कर्जत तालुक्यातील ठेकेदारांची मागील तीन वर्षातून अधिक जुनी बिले शासनाकडे थकली आहेत.ही बिले मिळवीत आणि आपल्यावर वाढलेले कर्जाचा डोंगर उतरावा यासाठी कर्जत ठेकेदार संघटना यांनी 25 मार्च पासून कर्जत येथील सार्वजनिक बांधकाम विभागाचे कार्यालयाबाहेर उपोषण सुरू केले होते. ठेकेदार संघटनेचे अध्यक्ष राहुल डाळींबकर यांनी उपोषण सुरू केल्यानंतर उपोषणाच्या दुसरी दिवशी सार्वजनिक बांधकाम विभागाचे कार्यकारी अभियंता संदीप चव्हाण यांनी भेट घेऊन शासनाकडे सर्व 203.95 कोटींच्या बिलांच्या बाबत हालचाली सुरू आहेत.मात्र आपली देयके मिळत नाहीत तोवर उपोषण स्थगित करणार नाही असा निर्धार राहुल डाळींबकर यांनी जाहीर केला होता.
कर्जत ठेकेदार संघटनेचे अध्यक्ष राहुल डाळिंबकर यांच्या पाठिंबा देण्यासाठी सर्व ठेकेदार यांनी उपोषणस्थळी उपस्थिती लावली आहे. त्यात कर्जत तालुका ठेकेदार संघटनेचे सचिव उदय पाटील यांच्यासह संभाजी जगताप, उत्तम शेळके,राजेश जाधव, गोकुळ खडे,भास्कर देसले, भूषण भोईर,इरेश्वर गायकवाड, सूर्यकांत चंचे, बाळू ऐनकर, प्रसाद भोपतराव,प्रमोद खडे, शरद बडेकर,प्रमोद म्हसे,लहू श्रीखंडे,सुनील भालिवडे, जब्बार सहेद,सचिन ओसवाल,दशरथ पोसाटे, पंढरीनाथ पिंपरकर,सागर म्हसे,संतोष पाटील,मनोज ओसवाल, यांच्यासह अनेक ठेकेदार यांनी पाठिंबा दिला होता.
मात्र सायंकाळी उशिरा आमदार महेंद्र थोरवे हे उपोषणस्थळी पोहचले आणि त्यांनी उपोषण स्थगित करण्यासाठी प्रयत्न सुरू केले.उपोषणकर्ते राहुल डाळींबकर यांचे वय लक्षात घेऊन शासनाकडून आश्वासन मिळवून घेण्यात कर्जत चे आमदार महेंद्र थोरवे यांनी प्रयत्न सुरू केले.आदिवासी विकास विभागाची 103 कोटींची बिले थकीत असल्याने आदिवासी विकास विभागाचे मंत्री यांच्याशी संपर्क साधत एप्रिल पर्यंत कर्जत तालुक्याला निधी दिला जाईल असे आश्वासन मिळाले असल्याचे आमदार थोरवे यांनी उपोषण स्थळी सांगितले.एप्रिल महिन्यापर्यंत आपण वाट पाहू या असे आवाहन ठेकेदारांनी मान्य केले आहे. मात्र एप्रिल महिन्यात ठराविक तारखेपर्यंत वाट पाहू आणि नंतर उपोषण करण्यासाठी याच ठिकाणी येण्याची वेळ आणू नका असे आवाहन आणि इशारा राहुल डाळींबकर यांनी देऊन उपोषण स्थगित केले.यावेळी सार्वजनिक बांधकाम विभागाचे कार्यकारी अभियंता संदीप चव्हाण उप अभियंता राहुल देवांग आणि भाजपचे किरण ठाकरे हे उपस्थित होते.
.png "Videos"){kind=small}
