नाशिक – सत्यजित तांबे (Satyajit Tambe) अथवा मी भाजपचा (BJP) पाठिंबा मागितला नसून मागणार देखील नाही अशी प्रतिक्रिया नाशिक पदवीधर (MLC Election) मतदारसंघाचे विद्यमान आमदार सुधीर तांबे हे आज निफाड येथे प्रचारासाठी आले असताना पत्रकारांनी विचारलेल्या प्रश्नांना उत्तर देताना बोलत होते.
पदवीधर निवडणुकीत सत्यजित तांबे यांनी काँग्रेस व अपक्षचा उमेदवारी अर्ज दाखल केला होता. मात्र त्यांना एबी फॉर्म मिळाला नसल्याने अपक्ष राहून निवडणूक लढवत असल्याने आमच्या पक्षश्रेष्ठीचा काहीतरी गैरसमज झाला. आम्ही त्याबाबत त्यांच्यासोबत बसून चर्चा करणार असल्याची प्रतिक्रिया विद्यमान आमदार सुधीर तांबे यांनी दिली आहे.
तुम्ही भाजपचा पाठिंबा मागितला होता याबाबत विचारले असता यावेळी सुधीर तांबे म्हणाले की.. आम्ही कोणत्याही प्रकारे भाजपचा पाठिंबा मागितला नसून व घेणार देखील नसल्याची प्रतिक्रिया यावेळी आमदार सुधीर तांबे यांनी दिली.
.png "Videos"){kind=small}
