फोटो सौजन्य सोशल मिडिया
अन्न व औषध प्रशासनाने सुटे मसाले विक्रीवर बंदी लागू झाल्यास याचा आर्थिक फटका सर्वसामान्य ग्राहकांसह रस्त्याच्या कडेला आणि पदपथांवर मसाले विकणाऱ्या लहान विक्रेत्यांनाही होण्याची शक्यता होत आहेत.
पॅकिंग मसाले महाग असल्याने सर्वसामान्य गरीब ग्राहकांना परवडत नाही. यामळे सुटे मसाले विक्रीवर निर्बंध घालताना ग्राहकांची आर्थिक परिस्थिती आणि लहान विक्रेत्यांच्या व्यवसायाचाही विचार केला गेला पाहिजे.अशी भूमिका मसाले विक्रेत्यांकडून केली जात आहे.
रोजंदारीवर काम करणारे मजूर आणि कमी उत्पन्न असलेले ग्राहक १० ते ५० रुपयांपर्यंत सुटे मसाले खरेदी करतात. पॅकिंग केलेले मसाले महाग असल्याने त्यांना आर्थिक भार सोसावा लागतो. रस्त्याच्या कडेला आणि पदपथांवर छोटेखानी सुट्या मसाल्यांचा व्यवसाय करणाऱ्या विक्रेत्यांच्या रोजगारावर सुद्धा परिणाम होताना दिसत आहे. बाजारात मंदी असताना व पॅकिंग मसाले सामान्य ग्राहकांच्या आवाक्याबाहेर असताना, हा निर्णय केवळ मोठ्या ब्रँडेड कंपन्यांना फायदा पोहोचवणारा असल्याचा सूर लहान व्यापारी आणि विक्रेत्यांमधून होत आहे.
या मुळे नुकसान आमचे होत असून जे मसाला मार्केट मध्ये महाग आहेत. तेच मसाले आम्ही स्वस्त दराने विकत आहे.. जे खरीदार आहेत, ते 10 ते 20 रुपये दराने मसाले खरेदी करतात. काही मसाले हजार रुपये किलो दराने विकले जातात. मार्केट मध्ये मंदी असल्याने ग्राहक कमी आहेत. सामान्य जनतेसाठी हा निर्णय चुकीचा असून सामान्य जनता कशी खरेदी करणार, हे पॅकींग मसाले करणं म्हणजे मोठ्या कंपन्याना मोठं करण्याचा प्रकार आहे. अशी प्रतिक्रिया मसाले व्यापाऱ्यांनी केली आहे.
.png "Videos"){kind=small}
