मुंबई: मनसे (MNS) नेते संदीप देशपांडे (MNS Leader Sandeep Deshpande)आणि संतोष धुरी (Santosh Dhuri) यांच्या अटकपूर्व जामीनावरील सुनावणी (Bail) आज पूर्ण झाली आहे. मुंबई सत्र न्यायालय (Mumbai Session Court) १९ मे रोजी अटकपूर्व जामीनावरचा निकाल जाहीर करणार आहे.
[read_also content=”मुंबई – दिल्ली राजधानी एक्स्प्रेसने गाठली पन्नाशी, रेल्वेच्या इतिहासातील महत्त्वाचा दिवस https://www.navarashtra.com/india/mumbai-delhi-rajdhani-express-completed-50-years-nrsr-280983.html”]
राज ठाकरे यांच्या शिवतीर्थ या निवासस्थानाबाहेर संदीप देशपांडे आणि संतोष धुरी हे प्रसारमाध्यमांशी संवाद साधत होते. माध्यमांशी बोलणं झाल्यानंतर संदीप देशपांडे आणि संतोष धुरी यांना पोलिसांनी ताब्यात घेत असल्याचं सांगितलं. त्यावेळी संदीप देशपांडे यांनी आम्ही तुमच्यासोबत येत असल्याचं पोलिसांना सांगितलं. काही अंतर पोलिसांसोबत चालल्यानंतर संदीप देशपांडे आणि संतोष धुरी हे देशपांडे यांच्या खासगी गाडीत बसले. त्यावेळी पोलिसांनी त्यांना अडवण्याचा प्रयत्न केला. पण गाडी न थांबवताच ते तिथून निघून गेले. त्यांची गाडी भरधाव वेगानं जात असताना एक महिला पोलीस जखमी झाली.
संदीप देशपांडे आणि संतोष धुरी यांनी पोलिसांना गुंगारा देत पळ काढल्यानंतर त्यांच्यासोबत असलेल्या कार्यकर्त्यांना पोलिसांनी ताब्यात घेतलं. पण पोलिसांनी याप्रकरणी संदीप देशपांडेंवर गुन्हा दाखल केला असून त्यांचा शोध घेत आहेत. एवढंच नाही तर संदीप देशपांडेंना शोधण्यासाठी पोलीस राज ठाकरेंच्या शिवतीर्थावरही पोहोचले होते.
