाठी धोरणात्मक कार्यक्रम हाती घेतला होता. सर्व मंत्र्यांच्या खात्यांचे मागील 100 दिवसांचे कामकाजाचा निकाल हाती आला आहे. यामध्ये अनेक विकासकामे, योजना आणि प्रक्लप पूर्ण करण्याचा मानस हाती घेण्यात आला होता. यामध्ये आता 100 दिवसांचा निकाल हाती आहे. मुख्यमंत्री देवेंद्र फडणवीस यांनी सोशल मीडियावर पोस्ट करुन या निकाल जाहीर केला आहे.

मुख्यमंत्री देवेंद्र फडणवीस यांनी शासकीय कामकाजाचा हा 100 दिवसांचा निकाल शेअर केला आहे. त्यांनी लिहिले आहे की, 100 दिवसांच्या कार्यालयीन सुधारणा कार्यक्रमाचे भारतीय गुणवत्ता परिषद (Quality Council of India) तर्फे अंतिम मूल्यमापन करण्यात आले. या निकालानुसार वेबसाईट सुधारणा, कार्यालयीन सोयीसुविधा, तक्रार निवारण, सुलभ जीवनमान, गुंतवणुकीस चालना, तंत्रज्ञानाचा वापर इत्यादी 10 मुद्यांवर उत्कृष्ट कार्य करणारे 5 मंत्रालयीन विभागांचे सचिव,  ⁠5 मंत्रालयीन विभागांचे आयुक्त, 5 जिल्हाधिकारी, ⁠5 पोलिस अधीक्षक, ⁠5 मुख्य कार्यकारी अधिकारी (जि.प.), ⁠4 महापालिका आयुक्त, ⁠3 पोलिस आयुक्त, 2 विभागीय आयुक्त आणि 2 पोलिस परिक्षेत्र महानिरीक्षक  यांची नावे जाहीर करताना मला अतिशय आनंद होत आहे.

राजकीय बातम्या वाचण्यासाठी क्लिक करा

या सर्व अधिकाऱ्यांनी व त्यांच्या टीमने प्रभावी व कल्पक अंमलबजावणीने राज्याचे प्रशासन अधिक कार्यक्षम, गतिमान व लोकाभिमुख केल्याबद्दल मी त्यांचे मनःपूर्वक कौतुक करतो आणि त्यांना भविष्यातही अशाच प्रकारे उत्तम कार्य करण्यासाठी शुभेच्छा देतो असे मुख्यमंत्री देवेंद्र फडणवीस म्हणाले आहेत.

काय आहे निकाल?

सर्वोत्तम कामगिरी करणारे विभाग कोणते?

• महिला व बाल विकास विभाग : ८० टक्के
• सार्वजनिक बांधकाम विभाग : ७७.९५ टक्के
• कृषी विभाग : ६६.१५ टक्के
• ग्राम विकास विभाग : ६३.८५ टक्के
• परिवहन व बंदरे विभाग : ६१.२८ टक्के

 

See more

100 दिवसांच्या कार्यालयीन सुधारणा कार्यक्रमाचे भारतीय गुणवत्ता परिषद (Quality Council of India) तर्फे अंतिम मूल्यमापन करण्यात आले. या निकालानुसार वेबसाईट सुधारणा, कार्यालयीन सोयीसुविधा, तक्रार निवारण, सुलभ जीवनमान, गुंतवणुकीस चालना, तंत्रज्ञानाचा वापर इत्यादी 10 मुद्यांवर… pic.twitter.com/svAqMiLPok

— Devendra Fadnavis (@Dev_Fadnavis) May 1, 2025

सर्वोत्तम जिल्हाधिकारी कोणते?

• जिल्हाधिकारी, चंद्रपूर : ८४.२९
• जिल्हाधिकारी, कोल्हापूर : ८१.१४
• जिल्हाधिकारी, जळगाव : ८०,८६
• जिल्हाधिकारी, अकोला : ७८.८६
• जिल्हाधिकारी, नांदेड : ६६.८६

महाराष्ट्रसंबंधित बातम्या वाचण्यासाठी क्लिक करा

सर्वोत्तम आयुक्त तथा संचालक कोणते?

• संचालक, तंत्र शिक्षण : ७७.४३
• आयुक्त जमावबंदी : ७२.८६
• आयुक्त आदिवासी विकास : ७२.५७
• मुख्य कार्यकारी अधिकारी, ग्रामीण जीवनोन्नती अभियान : ७०.१८
• आयुक्त, वैद्याकीय शिक्षण : ६९.४३

सर्वोत्तम पोलीस अधीक्षक कोणते?

• पोलीस अधीक्षक, पालघर : ९०.२९
• पोलीस अधीक्षक, गडचिरोली : ८०.००
• पोलीस अधीक्षक, नागपूर (ग्रामीण): ८०.००
• पोलीस अधीक्षक, जळगाव : ६५.७१
• पोलीस अधीक्षक, सोलापूर (ग्रामीण): ६४.००

सर्वोत्तम जिल्हा परिषद मुख्यधिकारी कोणते?

• जिल्हा परिषद मुख्य कार्याकारी अधिकारी, पुणे : ९२.००
• जिल्हा परिषद मुख्य कार्याकारी अधिकारी, नागपूर : ७९.४३
• जिल्हा परिषद मुख्य कार्याकारी अधिकारी, नाशिक : ७५.४३
• जिल्हा परिषद मुख्य कार्याकारी अधिकारी, पुणे : ७५.४३
• जिल्हा परिषद मुख्य कार्याकारी अधिकारी, वाशिम : ७२.००

सर्वोत्तम पोलीस आयुक्त कोणते?

• पोलीस आयुक्त, मीरा-भाईंदर : ८४.५७
• पोलीस आयुक्त ठाणे, : ७६.५७
• पोलीस आयुक्त मुंबई, रेल्वे : ७३.१४

सर्वोत्तम महापालिका आयुक्त कोणते?

• महापालिका आयुक्त, उल्हासनगर : ८६.२९
• महापालिका आयुक्त, पिंपरी चिंचवड : ८५.७१
• महापालिका आयुक्त, पनवेल : ७९.४३
• महापालिका आयुक्त, नवी मुंबई : ७९.४३
• सर्वोत्तम विभागीय आयुक्त कोणते?
• विभागीय आयुक्त, कोकण: ७५.४३
• विभागीय आयुक्त, नाशिक : ६२.२९
• विभागीय आयुक्त, नागपूर : ६२.२९