Top Marathi News Today Live: मनोज जरांगे लाखो आंदोलकांसह मुंबईकडे रवाना
Marathi breaking live marathi- मुंबई उच्च न्यायालयाने मंगळवारी महत्त्वपूर्ण आदेश देत पुढील दोन आठवड्यांसाठी पूर्वपरवानगीशिवाय कोणालाही आंदोलन करता येणार नाही, असे स्पष्ट केले आहे.
Maharashtra Breaking News
27 Aug 2025 11:11 AM (IST)
अमेरिकेचा भारतावर कर प्रहार
US 50% tariff on Indian goods : अमेरिकेचे राष्ट्राध्यक्ष डोनाल्ड ट्रम्प यांनी पुन्हा एकदा भारताच्या अर्थव्यवस्थेवर कर प्रहार केला आहे. भारतावरील अतिरिक्त २५% शुल्काची मुदत संपल्यानंतर आता एकूण ५०% कर आकारणी करण्यात आली आहे. हा निर्णय केवळ व्यापारापुरता मर्यादित नसून, तो भारतातील लाखो कामगारांच्या भवितव्याशी जोडलेला आहे. कारण या निर्णयाचा सर्वाधिक फटका भारताच्या कापड, दागिने, फर्निचर, स्टील-अॅल्युमिनियम अशा महत्त्वाच्या निर्यात क्षेत्रांना बसणार आहे.
27 Aug 2025 10:58 AM (IST)
जळगावात भाजपच्या माजी नगरसेवकावर धारदार कोयत्याने प्राणघातक हल्ला
जळगाव जिल्ह्याच्या चाळीसगावात भाजपच्या माजी नगरसेवकावर प्राणघातक हल्ला करण्यात आला आहे. या हल्ल्यात ते गंभीर जखमी झाले आहे. त्यांच्यावर उपचार सुरु आहे. हल्ला झालेल्या माजी नगरसेवकांचे नाव प्रभाकर चौधरी आहे. मात्र हा हल्ला कोणत्या कारणावरून करण्यात आला हे अध्यापत स्पष्ट झालेले नाही आहे. या घटनेने राजकीय वर्तुळात एकच खळबळ उडाली आहे. पोलीस या घटनेचा अधिक तपास करत आहे.
27 Aug 2025 10:40 AM (IST)
जयपूरच्या ‘या’ मंदिरात पत्र लिहून मागितली जाती इच्छा
Garh Ganesh Temple Jaipur : भारत हा मंदिरांचा देश म्हणून ओळखला जातो. येथे प्रत्येक राज्यात, प्रत्येक प्रदेशात श्रद्धा, परंपरा आणि भक्तीचा अनोखा संगम अनुभवायला मिळतो. गणपती बाप्पा म्हणजे मंगलकर्ता आणि विघ्नहर्ता. कोणत्याही कार्याची सुरुवात करण्यापूर्वी प्रथम बाप्पांची पूजा करण्याची परंपरा आपल्या संस्कृतीत हजारो वर्षांपासून आहे. भारतभरात गणेशोत्सव मोठ्या जल्लोषात साजरा केला जातो. याच बाप्पाच्या अनोख्या आणि वैशिष्ट्यपूर्ण मंदिरांपैकी एक आहे जयपूरमधील गढ गणेश मंदिर.
27 Aug 2025 10:30 AM (IST)
मनोमेय रुग्णालयात डॉक्टरांचा हलगर्जीपणा
कल्याण: कल्याणमधून डॉक्टरांचा निष्काळजीपणा समोर आला आहे. 10 वर्षाच्या मुलाला टायफाईड आणि निमोनियाची लागण झाला होती. त्याच्या उपचारासाठी त्याच्या कुटुंबीयांनी कल्याण आधारवाडी चौकातील मनोमेय मल्टी स्पेशलिटी हॉस्पिटलमध्ये दाखल केले होते. मुलाचा उपचार करून या रुग्णालयातून डिस्चार्ज देण्यात आला. मात्र संबंधित डॉक्टरने या मुलाला टायफाईड निमोनियाच्या औषधांसह दुसऱ्याच रुग्णाची औषधे देखील प्रिस्क्रिप्शनमध्ये लिहून दिली आहे. मुलाचे नातेवाईक मुलाला घेऊन दुसऱ्या डॉक्टरकडे इंजेक्शन घेण्यासाठी गेले असता हा प्रकार उघडकीस आला. जर ही औषधें आजारी मुलाने घेतली असती तर त्याच्या आरोग्याला उपाय होण्याऐवजी अपाय होण्याची शक्यता होती.
