Jay Pawar emotional post: राज्याचे उपमुख्यमंत्री दिवंगत अजित पवार यांचे निधन होऊन आज सात दिवस झाले. गेल्या बुधवारी (२८ जानेवारी) मुंबईहून बारामतीला येत असताना अजित पवार यांचे विमान सकाळी ८.४५ च्या सुमारास बारामती विमानतळावर लँड होत असताना कोसळले आणि विमानाचा जोरदार स्फोट झाला. याच अपघात त्यांनी जगाचा निरोप घेतला. याशिवाय या घटनेत पायलटसह आणखी चार जणही मृत्यूमुखी पडले. अजित पवार यांच्या जाण्याने बारामतीच नव्हे तर संपूर्ण महाराष्ट्र स्तब्ध झाला.
दरम्यान अजितदांदांना जाऊन आज सात दिवस झाले असले तरी त्यांच्या कुटुंबियांसह त्यांच्या चाहत्यांच्या, कार्यकर्त्यांच्या सोशल मीडियावर त्यांच्या आठवणींना उजाळा दिला जात आहे. दोन दिवसांपूर्वी युगेंद्र पवार यांनी ट्विटर एक्सवर पोस्ट करत अजित दादांना आठवणींना उजाळा दिला. त्यानंतर खासदार सुप्रिया सुळे यांनीही व्हॉट्सअप स्टेटस टाकत त्यांच्या आठवणी जागवल्या.
अजित पवार यांच्या अकाली निधनामुळे संपूर्ण पवार कुटुंब दुःखात असतानाच, त्यांचा धाकटा मुलगा जय पवार यांनी सोशल मीडियावर आपल्या भावना व्यक्त केल्या आहेत. या कठीण काळात पार्थ आणि जय दोघेही संयमाने परिस्थिती हाताळत असले, तरी वडिलांच्या आठवणीने जय अत्यंत भावूक झाल्याचे पाहायला मिळाले. जय पवार यांनी अजितदादांसोबतचे दोन फोटो सोशल शेअर करत त्यांच्या भावना व्यक्त केल्या आहेत. यात पहिल्या फोटोमध्ये ते आणि अजित पवार गॉगल लावून पोझ देताना दिसत आहे.या फोटोला जय पवार यांनी ” Missing you a lot Dad” अशी छोटीशी कॅप्शन दिली आहे.
Jay Pawar Social Media Post
सोशल मीडियावर जय पवार यांनी शेअर केलेल्या फोटोंपैकी एका फोटोने सर्वांचे लक्ष वेधून घेतले आहे. या फोटोमध्ये जय यांनी आपले वडील अजित पवार यांना अत्यंत घट्ट मिठी मारली आहे, तर अजितदादांच्या चेहऱ्यावर एक निखळ आणि हसतमुख भाव पाहायला मिळत आहेत. बाप-लेकाच्या नात्यातील जिव्हाळा या एका फोटोतून स्पष्टपणे जाणवतो.या फोटोसाठी जय पवारांनी “Dad, काश वेळ थांबली असती… मी तुम्हाला घट्ट मिठीत घेऊन आयुष्यभर तसाच राहिलो असतो. ” असं त्यांनी या फोटोसोबत लिहीलं आहे.
.png "Videos"){kind=small}
