राजकीय नेत्यांच्या घरी बाप्पा झाले विराजमान; वर्षा बंगल्यावर बाप्पाचे जल्लोषात स्वागत

राज्यामध्ये सर्वत्र गणेशोत्सव साजरा केला जात आहे. राजकीय नेत्यांच्या घरी देखील बाप्पा विराज होत आहे. राज्याचे मुख्यमंत्री एकनाथ शिंदे यांनी देखील वर्षा बंगल्यावर गणरायाचे जोरदार स्वागत केले. तसेच देवेंद्र फडणवीस यांनी देखील गणपती बाप्पाचे स्वागत केले आहे.

मुंबई : राज्यामध्ये सर्वत्र गणेशोत्सवाचा जल्लोष आहे. घराघरामध्ये बाप्पा विराजमान झाला असून सर्वत्र उत्साहपूर्ण वातावरण आहे. राजकीय नेत्यांच्या घरी देखील लाडक्या बाप्पाचे आगमन झाले आहे. मोठ्या उत्साहामध्ये गणपती बाप्पा विराजनाम झाला आहे. मुख्यमंत्री एकनाथ शिंदे यांच्या राजकीय निवासस्थानी तसेच देवेंद्र फडणवीस व अजित पवार यांच्या निवासस्थानी देखील बाप्पाचे स्वागत करण्यात आले आहे.

मुख्यमंत्री एकनाथ शिंदे यांच्या घरी देखील गणरायाचे आगनम झाले आहे. मुख्यमंत्र्यांच्या शासकीय निवासस्थान असलेल्या वर्षा बंगल्यावर जल्लोषपूर्ण वातावरणामध्ये बाप्पाचे स्वागत करण्यात आले. मुख्यमंत्री एकनाथ शिंदे यांनी सपत्नीक गणरायाची पुजा केली. तसेच आरती केली. यावेळी मुख्यमंत्री एकनाथ शिंदे हे भक्तीभावामध्ये तल्लीन झालेले दिसले. यावेळी खासदार श्रीकांत शिंदे यांची देखील उपस्थिती होती. मोठ्या उत्साहामध्ये वर्षावर गणरायाचे स्वागत करण्यात आले.

See more

वक्रतुंड महाकाय, सूर्य कोटि समप्रभ:।
निर्विघ्नं कुरु मे देव सर्व कार्येषु सर्वदा।।

गणेश चतुर्थीच्या पवित्र दिनी ‘वर्षा’ या शासकीय निवासस्थानी श्री गणरायाची विधिवत प्रतिष्ठापना पूजा संपन्न झाली.

या मंगल प्रसंगी माझी पत्नी सौ.लता शिंदे, पुत्र खासदार डॉ.श्रीकांत शिंदे, स्नुषा… pic.twitter.com/NNDy7wx0ep

— Eknath Shinde – एकनाथ शिंदे (@mieknathshinde) September 7, 2024

सागर बंगल्यावर जल्लोष

राज्याचे उपमुख्यमंत्री देवेंद्र फडणवीस यांच्याकडे देखील गणरायाचे स्वागत करण्यात आले आहे. धुमधडाक्यामध्ये देवेंद्र फडणवीस यांच्या मुंबईतील निवास्थानी गणपती बाप्पा विराजमान झाला. फुलांची भव्य आरास आणि बाप्पाची सुंदर मूर्ती मन मोहक दिसत होती. यावेळी फडणवीस यांनी पत्नी अमृता फडणवीस यांच्यासोबत बाप्पाची आरती केली. प्रसन्नमयी वातावरणामध्ये देवेंद्र फडणवीस यांच्या घरी बाप्पा विराजमान झाले आहेत.

See more

🌺 दरवर्षीच्या परंपरेप्रमाणे श्री गणरायाच्या मूर्तीची सहकुटुंब प्राणप्रतिष्ठा केली. माझ्या मुंबई येथील निवासस्थानी आज बाप्पांचे आगमन झाले.@fadnavis_amruta#Maharashtra #GaneshChaturthi pic.twitter.com/B6jR3tZC8S

— Devendra Fadnavis (@Dev_Fadnavis) September 7, 2024

देवेंद्र फडणवीस यांनी दिल्या शुभेच्छा

गणेशोत्वासाच्या शुभेच्छा देताना उपमुख्यमंत्री देवेंद्र फडणवीस म्हणाले की, “गणेशोत्सव हा एक उत्साह आणणारा सण आहे. आज गणेश पर्वची सुरुवात होत असल्यामुळे खुशीचे वातावरण आहे. देशातील आणि जगभरातील सर्व गणेशभक्तांना मी शुभेच्छा देतो. महाराष्ट्रातील उत्साह तर तुम्हाला दिसत आहेच. गणेशाच्या चरणी मी मागणी करेल की सर्वांना सुख समृद्धी आणि ऐश्वर्य लाभो. तसेच आपला देश आणि आपलं राज्य महाराष्ट्र नेहमी प्रगतीपथावर राहू दे. त्याच्यासमोर जे विघ्न येईल ते दूर होऊ दे अशी मी प्रार्थना करतो,” अशा शुभेच्छा देवेंद्र फडणवीस यांनी दिल्या.