मुंबईतील लोकल स्थानकांवर मिळणार 'गार वारा'! पश्चिम रेल्वेवर मोठ्या आकाराच्या एचव्हीएलएस पंख्यांची संख्या ९६ वर
मुंबईच्या उकाड्यात स्थानकांवर लोकलची वाट पाहणाऱ्या प्रवाशांना दिलासा देण्यासाठी पश्चिम रेल्वेच्या मुंबई विभागाने मोठ्या आकाराचे एचव्हीएलएस (हाय व्हॉल्यूम लो स्पीड) पंखे बसविण्यावर भर दिला आहे. २०२६ मध्ये मीरा रोड, भाईंदर आणि कांदिवली स्थानकांवर एकूण १० एचव्हीएलएस पंखे बसविण्यात आले आहेत. त्यामुळे मुंबई उपनगरीय विभागातील या पंख्यांची संख्या आता ९६ झाली आहे.(फोटो सौजन्य – AI)
गणेशोत्सवातून ‘ड्रग्स फ्री मुंबई’चा संदेश द्या; गणेश मंडळांना मंत्री मंगल प्रभात लोढा यांचे आवाहन
मोठ्या व्यासाचे हे पंखे कमी वेगाने फिरत मोठ्या प्रमाणात हवा सभोवतालच्या परिसरात पसरवतात. त्यामुळे पारंपरिक वेगवान पंख्यांच्या तुलनेत कमी वीज वापरून मोठ्या क्षेत्रात हवा खेळती राहते. स्थानकांवरील प्रतीक्षालय, फलाट आणि प्रवाशांच्या वर्दळीच्या ठिकाणी उष्णतेचा त्रास कमी करण्यास याचा फायदा होणार आहे.
मुंबई विभागात यंदा बसविण्यात आलेल्या १० पंख्यांपैकी सर्वाधिक पाच पंखे मिरा रोड स्थानकावर बसविण्यात आले आहेत. भाईंदर स्थानकावर तीन, तर कांदिवली स्थानकावर दोन पंखे बसविण्यात आले आहेत. स्थानकाची उपलब्ध जागा आणि परिसराची गरज लक्षात घेऊन ८, १०, १२, १४, १६ आणि २४ फूट व्यासाचे एचव्हीएलएस पंखे बसविण्यात येतात.
एचव्हीएलएस पंखे कमी वेगाने फिरत असल्याने त्यांचा आवाजही तुलनेने कमी असतो. त्यामुळे प्रवाशांच्या परिसरासोबतच रेल्वे कर्मचाऱ्यांच्या कामाच्या ठिकाणीही त्यांचा वापर करता येतो. मोठ्या क्षेत्रात एकसमान हवा खेळती ठेवण्याबरोबरच अनेक पारंपरिक पंख्यांची गरज कमी होऊ शकते.मुंबई विभागातील प्रवाशांच्या आणि कर्मचाऱ्यांच्या सोयीसाठी आणखी आठ एचव्हीएलएस पंखे सध्या बसविण्यात येत आहेत. योग्य ठिकाणांची निवड करून या पंख्यांची उभारणी केली जात असून, त्यातून स्थानक परिसरातील हवा खेळती ठेवण्यास मदत होणार आहे.
.png "Videos"){kind=small}
