‘ये पॉलिटिक्स है बाबू भैया’! Manikrao Kokate संकटात अन् मुंडे कमबॅक करणार? थेट मंत्री होऊनच…

नाशिक कोर्टाने माणिकराव कोकाटे यांच्याविरध अटक वॉरट जारी केले आहे. नाशिक कोर्टाने कोकाटे यांची दोन वर्षांची शिक्षा कायम ठेवली आहे. त्यांचे मंत्रिपद आणि आमदारकी धोक्यात आली आहे. त्याच वेळेस माजी मंत्री आणि राष्ट्रवादीचे नेते धनंजय मुंडे ही दिल्लीत असल्याच्या चर्चा सुरू आहेत.

हायकोर्टाने कोकाटे यांना दिलासा देण्यास नकार दिला तर त्यांचे मंत्रिपद जाण्याचा अंदाज आहे. कोकाटे यांच्यावर असलेली टांगती तलवार आणि धनंजय मुंडे यांचा दिल्ली दौरा यावर चर्चा सुरू आहे. कोकाटे यांचे मंत्रिपद गेल्यास धनंजय मुंडे यांच्या गळ्यात मंत्रिपदाची माळ पडणार का? अशी चर्चा रंगू लागली आहे. त्यामुळे येत्या काही दिवसांत कोकाटे यांच्याबाबत हायकोर्ट काय देणार याकडे सवरणाचे लक्ष लागले आहे.  त्याच दरम्यान धनंजय मुंडे दिल्ली दौऱ्यावर असल्याचा चर्चा आहेत. त्यामुळे सरकारमध्ये मंत्री म्हणून धनंजय मुंडे कमबॅक करणार का अशी चर्चा रंगू लागली आहे.

माणिकराव कोकाटेंना मंत्रिमंडळातून डच्चू?

माणिकराव कोकाटे यांच्या विरोधात अखेर अटक वॉरंट जारी करण्यात आले आहे. दरम्यान अटकेपासून संरक्षण मिळवण्यासाठी कोकाटे यांनी उच्च न्यायालयात धाव घेतली आहे. पण दुसरीकडे, माणिकराव कोकाटे आणि त्यांचे बंधू दोघेही सकाळपासून नॉट रिचेबल असल्याची चर्चा आहे. त्याचवेळी त्यांची मंत्रिमंडळातूनही हकालपट्टी करण्यात आली आहे. माणिकराव कोकाटे यांची आमदारकीही रद्द करण्यात आली आहे.

Manikrao Kokate News: माणिकराव कोकाटेंना मंत्रिमंडळातून डच्चू..? आमदारकी रद्द

मिळालेल्या माहितीनुसार,  माणिकराव कोकाटे यांनी अटकेपासून संरक्षण  मिळण्यासाठी उच्च न्यायालयात याचिका दाखल केली आहे.  हायकोर्टाचा निर्णय येत नाही तोपर्यंत क्रीडामंत्री माणिकराव कोकाटेंना पक्षाकडून दिलासा देण्यात आला आहे. हायकोर्टाने शिक्षेला स्थगिती न दिल्यास माणिकराव कोकाटेंचा मंत्रिपदाचा राजीनामा घेतला जाईल. असे बोलले जात आहे. मुख्यमंत्री देवेंद्र फडणवीस आणि उपमुख्यमंत्री अजित पवार यांच्यात झालेल्या चर्चेनुसार हायकोर्टाचा निर्णय येईपर्यंत कोकाटेंवर कारवाई केली जाणार नाही.

संबंधित बातम्या