Ladki Bahin Yojana: लाडक्या बहिणींनो काळजी घ्या…! E-KYC मधील एक चूक पडू शकते महागात, थेट नाव होईल कमी

मुख्यमंत्री माझी लाडकी बहीण योजनेसाठी ई-केवायसी करणे बंधनकारक करण्यात आले आहे. याची संपूर्ण प्रक्रिया आदिती तटकरे यांनी सांगितली आहे.

• लाडकी बहीण योजनेचे ई-केवायसी करणे बंधनकारक आहे
• ई-केवायसी करण्यासाठी काही स्टेप्स वापरणे गरजेचे आहे
• ई-केवायसी करण्याची पूर्ण प्रक्रिया मंत्री आदिती तटकरे यांनी सांगितली आहे.

Ladki Bahin ekyc : मुंबई : राज्य सरकारकडून जाहीर करण्यात आलेली मुख्यमंत्री माझी लाडकी बहीण (Ladki Bahin Yojana) योजना नेहमीच चर्चेत असते. कधी योजनेमधील घोटाळा समोर येतो तर कधी हजारो लाभार्थी योजनेतून वगळले जात असल्यामुळे ही योजना चर्चेचा विषय ठरते. आता लाडकी बहीण योजनेबाबत सरकारकडून महत्त्वपूर्ण निर्णय घेण्यात आला आहे. सर्व लाडक्या बहिण योजनेच्या लाभार्थी महिलांना ई-केवायसी करण्याच्या सूचना करण्यात आल्या आहेत. यामुळे महिलांना मोठा संभ्रम निर्माण झाला असून अनेक महिला यामध्ये चूक करण्याची शक्यता आहे. हीच बाब लक्षात घेत महिला व बालकल्याण मंत्री आदिती तटकरे (Aditi Tatkare) यांनी योजनेच्या ई-केवायसी बद्दल माहिती दिली आहे.

महिला व बालकल्याण मंत्री आदिती तटकरे यांनी सोशल मीडियावर यासंबंधित पूर्ण माहिती दिली आहे. मंत्री आदिती तटकरे यांच्या सोशल मीडिया अकाऊंटवरुन संपूर्ण ई-केवायसीची प्रक्रिया समजून सांगण्यात आली आहे. या सर्व सूचनांप्रमाणे ई-केवायसी केल्यानंतर पात्र महिलांचा अर्ज आणि योजनेचा लाभा कायम राहणार आहे. यामध्ये कोणतीही चूक झालास मात्र योजनेच्या लाभापासून वंचित राहण्याची शक्यता आहे.

राजकीय बातम्या वाचण्यासाठी क्लिक करा 

काय आहे ई-केवायसी प्रक्रिया?

मुख्यमंत्री-माझी लाडकी बहीण योजनेच्या e-KYC साठी

https://ladakibahin.maharashtra.gov.in या संकेतस्थळाला भेट द्यावी.

मुखपृष्ठावर असलेल्या e-KYC बॅनरवर क्लिक केल्यावर e KYC फॉर्म उघडेल.

या फॉर्ममध्ये लाभार्थ्याने आपला आधार क्रमांक आणि पडताळणी संकेतांक (Captcha Code) नमूद करून, आधार प्रमाणीकरणासाठी संमती देत Send OTP या बटणावर क्लिक करावे. त्यानंतर लाभार्थ्याच्या आधार-लिंक मोबाईल क्रमांकावर OTP येईल. हा OTP टाकून Submit बटणावर क्लिक करावे.

यानंतर प्रणाली तपासेल की लाभार्थ्याची KYC आधीच पूर्ण झाली आहे की नाही.

* जर आधीच पूर्ण झाली असेल, तर “e-KYC आधीच पूर्ण झाली आहे” असा संदेश दिसेल.

* जर पूर्ण झाली नसेल, तर आधार क्रमांक मुख्यमंत्री माझी लाडकी बहीण योजनेच्या पात्र यादीत आहे की नाही हे तपासले जाईल.

जर आधार क्रमांक पात्र यादीत असेल, तर पुढील टप्प्याला जाता येईल.

यानंतर लाभार्थ्याने पती किंवा वडिलांचा आधार क्रमांक तसेच पडताळणी संकेतांक (Captcha Code) नमूद करावा. संमती दर्शवून Send OTP वर क्लिक करावे. OTP संबंधित मोबाईलवर प्राप्त झाल्यावर तो टाकून Submit बटणावर क्लिक करावा.

महाराष्ट्रासंबंधित बातम्या वाचण्यासाठी क्लिक करा

त्यानंतर लाभार्थ्याला आपला जात प्रवर्ग निवडावा लागेल आणि खालील बाबी प्रमाणित (Declaration) कराव्या लागतील:

1. माझ्या कुटुंबातील सदस्य नियमित/कायम कर्मचारी म्हणून शासकीय विभाग/उपक्रम/मंडळ/भारत सरकार किंवा राज्य शासनाच्या स्थानिक संस्थेत कार्यरत नाहीत किंवा सेवानिवृत्तीनंतर निवृत्तीवेतन घेत नाहीत.
2. माझ्या कुटुंबातील केवळ १ विवाहित आणि १ अविवाहित महिला या योजनेचा लाभ घेत आहे.

वरील बाबींची नोंद करून चेक बॉक्सवर क्लिक करावे व Submit बटण दाबावे.

शेवटी, “Success – तुमची e-KYC पडताळणी यशस्वीरित्या पूर्ण झाली आहे” असा संदेश दिसेल.