Madha Kurdu crime video go viral Threats openly where Anjana Krishna incident took place
सोलापूर : माढा तालुक्यामध्ये असणारे कुर्डू गाव हे चर्चेमध्ये आले आहे. आयपीएस असणाऱ्या अंजना कृष्णा यांना दमदाटी करण्यात आल्याचा प्रसंग याच गावामध्ये घडला. कुर्डू गावामध्ये अवैध मुरुम उपसा सुरु असल्याचे समोर आले आहे. यावेळी कारवाई करण्यात आलेल्या आयपीएस अंजना कृष्णा यांच्यावर उपमुख्यमंत्री अजित पवार यांनी दमदाटी करण्याचा प्रयत्न केला. यानंतर महसूल अधिकाऱ्याला देखील मारहाण करण्यात आली आहे. आता घटनांचे चित्रिकरण करणाऱ्या व्यक्तीला ग्रामसभेमध्ये उघडपणे धमकी देण्यात आली आहे.
कुर्डू येथे प्रशासनाने कारवाईचा बडगा उगारला आहे. या विरोधात ग्रामस्थांनी सर्वपक्षीय ग्रामसभा बोलावली होती. मात्र इथे बोलताना नितीन जगताप नावाच्या एका पदाधिकाऱ्याने थेट तुमचा तो व्हिडिओ ज्याने व्हायरल केला त्याची चौकशी करू आणि त्याचा कार्यक्रम करू असा उघड इशारा दिल्याने खळबळ उडाली आहे. त्यामुळे कुर्डू ग्रामस्थांचे नक्की काय सुरु आहे असा प्रश्न निर्माण झाला आहे.
राजकीय बातम्या वाचण्यासाठी क्लिक करा
काल (दि.08) रात्री कुर्डू येथे प्रशासनाने बेकायदा मुरूम उपसा आणि अधिकाऱ्यांना दमबाजी मारहाण प्रकरणी जे गुन्हे दाखल केले आहेत ते मागे घ्यावेत या मागणीसाठी ग्रामसभा बोलवण्यात आली होती. या सभेला सर्वच पक्षाचे ग्रामस्थ एकवटले होते. मात्र यावेळी भाषण करताना मोहिते पाटील गटाचा कार्यकर्ता असणाऱ्या नितीन जगताप यांनी भाषणात थेट व्हिडिओ व्हायरल करणाऱ्याचा कार्यक्रम करण्याची धमकी दिली आहे. बाबा तुमचा तू व्हिडिओ जाने व्हायरल केला त्याची खोलात जाऊन चौकशी करू आणि त्याला शोधून काढून कार्यक्रम करू असे आम्ही ठरवल्याचे या नितीन जगताप यांनी सांगितले आहे.
महाराष्ट्रसंबंधित बातम्या वाचण्यासाठी क्लिक करा
कुर्डू येथे बेकायदा मुरूम उपसा प्रकरणी कारवाईला आलेल्या महिला आयपीएस अधिकारी अंजना कृष्णा यांना थेट उपमुख्यमंत्र्यांचा फोन राष्ट्रवादीच्या तालुकाध्यक्ष बाबा जगताप यांनी लावून दिला होता. फोनवर बोलताना अजित पवारांनी महिला आयपीएस अधिकाऱ्याला धमकावल्याचा व्हिडिओ व्हायरल झाला होता. यानंतर कारवाईला आलेले तलाठी तहसीलदार यांच्यावरही ग्रामस्थांनी शिवीगाळ करत हल्ल्याचा प्रयत्न केला होता. बाबा जगताप यांच्या नशा करतानाचा व्हिडिओ देखील समोर आला होता. त्यामुळे संपूर्ण राज्यभरामध्ये याची जोरदार चर्चा सुरु होती. बाबा जगताप यांचा व्हिडिओ व्हायरल करणाऱ्याची चौकशी करु आणि त्याचे गेम करु असे देखील ग्रामसभेमध्ये म्हटले गेले. याचा व्हिडिओ देखील सोशल मीडियावर तुफान व्हायरल झाले आहे.
.png "Videos"){kind=small}
