भाजपचा खोटेपणा समोर आणला जाईल म्हणत नॅशनल हेराल्ड केसप्रकरणी काँग्रेस 57 शहरांत घेणार पत्रकार परिषद
कराड/ राजेंद्र मोहिते: नॅशनल हेराल्ड प्रकरणात अंमलबजावणी संचालनालयाच्या (ईडी) पहिल्या आरोपपत्रात सोनिया गांधी आणि राहुल गांधी यांची नावे समाविष्ट करण्यात आल्याच्या निषेधार्थ काँग्रेसने देशभर पत्रकार परिषदा घेण्याची घोषणा केली आहे. 21 ते 27 एप्रिल दरम्यान देशभरातील 57 शहरांमध्ये या पत्रकार परिषदा होणार असून, या मोहिमेला काँग्रेसचे सत्य, भाजपचे खोटे असे नाव देण्यात आले आहे. या माध्यमातून भाजपचा खोटेपणा आणि सूडबुद्धीने राबवलेली कारवाई समोर आणली जाईल, असे काँग्रेसने स्पष्ट केले आहे.
एलॉन मस्क यांच्या आई माय मस्कने जॅकलिन फर्नांडिससोबत घेतलं सिद्धिविनायक मंदिरात दर्शन, पाहा फोटो
या अभियानासाठी अखिल भारतीय काँग्रेस समितीने 57 प्रमुख नेत्यांची यादी जाहीर केली आहे. यात माजी केंद्रीय गृहमंत्री पी. चिदंबरम, राजस्थानचे माजी मुख्यमंत्री अशोक गेहलोत, महाराष्ट्राचे माजी मुख्यमंत्री पृथ्वीराज चव्हाण, माजी केंद्रीय मंत्री शशी थरूर, मणिकम टागोर, गौरव गोगोई, सुप्रिया श्रीनेत, पवन खेरा, भूपेश बघेल, कन्हैया कुमार, रणदीप सुरजेवाला, राजीव शुक्ला आणि अलका लांबा यांचा समावेश आहे.
माजी मुख्यमंत्री पृथ्वीराज चव्हाण 23 एप्रिल रोजी सकाळी बेळगावमध्ये जिल्हा काँग्रेस कमिटीच्या कार्यालयात पत्रकार परिषद घेणार आहेत.
19 एप्रिल रोजी दिल्लीत काँग्रेस अध्यक्ष मल्लिकार्जुन खरगे यांच्या अध्यक्षतेखाली काँग्रेसचे सरचिटणीस, राज्य प्रभारी आणि आघाडी संघटनांच्या प्रमुखांची बैठक झाली. यावेळी ही देशव्यापी मोहिम राबवण्याचा निर्णय घेण्यात आला. काँग्रेसचा आरोप आहे की ईडीचा वापर राजकीय विरोधकांना लक्ष्य करण्यासाठी होत असून हा प्रकरण राजकीय सूडातून प्रेरित आहे.
.png "Videos"){kind=small}
