GSB Ganpati : जीएसबी गणपतीच्या दागिन्यांच्या विम्यात वाढ, रक्कम वाचून डोळे होतील पांढरे!

जीएसबी गणपतीच्या दागिन्यांच्या विम्यात वाढ झाल्याचं समोर आलं आहे. मागच्या वर्षीच्या तुलनेत यंदा मंडळाने विम्यामध्ये वाढ केली आहे. किती आहे यंदाच्या विम्याची किंमत जाणून घ्या.

Follow Us:

Follow Us:

• GSB गणपतीसाठी विमा
• विम्याची रक्कम कोटीच्या घरात
• किती आहे या वर्षी विमा

गणरायाच्या आगमानच्या तयारीला आता सुरुवात झाली. मुंबई आणि पुण्यातील मानाच्या गणपतींच्या स्वागतासाठी भाविक देखील उत्सुक झाले आहेत. अशातच आता जीएसबी गणपतीच्या दागिन्यांच्या विम्यात वाढ झाल्याचं समोर आलं आहे. मुंबईतल्या मानातच्या गणपतींपैकी एक म्हणजे जीएसबी गणपती. या गणपतीच्या मंडळाने यंदा 474 कोटी रुपयांचा विमा उतरला आहे. दरवर्षी या मंडळाच्या वतीने विमा जाहीर केला जातो. यंदा हा विमा 474 कोटीं रुपयांचा उतरवण्यात आला असून याचा प्रिमियम अद्याप सांगण्यात आलेला नाही.

गणेशोत्सवात गणपती बाप्पाची कोणत्या रंगाची मूर्ती घरी आणावी? जाणून घ्या

गणपतीच्या मूर्तीसह, गणपतीचे पारंपरिक दागिने, मंडप, कार्यकर्ते आणि दर्शनासाठी येणाऱया भाविकांचा असा एकूण 474 कोटींचा विमा उतरवण्यात आलेला आहे. मिळालेल्या माहितीनुसार, जीएसबी मंडळाकडे 67 कोटींचे गणपतीचे दागिने आहेत. त्याचबरोबर 325 किलो चांदीचे दागिने आहे. त्याचबरोबर मंडळाचे कार्यकर्ते, पुजारी, आचारी आणि सुरक्षा रक्षक यांचा तब्बल 375 कोटी रुपयांचा विमा काढण्यात आला आहे.

याशिवाय मंडळाने सामाजिक भान जपत आग प्रतिबंधक आणि भूकंप सारख्या आपत्तीमध्ये हाेणारे नुकसान टाळण्यासाठी 2 कोटी रुपयांचा विमा काढण्यात आला आहे. त्याचबरोबर गणेशोत्सवासाठी बांधण्यात येणारे मंडप आणि दर्शनासाठी येणाऱ्या भाविकांचा 30 कोटी रुपयांचा विमा काढण्यात आला आहे. सोने व चांदीच्या दरात वाढ झाल्याने यंदा दागिन्यांच्या विम्यामध्ये वाढ करण्यात आली आहे. तसेच गणरायाच्या मूर्तीचे पुजारी आणि कार्यकर्त्यांचाही यामध्ये समावेश केला आहे, अशी माहिती जीएसबी सेवा मंडळ, किंग्ज सर्कल मंडळाचे अध्यक्ष अमित पै, यांनी दिली आहे.

भाद्रपद महिन्यातील गणेश चतुर्थी विशेष का असते? जाणून घ्या

मागच्या वर्षी मंडळाने 400 कोटींच्या विमा उतरवला होता. सोने व चांदीच्या दरात वाढ झाल्याने यंदा दागिन्यांच्या विम्यामध्ये वाढ करण्यात आली आहे. तसेच याआधी म्हणजेच 2023 मध्ये 360.40 कोटी इतका विमा मंडळाने जारी केला होता. जीएसबी गणपती मुंबईतील सर्वात श्रीमंत गणपती मंंडळ असून गणेशोत्सावानिमित्ताने दररोज किमान 20000 इतके भाविक रोज दर्शनासाठी येत असतात, अशी माहितीदेखील मंडळाच्या वतीने देण्यात आली आहे.

सर्वात श्रीमंत मंडळ

किंग्ज सर्कल येथील गौड सारस्वत ब्राह्मण (GSB) सेवा मंडळ हे शहरातील सर्वात श्रीमंत मंडळ मानले जाते आणि दरवर्षी ते सोन्या-चांदीच्या दागिन्यांनी सजवलेले गणपती अतिशय भव्य पद्धतीने प्रदर्शित करतात. या ठिकाणी 24 तास पूजापाठ आणि अनुष्ठान चालू राहते आणि इतकंच नाही तर बाप्पाचं दर्शन घेण्यासाठी तुफान गर्दीही असते. केवळ श्रीमंती नाही तर गौड सारस्वत समाजाची परंपरा जपत या मूर्तीचे पूजन कऱण्यात येते आणि जगातील अनेक GSB यावेळी केवळ बाप्पाचे दर्शन घेण्यासाठी येत असतात आणि याशिवाय रात्रंदिवस येथे बाप्पाच्या दर्शनासाठी रांगाच्या रांगा लागलेल्या दिसून येतात. 

Web Title: Gsb ganpati increase in insurance of gsb ganpatis jewelry insurance of rs 474 crore announced

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com