पुणे महापालिकेनेच भरला नाही मालमत्ता कर; भाड्यापोटी तब्बल 35 कोटी थकित
चाकण : चाकण नगरपालिकेकडून मालमत्ता कर थकवणाऱ्या नागरिकांविरुद्ध कडक कारवाई सुरू करण्यात आली. त्यात कर न भरलेल्या मालमत्तांवर जप्तीची मोहीम राबवण्यात येत आहे. या मोहिमेत आतापर्यंत 3 मालमत्तांवर जप्तीची कारवाई करण्यात आली आहे.
नगरपालिकेच्या कर वसुली विभागाने शहरातील विविध भागांत तपासणी करून थकबाकीदारांची यादी तयार केली होती. संबंधितांना वारंवार नोटिसा देऊनही कर न भरल्याने ही कठोर कारवाई करण्यात आली. तसेच काही दुकाने व व्यावसायिक आस्थापनांवर लवकरच सील करण्याची कारवाई करण्यात येणार असल्याची माहिती प्रशासनाने दिली आहे. दरम्यान, जप्ती कारवाईदरम्यान काही मालमत्ता धारकांनी तातडीने थकबाकी भरल्यामुळे त्यांच्यावरील कारवाई स्थगित करण्यात आली आहे.
मुख्याधिकारी डॉ. अंकुश जाधव यांनी सांगितले की, “मालमत्ता कर हा शहराच्या विकासासाठी अत्यंत महत्त्वाचा महसूल आहे. रस्ते, पाणीपुरवठा आणि स्वच्छता यांसारख्या मूलभूत सुविधा याच निधीतून पुरवल्या जातात.” नगरपालिकेने नागरिकांना वेळेत कर भरण्याचे आवाहन केले असून, थकबाकीदारांनी तात्काळ कर भरल्यास पुढील कारवाई टाळता येईल, असे स्पष्ट करण्यात आले आहे. ही जप्ती मोहीम पुढील काही दिवस सुरू राहणार असल्याचेही प्रशासनाकडून सांगण्यात आले आहे.
करदात्यांना 100 टक्के शास्ती माफीचा लाभ
दुसरीकडे, महाराष्ट्र शासनाच्या नगर विकास विभागाने सोमवारी (दि.२३) यासंदर्भात शासन निर्णय जारी केला आहे. त्यानुसार, १९ मे २०२५ पर्यंतची थकीत मालमत्ता कराची रक्कम ३१ मार्च २०२६ पर्यंत भरल्यास संबंधित करदात्यांना १०० टक्के शास्ती माफीचा लाभ मिळणार आहे. मात्र, या योजनेत मूळ मालमत्ता कराच्या रकमेत कोणतीही सवलत दिली जाणार नसून केवळ शास्तीवरच पूर्ण माफी लागू राहणार आहे. त्यामुळे नागरिकांनी वेळेत थकीत कर भरून योजनेचा लाभ घ्यावा, असे आवाहन प्रशासनाकडून करण्यात आले आहे.
हेदेखील वाचा : New Income Tax Act 2025 : १ एप्रिलपासून लागू होणार नवीन आयकर कायदा; अर्थमंत्री सीतारामन यांचे ६ महत्त्वाचे आदेश
.png "Videos"){kind=small}
