Khopoli News: खोपोली नगरपरिषदेला ४ बिल्डरकडून लाखोंचा चुना; पोलिस तपास सुरू
२०२२ व २०२३ या कालावधी मध्ये हा घोटाळा झाल्याचे नगरपरिषदेच्या नगर रचना विभागाच्या निदर्शनास आल्यानंतर संबंधित चारही बिल्डर्सकडून सर्व माहिती व कागदपत्रे मागवण्यात आले, पण त्यांची पूर्तता त्यांनी न केल्याने व सादर केलेल्या पैसे भरलेल्या पावत्या बनावट असल्याची खात्री झाल्यानंतर त्यांची तत्कालीन बांधकाम परवानगी रद्द करीत त्याबाबत गुन्हा दाखल करावा, असे पत्र नगरपरिषदेच्या नगररचना विभागाने खोपोली पोलिस ठाण्यास दिले.
Beed Crime: ‘बाजूला हो’ म्हणल्याचा राग; बीडमध्ये हॉटेल वेटरला अमानुष मारहाण, CCTV समोर
बांधकाम परवानगी रद्द झाल्याचे पत्र मिळताच या विकासकानी खोपौली पोलिस ठाण्यात जाऊन त्यांनी सर्व पूर्तता करीत योग्य ते परवानगी शुल्क भरले असतानाही फसवणूक झाली असल्याची तक्रार दिली. या चार विकासकांपैकी एक खोपोलीमधील नामवंत विकासक आहे. एका विकासकाचा नातेवाईक विद्यमान नगरसेवक असून एक आआग्रगण्य शिक्षण संस्थेत संचालक आहे.
एक विकासक बाजारपेठेतील व्यापारी आहे. या फसवणुकीच्या प्रकाराची माहिती खोपोली नगरपरिषदेचे मुख्याधिकारी डॉ. पंकज पाटील यांनी दै. नवराष्ट्रला देताना सांगितले की, तपासात या विकासकांनी परवानगीची काही रक्कम ऑनलाईन भरली व काही रक्कम रोख भरल्याचे दाखवत त्याच्या पावत्या खोट्या सादर केल्या आहेत.
खोपोलीचे नगराध्यक्ष कुलदीपक शैडे यांनी नुकताच पदभार स्वीकारला आहे. हे घोटाळा प्रकरण २०२२ व २०२३ या कालावधीत घडले होते. त्याची माहिती प्रशासनाने त्याना दिली असता या प्रकरणी फौजदारी गुन्हा दाखल करण्यात येईल, असे त्यांनी सांगितले. या प्रकरणाबाबत पोलिस ठाण्यात चौकशी केली असता अद्याप कोणतीच एफआयआर दाखल झाली नसून त्या चार विकासकांनी ही आपली फसवणूक झाल्याची तक्रार दिली असून हा आर्थिक फसवणूकीचा गुन्हा असल्याने आम्ही तपास करीत आहोत व त्यानंतर योग्य ती कारवाई करू, असे खोपोली पोलिस ठाण्याचे वरिष्ठ पोलिस निरीक्षक सचिन हिरे यांनी सांगितले.
चार बिल्डरांनी पैसे न भरता खोट्या पावत्या जमा करून प्रशासनाची फसवणूक केल्याचा नगरपरिषदेचा आरोप
चारही बिल्डरांच्या बांधकाम परवानग्या रद्द: चौकशी करून गुन्हा दाखल करण्यासाठी नगरप्रशासनाचे पोलिसांना पत्र बांधकाम परवानगी रद्द होताच बिल्डरांनीही
खोपोली पोलिस ठाण्यात त्यांची फसवणूक झाल्याची केली तक्रार
