Maharashtra Legislative Council Election 2026 : महाराष्ट्रात पुन्हा निवडणुकांचे बिगुल…! विधानपरिषदचा निवडणूक कार्यक्रम जाहीर

महाराष्ट्र विधान परिषदेतील 9 सदस्यांचा कार्यकाळ संपला आहे. यामुळे निवडणूक आयोगाने महाराष्ट्र विधान परिषदेच्या निवडणुका जाहीर केल्या आहेत.

• महाराष्ट्र विधान परिषद निवडणूक जाहीर
• निवडणूक आयोगाकडून महाराष्ट्रात निवडणूक
• 12 मे रोजी मतदान आणि मतमोजणी होणार

Maharashtra Legislative Council Election 2026 : मुंबई : महाराष्ट्रामध्ये पुन्हा एकदा निवडणुकांचे बिगुल वाजला आहे. निवडणूक आयोगाने (Election Commission) विधान परिषदेसाठी निवडणूक होणार आहे. याचा कार्यक्रम जाहीर करण्यात आला असून 9 सदस्य हे निवृत्त होणार आहेत. पुन्हा एकदा निवडणूका जाहीर झाल्यामुळे राज्याच्या राजकारणामध्ये (Political News) हालचालींना वेग आला आहे. निवृत्त होणाऱ्या किती नेत्यांना पुन्हा संधी दिली असणार याची उत्सुकता निर्माण झाली आहे.

 

निवडणूक आयोगाने परिपत्रक जारी करुन निवडणूका जाहीर केल्या. महाराष्ट्र विधान परिषदेच्या ०९ सदस्यांचा कार्यकाळ, 13 मे 2026 रोजी त्यांची निवृत्ती झाल्यामुळे संपुष्टात येत आहे. यामुळे निवडणूका जाहीर होत असल्याचे निवडणूक आयोगाने स्पष्ट केले.

निवडणूक आयोगाने दिलेल्या माहितीनुसार, 23 एप्रिलपासून निवडणुकीसाठी उमेदवारी अर्ज दाखल करता येणार आहे. 30 एप्रिल ही अर्ज दाखल करण्याची शेवटची तारीख असणार आहे. याचबरोबर 2 मे 2026 पर्यंत अर्जांची छाननी होणार आहे. तसेच 4 मे पर्यंत उमेदवारी अर्ज मागे घेता येणार आहे. त्यामुळे या आठवड्यामध्ये राजकीय हालचालींना वेग येणार आहे. अनेक इच्छुक हे पक्षश्रेष्ठींसमोर गाऱ्हाणे मांडतील किंवा पुन्हा विधान परिषदेवर संधी मिळण्यासाठी प्रयत्न करताना दिसून येणार आहे.

हे देखील वाचा : कोरेगावात शंभूराज देसाईंची ‘चाल’ सुरु; महेश शिंदेंसमोर पर्याय उभा करण्याची रणनिती तापली

महाराष्ट्रातील विधान परिषदेच्या निवडणुकीसाठी 12 मे 2026 रोजी मतदान केले जाणार आहे. त्याचबरोबर 12 तारखेला सकाळी 9 ते दुपारी 4 पर्यंत मतमोजणी पार पडणार आहे. महाराष्ट्र विधान परिषदेच्या निवडून आलेल्या आमदारांची नावे ही त्याच दिवशी म्हणजे 12 मे 2026 रोजी सायंकाळी 5 वाजता जाहीर करण्यात येणार आहे.

हे देखील वाचा :  कराड तालुक्यात प्रभाग रचनेवर 28 गावांतून 66 हरकती दाखल; ग्रामपंचायत निवडणुकांपूर्वी राजकीय वातावरण तापले

कोणत्या आमदारांचा कार्यकाळ संपणार?

विधान परिषदेच्या 9 आमदारांचा कार्यकाळ 13 मे रोजी संपणार आहे. यामध्ये माजी मुख्यमंत्री आणि ठाकरे गटाचे नेते उद्धव ठाकरे यांच्यासह नीलम गोऱ्हे, संदीप जोशी, दादाराव केचे, अमोल मिटकरी, रणजीतसिंग मोहिते पाटील, राजेश राठोड, शशिकांत शिंदे आणि संजय केनेकर यांचा समावेश आहे. या सर्व नेत्यांमध्ये कोणत्या नेत्यांना पुन्हा एकदा विधान परिषदेवर संधी मिळणार आणि कोणत्या नेत्यांना डच्चू देऊन नव्यांना संधी दिली जाणार याची चर्चा राजकीय वर्तुळामध्ये रंगली आहे.