जळगाव : कोरोना संसर्गामुळे (Coronavirus) तब्बल दीड ते दोन वर्षे लांबणीवर पडलेल्या बाजार समितीच्या (Bajar Samiti Election) संचालक मंडळाच्या निवडणुकीसाठी आज (दि.28) मतदान घेण्यात आले. यावेळी जळगाव जिल्ह्यात बहुतांश मतदान केंद्रांवर नेहमीप्रमाणे मतदान प्रक्रिया सुरू करण्यात आली. मतदान प्रक्रिया शांततेत पार पडत गोंधळ घालण्यासाठी तयारच असल्याचा अनुभव आला. जळगाव शहरात नूतन मराठा महाविद्यालयातील मतदान केंद्रावर हमाल मापारी मतदार संघातून बोगस मतदार मतदानासाठी आल्याच्या संशयकल्लोळाने एकच गोंधळ उडाला.
राज्य निवडणूक आयोग तसेच सहकार विभागाच्या निर्देशानुसार बाजार समितीच्या निवडणूक कार्यक्रम जाहीर होऊन मतदान प्रक्रिया अंमलबजावणी करण्यात येत आहे. बाजार समितीसाठी जिल्ह्याच्या मुख्यालयासह तालुकास्तरावर मतदान सुरू होती. दरम्यानस, जळगाव बाजार समितीसाठी नूतन मराठा महाविद्यालयात सात बूथ केंद्रांवर मतदान प्रक्रिया सुरू असतानाच अवघ्या एक दीड तासांतच सकाळी 9 ते 10 वाजेदरम्यान बोगस मतदार मतदानासाठी आले असल्याची हाकाटी अपक्ष उमेदवाराकडून करण्यात आली. यात त्यामुळे मोठ्या प्रमाणावर गोंधळ निर्माण झाला.
दरम्यान, मतदान प्रक्रियाच थांबविण्याची मागणी या अपक्ष उमेदवार धुडकू सपकाळे व त्यांच्या समर्थकांनी केल्यामुळे गोंधळात आणखीनच भर पडली असल्याचे दिसून आले. बाजार समितीच्या निवडणुकीदरम्यान बोगस मतदार मतदानासाठी आले असल्याचा संशयकल्लोळ निर्माण होऊन नवा वाद उपस्थित झाला. त्यामुळे मतदान प्रक्रियाच बंद करण्याची मागणी उमेदवारांकडून करण्यात आली. तसेच संबंधितांवर गुन्हे दाखल करण्याची मागणीही करण्यात आली. त्यामुळे काही वेळ तणावाचे वातावरण निर्माण झाले होते. परंतु, कायदा सुव्यवस्थेसाठी तैनात पोलिसांकडून वेळीच हस्तक्षेप करण्यात आल्याने वाद टळला.
.png "Videos"){kind=small}
