महाबळेश्वर : वन व्यवस्थापन समितीच्या वतीने अवकाळी गावच्या प्रवेशद्वारावर बांधण्यात आलेल्या स्वागत कमाणीचा लोकार्पण सोहळा विविध मान्यवरांच्या उपस्थितीत पार पडला. अगदी साध्या पद्धतीने पार पडलेल्या या कार्यक्रमासाठी वन विभागाचे अधिकारी, वन व्यवस्थापन समितीचे सदस्य व ग्रामस्थ यावेळी उपस्थित होते.
महाबळेश्वर, पाचगणी या राज्य मार्गावर अवकाळी गावच्या प्रवेशद्वारावर संयुक्त वन व्यवस्थापन समितीच्या वतीने एक भव्य स्वागत कमान बांधण्यात आली आहे. विविध मान्यवरांच्या हस्ते विधिवत पूजन करण्यात आले. मान्यवरांनी श्रीफळ वाढविले व त्यानंतर सह्याद्री व्याघ्र प्रकल्प कराड येथील उपवन संरक्षक उत्तम सावंत यांच्या हस्ते फित कापून या कमानीचा लोकार्पण करण्यात आले.
यावेळी सहाय्यक वनसंरक्षक सुधीर सोनावले, वनक्षेत्रपाल श्रीकांत कुलकर्णी, संयुक्त वन व्यवस्थापन समितीचे अध्यक्ष विजय भिलारे, दत्तात्रय भिलारे, रमेश चोरमले, अनिल भिलारे आदी मान्यवरांसह अवकाळी येथील ग्रामस्थ उपस्थित होते.
.png "Videos"){kind=small}
