Partur School Reality: परतूरच्या शाळेचा भोंगळ कारभार उघडा; कर्मचाऱ्यांवर कारवाईची कुऱ्हाड कोसळणार?

Dr Zakir Husain Partur School Reality: सरकारी शाळांमधील शिक्षणाचा दर्जा आणि सोयी-सुविधांचे दावे खरोखरच कागदावरच राहिले आहेत. परतूर येथील डॉ. झाकीर हुसेन प्रायमरी स्कूलमध्ये गटशिक्षणाधिकाऱ्यांनी अचानक मारलेल्या धाडीत काय धक्कादायक वास्तव समोर आले? जाणून घ्या सविस्तर...

• डॉ. झाकीर हुसेन प्रायमरी स्कूलमध्ये गटशिक्षणाधिकाऱ्यांची पाहणी
• शाळेतील शैक्षणिक दर्जा अत्यंत खालावला
• दोषी अढळणाऱ्या कर्मचाऱ्यांवर कडक कारवाई होणार

Dr Zakir Husain Primary Partur School Reality: विद्यार्थ्यांना दर्जेदार शिक्षण आणि सुरक्षित वातावरण देण्याचे सरकारी दावे कागदावरच राहत असल्याचे भीषण वास्तव परतूर येथील डॉ. झाकीर हुसेन प्रायमरी स्कूलमध्ये समोर आले आहे. शाळेतील गंभीर समस्या, सोयी-सुविधांचा अभाव आणि मुख्याध्यापकांच्या मनमानी कारभाराबाबत तक्रारीचा पाढा वाचल्यानंतर, गटशिक्षणाधिकारी अशोक घुगे यांनी या शाळेला अचानक भेट देऊन प्रत्यक्ष पाहणी केली.

या धाडसी कारवाईत शाळेचा भोंगळ कारभार उघडा पडला असून, शिक्षण अधिकाऱ्यांनी सर्व बाबींचा रीतसर पंचनामा केला आहे. त्यामुळे निष्काळजी शाळा कर्मचारी व प्रशासनाविरोधात लवकरच कडक कारवाईची कुऱ्हाड कोसळण्याची दाट शक्यता निर्माण झाली आहे.

MBBS Admissions 2026: नीट परीक्षा फक्त क्वालिफाय केलीय? कमी कट-ऑफ असणारे १५ टॉप मेडिकल कॉलेजेस अन् त्यांची फी जाणून घ्या

शाळेतील शैक्षणिक दर्जा अत्यंत खालावला

या पाहणीदरम्यान गंभीर बाबी उघडकीस आलेल्या आहेत. यामधे शैक्षणिक दर्जा रसातळाला गटशिक्षणाधिकाऱ्यांनी प्रत्यक्ष वर्गात जाऊन विद्यार्थ्यांची शैक्षणिक गुणवत्ता तपासली असता धक्कादायक वास्तव समोर आले. विद्यार्थ्यांना विचारलेल्या साध्या आणि सोप्या प्रश्नांचीही उत्तरे देता आली नाहीत. यावरून शाळेतील शैक्षणिक दर्जा अत्यंत खालावल्याचे स्पष्ट झाले आहे.

Education News: ज्या जिल्ह्यांत ‘केंद्रीय विद्यालय’ नाही, तिथे नवीन शाळा सुरू होणार! शिक्षणमंत्र्यांचे केंद्र सरकारला प्रस्ताव

दोषी अढळणाऱ्या कर्मचाऱ्यांवर कडक कारवाई होणार

शाळेतील दुरावस्था, जर्जर इमारत, खालावलेला शैक्षणिक दर्जा तसेच शालेय पोषण आहार आणि इतर कार्यालयीन अभिलेखे अद्ययावत मिळून आलेले नाहीत. या सर्व बाबींचा सविस्तर पंचनामा करण्यात आला आहे. सर्व तथ्यांचा समावेश असलेला वस्तुस्थितीदर्शक अहवाल वरिष्ठांकडे सादर केला आईल, दोषी आढळणाऱ्यांवर आणि कर्तव्यात कसूर करणाऱ्या कर्मचाऱ्यांवर कडक कायदेशीर व प्रशासकीय कारवाई केली जाईल, असे परतूरचे गटशिक्षक्षणाधिकारी अशोक घुगे यांनी स्पष्ट केले.

Degree Scam News: १.५ लाखात B.Com ची बनावट पदवी विकल्याचा रिक्षाचालकाचा आरोप; पुणे विद्यापीठात चौकशी सुरू…