27 Aug 2025 10:20 AM (IST)
Samsung Galaxy Tab S10 Lite लाँच
Samsung Galaxy Tab S10 Lite हा बहुप्रतिक्षित टॅबलेट आता अखेर अधिकृतपणे लाँच करण्यात आला आहे. हा नवीन टॅबलेट तीन रंगाच्या पर्यायांमध्ये खरेदीसाठी उपलब्ध आहे. तसेच या टॅबलेटमध्ये पावरफुल बॅटरी देखील देण्यात आली आहे. Samsung Galaxy Tab S10 Lite मध्ये 10.9-इंच डिस्प्ले आहे, ज्यामध्ये 600 निट्स पीक ब्राइटनेस देण्यात आली आहे. हे टॅबलेट 8GB पर्यंत रॅम आणि 256GB पर्यंत ऑनबोर्ड स्टोरेजसह लाँच करण्यात आले आहे. यामध्ये 8-मेगापिक्सेलचा रियर कॅमेरा आणि 8,000mAh बॅटरी देण्यात आली आहे.
27 Aug 2025 10:10 AM (IST)
वैष्णोदेवी येथे भूस्खलन तर जम्मूच्या दोडा येथे ढगफुटी
जम्मू : गेल्या काही दिवसांपासून अनेक राज्यांत मुसळधार पाऊस होत आहे. त्यात जम्मू-काश्मीरमध्येही मुसळधार पाऊस सुरु आहे. या मुसळधार पावसाने कहर केला. या पावसाचा फटका श्री माता वैष्णोदेवी यात्रा मार्गाला बसला आहे. या मार्गावरील अर्धकुंवारी भागात भूस्खलन झाले. तर दोडा येथे ढगफुटीमुळे एकूण 30 जणांचा मृत्यू झाला.
27 Aug 2025 10:00 AM (IST)
भारतातील या शहरात सुरू होणार Apple चे नवं स्टोअर
कंपनीने दिलेल्या माहितीनुसार, भारतातील चौथे अ‍ॅपल स्टोअर कोरेगांव पार्क पुणे येथे ओपन करण्यात येणार आहे. येत्या काहीच दिवसांच म्हणजेच 4 सप्टेंबर रोजी या स्टोअरचे उद्घाटन केले जाणार आहे. ही घोषणा Apple द्वारे बंगळुरुमध्ये करण्यात आलेल्या तिसऱ्या रिटेल स्टोअरच्या घोषणेनंतर करण्यात आली आहे. चौथ्या रिटेल स्टोअरची घोषणा अ‍ॅपलने सप्टेंबरच्या पहिल्या आठवड्यात होणाऱ्या त्यांच्या मोठ्या आयफोन लाँच कार्यक्रमासाठी अधिकृतपणे आमंत्रणे जारी करण्याच्या काही दिवस आधी केली आहे.
27 Aug 2025 09:56 AM (IST)
तर आम्ही तुमच्यावर इतका टॅरिफ लादू की तुमचं डोकं फिरून जाईल; डोनाल्ड ट्रम्प यांची भारताला धमकी
अमेरिकेचे माजी राष्ट्राध्यक्ष डोनाल्ड ट्रम्प यांनी भारत आणि पाकिस्तान यांच्यातील तणाव कमी करण्यासाठी त्यांनी पंतप्रधान नरेंद्र मोदींवर दबाव आणल्याचा दावा केला आहे. ट्रम्प म्हणाले की, वॉशिंग्टनकडून व्यापार नाकेबंदी आणि उच्च कर लावण्याची धमकी देऊन त्यांनी भारताला सावध केले. “मी मोदींना सांगितले की मला तुमच्याशी कोणताही व्यापार करार करायचा नाही... कारण तुम्ही लोक अणुयुद्धात अडकणार आहात. मी त्यांना म्हटलं उद्या फोन करा, पण आम्ही करार करणार नाही. जर केला तर इतके जास्त कर लादू की तुमचे डोके फिरेल,” असे ट्रम्प यांनी म्हटले.
27 Aug 2025 09:53 AM (IST)
मित्राच्या प्रेयसीला अश्लील मॅसेज पाठवल्याच्या रागातून तरूणाची हत्या
मुंबईच्या नालासोपाऱ्याच्या पूर्व मोरेगाव येथे इंस्टाग्रामवर मित्राच्या प्रेयसीला अश्लील मॅसेज पाठवल्याच्या रागातून मित्रांनीच मॉब लिंचिंग करत एक तरुणाची हत्या केल्याचं समोर आलं आहे. मृतकाचे नाव प्रतीक वाघे (वय 24) असे आहे तर भूषण पाटील हा या प्रकरणातील मुख्य आरोपी आहे. आरोपी हा व्यायाम पट्टू आहे.
