Gondiya News: लाच घेताना वनपाल अडकला जाळ्यात! एसीबीची पारसटोला येथे धडक कारवाई; दोन वनरक्षकांनाही घेतले ताब्यात

रेती उपसा व वाहतूक प्रकरणात कारवाई न करण्यासाठी २० हजार रुपयांची लाच घेताना राजुली क्षेत्राचे वनपाल रमेश पचारे यांना एसीबीने रंगेहाथ पकडले. ही धडक कारवाई अर्जुनी मोरगाव तालुक्यातील परसटोला कार्यालयात करण्यात आली. याप्रकरणी दोन वनरक्षकांनाही ताब्यात घेण्यात आले असून तिघांविरुद्ध केसोरी पोलिसांत गुन्हा दाखल केला आहे.

रेती उपसा व वाहतूक प्रकरणात कारवाई न करण्यासाठी २० हजार रुपयांची लाच स्वीकारताना वनपालाला लाचलुचपत प्रतिबंधक विभागाच्या पथकाने रंगेहाथ पकडले. ही कारवाई मंगळवारी अर्जुनी मोरगाव तालुक्यातील गोठणगाव वनपरिक्षेत्रातील परसटोला येथील वनविभागाच्या कार्यालयात करण्यात आली. यावेळी दोन वनरक्षकांनाही ताब्यात घेण्यात आले.

रमेश सखाराम पचारे (५७), वनपाल, राजुली सावनक्षेत्र, गोठणगाव वनपरिक्षेत्र, असे लाच स्वीकारताना पकडण्यात आलेल्या आरोपीचे नाव आहे. तर नीलोत्पल हिरालाल शिकारे (३१) आणि चिंटू मंगलसिंग परिहार (३८), अशी ताब्यात घेतलेल्या दोघांची नावे आहेत.

Gondiya News: पुरामुळे तुटतोय ९६ गावांचा संपर्क! पावसाळ्यामध्ये वैनगंगा आणि बाग नदीला येतोय पूर

एसीबीने सापळा रचून केली कारवाई दोघेही वनरक्षक,

एसीबीकडे २४ वर्षीय तक्रारदाराने तक्रार दाखल केली होती. तक्रारदाराच्या घराचे बांधकाम सुरू असून, मार्च २०२६ मध्ये घरासाठी आवश्यक रेती गावाशेजारील नाल्यातून आणत असताना वनपाल पचारे यांनी त्यांचा ट्रॅक्टर अडविला. रेती उपसा व वाहतुकीप्रकरणी कारवाई करण्याची धमकी देत २५ हजारांच्या लाचेची मागणी केल्याचा आरोप आहे. त्यानंतर ९ जुलै रोजी तक्रारदार रॉयल्टीची रेती घराजवळ उतरवून रिकामा ट्रॅक्टर घेऊन शेताकडे जात असताना पचारे व वनरक्षक शिकारे यांनी ट्रॅक्टर अडवून चावी काढून घेतली. घराचे बांधकाम सुरू केल्यापासून एकही पडताळणीदरम्यान आरोपींकडून २० हजार रुपयांची लाच मागितल्याचे निष्पन्न झाले. त्यानुसार एसीबीने सापळा रचला.

तक्रारदाराला २० हजार रुपयांची लाच रक्कम देऊन परसटोला कार्यालयात पाठविण्यात आले. पचारे यांनी लाचेची रक्कम स्वीकारताच एसीबीच्या पथकाने त्यांना रंगेहाथ पकडले. यावेळी कार्यालयात उपस्थित असलेल्या वनरक्षक शिकारे व परिहार यांनाही ताब्यात घेण्यात आले. या प्रकरणी तिन्ही आरोपीविरुद्ध केशोरी पोलिस ठाण्यात गुन्हा दाखल दाखल करण्यात आला आहे.

Gondiya News: बिबट्याच्या हल्ल्यात शेतकरी जखमी! बिबिटोलातील घटना नागरिकांमध्ये भीतीचे वातावरण, वनविभागाने लावला पिंजरा

दरम्यान, ५ ऑगस्ट रोजी पचारे यांनी तक्रारदाराला ८ ऑगस्ट रोजी परसटोला राउंड ऑफिसमध्ये हजर राहण्याची नोटीस दिली. तक्रारदार तेथे हजर झाल्यानंतर पचारे व शिकारे यांनी प्रकरण ‘सेटलमेंट’ करण्याची तयारी दर्शवत २५ हजारांऐवजी २० हजार रुपये द्यावे लागतील, अशी मागणी केल्याचे समोर आले. लाच देण्याची इच्छा नसल्याने तक्रारदाराने १० ऑगस्ट रोजी गोंदिया एसीबीकडे तक्रार केली. त्यानंतर ११ ऑगस्ट रोजी पंचांसमक्ष तक्रारीची पडताळणी करण्यात आली.