महिला आयोग अध्यक्षा रुपाली चाकणकर यांना मुख्यमंत्र्यांचे राजीनाम्याचे आदेश? (Photo Credit-X)
शेकडो महिलांच्या लैंगिक शोषणाचा आरोप असलेला भोंदू बाबा अशोक खरात याच्यासोबत रुपाली चाकणकर यांचे काही फोटो आणि विशेषतः त्याची ‘पाद्यपूजा’ करतानाचा एक व्हिडिओ सोशल मीडियावर तुफान व्हायरल झाला. महिलांच्या हक्कासाठी लढणाऱ्या आयोगाच्या अध्यक्षांचेच एका शोषण करणाऱ्या भोंदू बाबासोबत असे व्हिडिओ समोर आल्याने सर्वच स्तरांतून संताप व्यक्त केला जात होता. विरोधकांसह सर्वसामान्यांकडूनही त्यांच्या राजीनाम्याची मागणी जोर धरू लागली होती.
वाढता दबाव आणि टीकेचा भडीमार झाल्यानंतर रुपाली चाकणकर यांनी मुख्यमंत्री देवेंद्र फडणवीस यांची भेट घेऊन सविस्तर चर्चा केली. मात्र, या प्रकरणाची गंभीरता घेता, मुख्यमंत्र्यांनी चाकणकर यांना पदावरून पायउतार होण्याचे स्पष्ट निर्देश दिल्याची माहिती मिळत आहे. रुपाली चाकणकर यांच्याकडे राज्य महिला आयोगाचे अध्यक्षपद असून त्यांना राज्यमंत्रिपदाचा दर्जा प्राप्त आहे.
रुपाली चाकणकर यांच्या राजीनाम्याबाबत आदिती तटकरे यांनी स्पष्ट भूमिका मांडली आहे. त्या म्हणाल्या या विषयावर उपमुख्यमंत्री एकनाथ शिंदे, मुख्यमंत्री देवेंद्र फडणवीस आणि उपमुख्यमंत्री सुनित्रा पवार हेच एकत्रितपणे निर्णय घेतील. पीडित महिलांना न्याय: एक महिला म्हणून माझी भूमिका स्पष्ट आहे की, राज्यातील पीडित महिलांना न्याय मिळाला पाहिजे. तो न्याय मिळवून देताना कायदेशीर आणि प्रशासकीय दृष्टिकोनातून जे काही निर्णय घेणे आवश्यक आहे, ते आमचे तिन्ही प्रमुख नेते घेतील.
महिला आयोगाने महिला शोषणाच्या विरोधात काम करणे अपेक्षित आहे पण महिला आयोगाच्या अध्यक्ष रुपाली चाकणकर यांनी अशोक खरातची पाद्यपूजा केली हे त्यांचे कृत्य खरातसारख्या भोंदूना पाठबळ देणारे आहे. असा प्रकार त्यांच्याकडून पहिल्यांदाच झालेला नाही तर पुण्यातील हगवणे प्रकरण असो वा साताऱ्यातील महिला डॉक्टरचे प्रकरण, चाकणकर आरोपीची पाठराखण करताना दिसल्य़ा आहेत. खरे तर त्यांचे कामकाज पाहता आतापर्यंत त्यांचा राजीनामा व्हायला पाहिजे होता, असेही हर्षवर्धन सपकाळ म्हणाले.
महिलांच्या सुरक्षेची जबाबदारी असलेल्या घटनात्मक पदावरील व्यक्तीचे अशा वादग्रस्त व्यक्तीशी संबंध असणे, हे नैतिकदृष्ट्या चुकीचे असल्याचे मत अनेक सामाजिक कार्यकर्त्यांनी व्यक्त केले आहे. या प्रकरणामुळे महिला आयोगाच्या विश्वासार्हतेवरच प्रश्नचिन्ह निर्माण झाले होते. आता चाकणकर यांचा राजीनामा झाल्यास, या प्रकरणाला मोठे राजकीय वळण लागण्याची शक्यता आहे.
Captain Ashok Kharat च्या साम्राज्यावर हातोडा; बंगल्यातून सहा लाख अन् मीरगाव येथून पिस्तूल हस्तगत
.png "Videos"){kind=small}
