Kokan Railway : कोकण रेल्वेची सुरक्षा व सेवांमध्ये सुधारणा ; प्रवासी वाहतूक आणि सुरक्षेत मोठी कामगिरी

कोकण रेल्वेने मागील आर्थिक वर्षात उल्लेखनीय कामगिरी करत प्रवासी वाहतूक, सेवा आणि सुरक्षिततेच्या क्षेत्रात विक्रमी यश नोंदवले आहे.

• कोकण रेल्वेची सुरक्षा व सेवांमध्ये सुधारणा
• प्रवासी वाहतूक आणि सुरक्षेत मोठी कामगिरी

मुंबई : कोकण रेल्वेने मागील आर्थिक वर्षात उल्लेखनीय कामगिरी करत प्रवासी वाहतूक, सेवा आणि सुरक्षिततेच्या क्षेत्रात विक्रमी यश नोंदवले आहे. कोकणासह गोव्यातील रेल्वे संपर्क अधिक सक्षम करत, रेल्वेने तिकीट तपासणीमधून तब्बल 27.59 कोटी रुपयांचे उत्पन्न मिळवले असल्याची माहिती कोकण रेल्वेने दिली आहे. कोकण रेल्वेने दिलेल्या माहितीनुसार, या आर्थिक वर्षांत पायाभूत सुविधांच्या दृष्टीने देखील महत्वाचे प्रकल्प आणि कामे करण्यात आली आहेत. यात पूल, बोगदे आणि सिग्नल प्रणालींचे आधुनिकीकरण करून सुरक्षितता आणि कार्यक्षमता वाढवण्यात आली.

सामाजिक बांधिलकी आणि सांस्कृतिक उपक्रम
गणपती उत्सवाच्या काळात प्रवाशांसाठी विशेष सुविधा, मोफत पाणी, आरोग्य सेवा आणि सांस्कृतिक कार्यक्रमांचे आयोजन करण्यात आले. या सर्व उपक्रमांमुळे कोकण रेल्वेने प्रवासी-केंद्रित सेवा, सुरक्षितता आणि विकास यामध्ये महत्वपूर्ण पाऊल टाकले असून, भविष्यातही अशाच प्रकारे प्रगती सुरू ठेवण्याचा निर्धार व्यक्त केला आहे. ड्रोनच्या मदतीने ट्रॅक मॉनिटरिंगसारखे आधुनिक तंत्रज्ञान वापरण्यात आले, प्रवाशांच्या सोयीसाठी विविध सुविधा देखील उपलब्ध करून देण्यात आल्या असून, दिव्यांगांसाठी रॅम्प, ब्रेल साइनज, सुधारित सूचना फलक लावण्यात आले आहेत.

संशयास्पद हालचालींवर मुंबई महानगरपालिका ठेवणार बारीक लक्ष! शहरात बसवले जाणार आधुनिक सीसीटीव्ही कॅमेरा

या कालावधीत कोकण रेल्वेने ‘देव दर्शन स्पेशल 66 ट्रेन ‘सह अनेक नवीन सेवा सुरू केल्या, राजणगाव अयोध्या आणि रामेश्वरम यांना जोडणाऱ्या सहा विशेष गाड्यांचा समावेश आहे. याशिवाय गणपती, उन्हाळा आणि हिवाळा हंगामात 1400 हून अधिक विशेष गाड्या चालवण्यात आल्या. याचा लाखो भाविकांना लाभ झाला आहे.
– सुनील नारकर, मुख्य जनसंपर्क अधिकारी

मुंबईचा पाणीप्रश्न सुटणार! महापौरांचे जुन्या विहिरी आणि तलाव पुनरुज्जीवित करण्याचे आदेश; पाहा काय आहे नवा ‘प्लॅन’