महसूल प्रशासनाच्या विरुद्ध कॉंग्रेस आक्रमक; नायब तहसीलदार यांच्या दालनात बेशरम फेकून आंदोलन

आज काँग्रेस पक्षाचे पदाधिकारी व कार्यकर्ते संतप्त होऊन त्यांनी तहसील कार्यालयात आक्रमक आंदोलन केले. या आंदोलना दरम्यान नायब तहसीलदार रुपनर यांच्या दालनात बेशरम फेकीत प्रशासनाच्या "बेशरमपणाचा" कार्यकर्त्यांनी निषेध केला.

परळी : महसूल प्रशासन काम करताना पक्षपातीपणा करत असल्याचा आरोप काही दिवसापूर्वीच पत्रकार परिषदेत काँग्रेसचे शहराध्यक्ष बहादुर भाई यांनी केला होता. आज काँग्रेस पक्षाचे पदाधिकारी व कार्यकर्ते संतप्त होऊन त्यांनी तहसील कार्यालयात आक्रमक आंदोलन केले. या आंदोलना दरम्यान नायब तहसीलदार रुपनर यांच्या दालनात बेशरम फेकीत प्रशासनाच्या “बेशरमपणाचा” कार्यकर्त्यांनी निषेध केला असे काॅंग्रेस पदाधिकारी यांनी म्हटले आहे.

महसुलचे अधिकारी पक्षपातीपणे काम करतात असा आरोप पत्रकार परिषदेत काॅंग्रेस शहराध्यक्ष बहादूरभाई यांनी केला होता. परळी तहसील कार्यालयातील अधिकारी आणि कर्मचारी पक्षपाती काम करत आहेत. महसूल प्रशासन आणि सत्ताधारी राष्ट्रवादी काँग्रेस पक्षावर गंभीर स्वरूपाचे आरोप करण्यात आले होते. गेल्या सहा महिन्यांपासून शहरातील रेशन कार्डधारकांच्या मुद्यावर काँग्रेसकडून पाठपुरावा करण्यात येत आहे. धान्य न उचलणाऱ्या कार्ड धारकांची नवे वगळून ज्यांना धान्य मिळत नाही त्यांना देण्यात यावे यासाठी पाठपुरावा करण्यात येत आहे. मात्र काँग्रेस पक्षाकडून करण्यात येणाऱ्या कामांची महसुलच्या अधिकाऱ्यांकडून अडवणूक करण्यात येते. असे काँग्रेसचे शहराध्यक्ष बहादूरभाई यांनी म्हटले होते.

[read_also content=”गोजेगावात ६० एकरातील ऊस जळाला, राजेंनी न्याय द्यावा; शेतकऱ्यांची मागणी https://www.navarashtra.com/maharashtra/60-acres-of-sugarcane-burnt-in-gojegaon-kings-should-give-justice-demand-of-farmers-nrdm-261398.html”]

आज दि.२९ रोजी काँग्रेस पदाधिकारी यांनी आक्रमक होत आंदोलन केले. थेट नायब तहसीलदार रुपनर यांच्या दालनात प्रवेश करत निषेध व्यक्त केला. त्याचप्रमाणे नायब तहसीलदार यांना बेशरम दर्शवत व दालनात बेशरम फेकीत प्रशासनाच्या विरोधात निदर्शने केली. पक्षपातीपणा व सर्वसामान्य नागरिकांची कामे खोळंबून टाकणार्या प्रशासनाच्या “बेशरमपणाचा” बेशरम फेकीत कार्यकर्त्यांनी निषेध केला असे काॅंग्रेस पदाधिकारी यांनी म्हटले आहे.