शुक्रवार, 11 सप्टेंबर 2026
पुणे: पुण्यात (Pune News) एक भयानक घटना घडली आहे. येथे एका तरुणाने प्रेयसीच्या वडिलांना धमकी दिल्याने त्यांनी गळफास घेत आत्महत्या (Pune Suicide News) केल्याचा प्रकार समोर आला आहे. तुमच्या मुलीचं लग्न माझ्याशी लावून दिलं नाही, तर मी दुसरीकडे कुठेही तिचं लग्न होऊ देणार नाही, अशी धमकी या तरुणाने प्रेयसीच्या वडिलांना दिली होती. त्यानंतर वडिलांनी नैराश्याखाली येऊन गळफास घेतल्याची माहिती आहे. पुण्यातल्या हडपसर (Hadapsar News) भागात हा प्रकार घडला आहे. परमेश्वर पात्रे (वय 40, रा. गोंधळेनगर, हडपसर) असं आत्महत्या केलेल्या वडिलांचं नाव आहे. याबाबत हडपसर पोलिसांनी मुकेश देढे (वय 21, रा. चंदननगर चौकीसमोर, खराडी) याच्याविरुद्ध गुन्हा दाखल केला आहे. या घटनेनंतर परमेश्वर पात्रे यांच्या पत्नीने याबाबत पोलिसात तक्रार दाखल केली.
[read_also content=”झाडावर चढून आंबे काढणं जीवावर बेतलं, निवृत्त पोलीस अधिकाऱ्याला वीजेचा झटका लागला अन्… https://www.navarashtra.com/maharashtra/reitred-police-officers-death-due-to-electric-shock-while-he-climb-on-mango-tree-nrsr-400053.html”]
पोलिसांनी दिलेल्या माहितीनुसार, या सगळ्या जून 2022 ते 7 मे 2023 दरम्यान घडला आहे. फिर्यादी महिलेच्या मुलीचं मुकेश देढे याच्याबरोबर प्रेमसंबंध होते. देढे हा काही कामधंदा करत नसल्यानं परमेश्वर पात्रे यांचा लग्नाला विरोध होता. परमेश्वर पात्रे यांनी मुलीचं लग्न दुसरीकडे जुळविण्याचा प्रयत्न केला. मात्र, मुकेशला हे पटत नव्हतं. परमेश्वर जिथेही मुलीच्या लग्नासाठी बोलणी करायचे, तिथे तिथे तो अडथळे आणत होता. तसेच तो त्यांना परमेश्वर पात्रे यांच्या मुलीशी लग्न करणार असल्याचं सांगायचा. इतकंच नाही तर, तुम्हाला काय हवं ते करा, जर तुम्ही मुलीचं लग्न माझ्यासोबत लावून दिलं नाही, तर मी तिचं दुसरीकडे कुठेही लग्न होऊ देणार नाही, अशी धमकीही तो वारंवार देत होता. त्याच्या धमक्यांमुळे कंटाळून 7 मे रोजी परमेश्वर पात्रे यांनी घरासमोरील बाथरुममध्ये जाऊन गळफास घेऊन आत्महत्या केली. त्यांच्या मृत्यूमुळे संपूर्ण कुटुंबावर दु:खाचा डोंगर कोसळला आहे. परमेश्वर पात्रे यांच्यावर धार्मिक विधी पूर्ण केल्यानंतर त्यांच्या पत्नीने हडपसर पोलिसांकडे तक्रार दाखल केली. पोलीस मुकेश देढेचा शोध घेत आहेत. पोलीस उपनिरीक्षक दिगंबर सोनटक्के या प्रकरणाचा तपास करत आहेत.
