Jalgaon News: अन्नभेसळीचा गंभीर प्रश्न ऐरणीवर! अन्न व औषध प्रशासनाच्या भूमिकेवर प्रश्नचिन्ह

Jalgaon News: दिवाळीच्या पार्श्वभूमीवर कजगावमध्ये अन्नभेसळीचा प्रश्न पुन्हा ऐरणीवर आला आहे. सणासुदीच्या काळात मिठाई, खाद्यतेल, दुग्धजन्य पदार्थ आणि फराळाच्या साहित्याची मोठ्या प्रमाणावर विक्री होत असल्याने त्यांच्या गुणवत्तेबाबत नागरिकांनी चिंता व्यक्त केली आहे.

• कजगावमध्ये दिवाळीच्या काळात अन्नभेसळीची चिंता वाढली.
• मिठाई, खाद्यतेल आणि फराळाच्या पदार्थांच्या तपासणीची मागणी.
• अन्न व औषध प्रशासनाने कठोर कारवाई करण्याची ग्रामस्थांची मागणी.

कजगाव (वा.) सणासुदीचे दिवसजवळ आले असताना कजगाव येथे अन्नभेसळीचा प्रश्न पुन्हा एकदा ऐरणीवर आला आहे. दिवाळीच्या पार्श्वभूमीवर बाजारपेठेत मिठाई, खाद्यतेल, दुग्धजन्य पदार्थ, फराळाचे साहित्य तसेच विविध खाद्यपदार्थांची मोठ्या प्रमाणावर विक्री होत असते. मात्र, या पदार्थांच्या गुणवत्तेबाबत आणि अन्नसुरक्षेबाबत नागरिकांमध्ये चिंता व्यक्त केली जात आहे. अन्न व औषध प्रशासनाकडे यापूर्वी प्राप्त झालेल्या तक्रारींवर नेमकी कोणती कार्यवाही झाली, याबाबत नागरिकांमध्ये संभ्रमाचे वातावरण निर्माण झाले आहे. Jalgaon News:

या बाबींची प्रत्यक्ष तपासणी

कजगाव परिसरातील खाद्यपदार्थ विक्री करणारी दुकाने, हॉटेल्स, सुपर मॉल्स तसेच मिठाई विक्रेत्यांच्या ठिकाणी नियमित तपासणी करण्यात यावी, अशी मागणी ग्रामस्थांकडून वारंवार होत आहे. विशेषतः अन्नपदार्थांची साठवणूक, उत्पादनाची तारीख, मुदत संपलेली उत्पादने, स्वच्छता, खाद्यतेलाचा वापर आणि अन्नपदार्थामध्ये होणारी संभाव्य भेसळ या बाबींची प्रत्यक्ष तपासणी होणे आवश्यक असल्याचे नागरिकांचे म्हणणे आहे.

Diwali 2026: घरात सुख-समृद्धी नांदावी म्हणून लक्ष्मीपूजनाच्या दिवशी ठेवा या 2 वस्तू, जाणून घ्या धार्मिक महत्त्व

प्रशासनाने तपासणी करून अहवाल जाहीर करावा

कजगावमधील सर्व मिठाई दुकाने, किराणा दुकाने, हॉटेल्स, सुपर मॉल्स आणि खाद्यपदार्थ विक्री केंद्रांची विशेष तपासणी करण्यात यावी. संशयास्पद खाद्यपदार्थाचे नमुने प्रयोगशाळेत तपासणीसाठी पाठवावेत. नियमाचे उल्लंघन करणाऱ्या व्यावसायिकांवर कायद्यानुसार कठोर कारवाई करावी. तसेच यापूर्वी प्राप्त झालेल्या तक्रारीवर झालेल्या कार्यवाहीची माहिती नागरिकांसमोर जाहीर करावी, अशी मागणी आता जोर धरत आहे. सणासुदीच्या काळात नागरिकांच्या आरोग्याशी खेळ होऊ नये, यासाठी अन्न व औषध प्रशासनाने तातडीने तपासणी मोहीम राबवावी, अन्यथा अन्नसुरक्षेचा प्रश्न केवळ कागदोपत्रीच राहणार का, असा सवाल नागरिकांमधून उपस्थित केला जात आहे.

निकृष्ट दर्जामुळे नागरिकांच्या आरोग्यासाठी गंभीर धोका

भेसळयुक्त अथवा निकृष्ट दर्जाचे खाद्यपदार्थ नागरिकांच्या आरोग्यासाठी गंभीर धोका निर्माण करू शकतात. दिवाळीसारख्या सणाच्या काळात लहान मुले, महिला आणि ज्येष्ठ नागरिक मोठ्या प्रमाणावर मिठाई व इतर खाद्यपदार्थाचे सेवन करतात, त्यामुळे प्रशासनाने केवळ तक्रारीची वाट न पाहता प्रतिबंधात्मक तपासणी मोहीम राबविण्याची गरज व्यक्त होत आहे.

Jalgaon News: मामेभावाशी लग्न करण्याचा हट्ट ठरला आयुष्याचा शेवटचा …

दरम्यान, अन्न व औषध प्रशासनाकडे तक्रारी करूनही अपेक्षित कारवाई होत नसल्याची भावना काही नागरिकांकडून व्यक्त केली जात आहे. संबंधित विभागाच्या अधिकाऱ्यांनी कजगावकडे गांभीर्याने लक्ष देऊन तक्रारीची दखल घ्यावी, अशी मागणी होत आहे.