क्षणभराचा फरक अन् जीव वाचला! भरधाव ट्रक देऊर बसस्थानकात घुसला; ST स्टँडसह उपहारगृह जमीनदोस्त, मोठा अनर्थ टळला

Deur Truck Accident: सातारा-लोणंद राज्यमार्गावर देऊर येथे भरधाव मालवाहू ट्रक अनियंत्रित होऊन थेट एसटी बसस्थानकात घुसला, या भीषण धडकेत बसस्थानकासह उपहारगृह पूर्णपणे जमीनदोस्त झाले.

• देऊर बसस्थानकात भरधाव ट्रक घुसला
• भीषण धडकेत एसटी स्टॅंडसह उपहारगृह जमीनदोस्त
• अपघातामध्ये वाचला मुलगा

कोरेगाव दिनांक 31 सातारा-लोणंद राज्यमार्गावर आज सोमवारी भल्या पहाटे एक भीषण अपघात घडला. लोणंद बाजूकडून साताऱ्याच्या दिशेने जाणारा एक मालवाहू अवजड ट्रक भरधावपणे अनियंत्रित होऊन थेट देऊर येथील एस. टी. बसस्थानकात शिरला. या भीषण धडकेने अपघातात बसस्थानकासह उपहारगृहा(कॅन्टीन) पूर्णपणे जमीनदोस्त झाले. यात कँटीनचे मोठे नुकसान झाले असून दुकानाचे पत्रे व साहित्याचा चकनाचूर झाला आहे. सुदैवाने, अपघात घडला त्या क्षणी उपहारगृहात असलेला कँटीन चालक समीर मांढरे यांचा मुलगा आर्यन प्रसंगावधान राखून वेळेवर सावध झाल्याने अपघातामधून बालबाल सुखरूप वाचला.

प्रभारी शिक्षणाधिकारी प्रशांत आरबाळे अडचणीत? मुख्याध्यापक महांतेश्वर कट्टीमनी यांच्या तक्रारीची शिक्षणाधिकाऱ्यांकडून दखल

पहाटेची वेळ ठरली वरदान

देऊर हे परिसर महत्त्वाचे शैक्षणिक केंद्र तसेच प्रसिद्ध देवस्थान असल्याने या बसस्थानकावर दररोज शाळा-कॉलेजचे विद्यार्थी, भाविक आणि प्रवाशांची प्रचंड वर्दळ असते. सुदैवाने, हा अपघात पहाटेच्या सुमारास घडल्याने बसस्थानक परिसरात गर्दी नव्हती. जर हाच अपघात ऐन गर्दीच्या वेळी म्हणजेच दिवसा घडला असता, तर मोठ्या प्रमाणावर जीवितहानी झाली असती, अशी भीती प्रत्यक्षदर्शींनी व्यक्त केली आहे.

गतिरोधकांची मागणी; ग्रामस्थांचा रास्ता रोकोचा इशारा

सध्या सातारा-लोणंद मार्गाचे रुंदीकरण झाले आहे यामुळे यावर वाहने भरधाव वेगाने जात आहेत, वाहनांची प्रचंड गती आणि वारंवार होणारे छोटे-मोठे अपघात पाहता, वाहतुकीवर नियंत्रण मिळवणे गरजेचे झाले आहे. या पार्श्वभूमीवर देऊर बसस्थानक परिसरात तातडीने गतिरोधक (स्पीड ब्रेकर), स्पीड कॅमेरा आणि योग्य सिग्नल यंत्रणा बसवण्यात यावी, अशी मागणी स्थानिक देऊर ग्रामस्थांनी केली आहे. प्रशासनाने तातडीने उपाययोजना न केल्यास राज्यमार्गावर तीव्र स्वरूपाचा ‘रास्ता रोको’ आंदोलन छेडण्याचा इशारा देऊर ग्रामस्थांनी दिला आहे.

Nepal Flood News: नेपाळमध्ये अडकलेल्या महाराष्ट्रातील ४८ पर्यटकांना सुखरूप मायदेशी आणले; संजय निरुपम यांची माहिती