Ajit Pawar Plane Crash : अजित पवार यांचा अपघाती दुर्दैवी मृत्यू; दिवसभरात चार सभा होत्या नियोजित

Ajit Pawar Plane Crash : बारामतीमध्ये लॅंडिंगदरम्यान अजित पवार यांच्या विमानाचा अपघात झाला आहे. विमानामध्ये अजित पवार यांच्यासह सहा जणांचा दुर्दैवी मृत्यू झाला आहे.

• अजित पवार यांचे दुर्दैवी अपघाती निधन
• बारामतीमध्ये लँडिंगदरम्यान हा अपघात
• अजित पवार यांच्यासह सहा जणांचा मृत्यू

Ajit Pawar Death : बारामती : राज्याचे उपमुख्यमंत्री आणि पुण्याचे पालकमंत्री अजित पवार (Ajit Pawar) यांचे अपघाती निधन झाले आहे. उपमुख्यमंत्री अजित पवार यांच्या विमानाचा बारामतीमध्ये अपघात झाला असल्याची मोठी बातमी नुकतीच समोर आली आहे. आज सकाळी 9 ते 9.15 वाजण्याच्या सुमारास हा अपघात झाला असल्याचे समोर आले आहे. बारामतीमध्ये लॅंडिंगदरम्यान अजित पवार यांच्या विमानाचा अपघात झाल्याचे सांगितलं जात आहे. विमानामध्ये अजित पवार यांच्यासोबतच त्यांचे सुरक्षारक्षक देखील उपस्थित होते. आज सकाळी लँडिंगदरम्यान हा अपघात झाल्याचे समोर आले आहे.

उपमुख्यमंत्री अजित पवार यांच्यासह सहा जणांचा विमानामध्ये दुर्दैवी मृत्यू झाला आहे. अपघाताची माहिती मिळताच अग्निशामन दल आणि कार्यकर्त्यांनी देखील तात्काळ घटनास्थळी धाव घेतली. अपघात स्थळावर मोठी गर्दी झाली असल्याचे सांगितलं जात आहे. अपघाताबाबत माहिती मिळताच ग्रामस्थ आणि पक्षाचे पदाधिकारी आणि कार्यकर्ते तात्काळ घटनास्थळी दाखल झाले. अपघातात जखमी झालेल्यांना प्रवाशांना जखमी रुग्णालयात दाखल करण्यात आल्याचे सांगितलं जात आहे.

हे देखील वाचा : Breaking: बारामतीत अजित पवारांच्या विमानाला मोठा अपघात, लँडिंगदरम्यान जमिनीवर कोसळले विमान

उपमुख्यमंत्री अजित पवार यांचे कार्यक्रम देखील ठरले होते. अजित पवार हे बारामतीमध्ये होते. त्यांच्या चार सभा देखील ठरल्या होत्या. त्यांच्या नियोजित दौरा ठरला होता. मात्र बारामतीमध्ये त्यांच्या विमानाचा अपघात झाल्याने त्यांच्या मृत्यू झाला आहे. अपघाताबाबत पुणे ग्रामीण पोलिस अधीक्षक संदीप सिंह गिल यांनी माहिती दिली आहे.  अपघातात विमानाचे मोठे नुकसान झाले असून अपघात स्थळी तीन मृतदेह सापडले. तीनही मृतदेह रुग्णालयात नेण्यात आले अद्याप कुणाचीही ओळख पटली नाही, अशी माहिती पोलिसांकडून देण्यात आली आहे.

हे देखील वाचा :  महाराष्ट्राचे लाडके ‘दादा’, उपमुख्यमंत्री अजित पवार यांचे बारामतीत विमान अपघातात निधन, PTI ची माहिती