27 Aug 2025 09:43 AM (IST)
iPhone वरून Pixel 10 वर केवळ 30 मिनिटांत ट्रान्सफर होणार डेटा!
स्मार्टफोन युजर्सची सर्वात मोठी समस्या म्हणजे अँड्रॉइडवरून आयफोनवर किंवा आयफोनवरून अँड्रॉइडवर स्विच होणे. ही समस्या सर्वाधिक तेव्हा जाणवते जेव्हा तुम्ही आयफोन सारख्या हाय अँड डिवाइसवरून एखाद्या अँड्रॉइड स्मार्टफोनवर स्विच करता. कॉन्टॅक्ट, फोटोज, व्हाट्सअप चॅट, पासवर्ड आणि इतर महत्त्वाचे ॲप्स नव्या डिवाइसमध्ये सुरक्षित रहातील की नाही, याबाबत अनेक यूजरच्या मनात चिंता असते.मात्र गुगलने युजर्सच्या या समस्येच समाधान शोधलं आहे. अलीकडेच लाँच करण्यात आलेल्या गुगल पिक्सेल 10 सिरीज स्मार्टफोनमुळे डेटा ट्रान्सफरची समस्या आता संपली आहे. गुगल पिक्सेल 10 सिरीजमध्ये केवळ 30 मिनिटात आयफोन वरून गुगल पिक्सेलवर त्यांचा डेटा ट्रान्सफर करू शकता.
27 Aug 2025 09:34 AM (IST)
सकाळी झोपेतून उठल्यानंतर डोकं जड झाल्यासारखं वाटत?
सकाळी झोपेतून उठल्यानंतर डोकं दुखणे ही अतिशय सामान्य समस्या आहे. अपुऱ्या झोपेमुळे किंवा शरीरात वाढलेल्या थकव्यामुळे सामान्यपणे डोकं दुखीची समस्या उद्भवू लागते. धावपळीची जीवनशैली, कामाचा वाढलेला तणाव, आहारात होणारे बदल, बिघडलेली पचनक्रिया इत्यादी अनेक गोष्टींचा परिणाम आरोग्यावर लगेच दिसून येतो. शरीरात होणाऱ्या बदलांकडे योग्य लक्ष देणे आवश्यक आहे. अन्यथा आरोग्यासंबंधित अतिशय गंभीर समस्या उद्भवू शकतात. नीट झोप न लागणे, वारंवार जाग येणे किंवा झोपेत श्वास रोखला जाणे इत्यादी अनेक गोष्टींमुळे कायमच डोके दुखीची समस्या उद्भवू लागते.
27 Aug 2025 09:25 AM (IST)
गणेश चर्तुर्थीच्या मुहूर्तावर सोनं खरेदी करण्याचा विचार करताय?
भारतात आज सर्वत्र गणेशोत्सव साजरा केला जात आहे. आजचा दिवस अत्यंत शुभ मानला जातो, यादिवशी अनेक लोकं सोनं खरेदी करण्याला प्राधान्य देतात. तुम्ही देखील गणेशोत्सवाच्या मुहूर्तावर सोनं खरेदी करण्याचा विचार करताय का? तर त्यापूर्वी भारताच्या वेगवेगळ्या शहरात सोन्याचे भाव काय आहेत, याबाबत जाणून घेऊया. 27 ऑगस्ट रोजी आज भारतात 24 कॅरेट सोन्याच्या प्रति ग्रॅमचा दर 10,207 रुपये, 22 कॅरेट सोन्याच्या प्रति ग्रॅमचा दर 9,356 रुपये आणि 18 कॅरेट सोन्याच्या प्रति ग्रॅमचा दर 7,656 रुपये आहे. 26 ऑगस्ट रोजी काल भारतात 24 कॅरेट सोन्याच्या प्रति ग्रॅमचा दर 10,150 रुपये, 22 कॅरेट सोन्याच्या प्रति ग्रॅमचा दर 9,304 रुपये आणि 18 कॅरेट सोन्याच्या प्रति ग्रॅमचा दर 7,613 रुपये होता.
27 Aug 2025 09:25 AM (IST)
आशिया कप 2025 : 9 सप्टेंबरपासून स्पर्धेला सुरुवात, भारत-पाक सामना 14 सप्टेंबरला
आशिया कप 2025 स्पर्धेला 9 सप्टेंबरपासून सुरुवात होणार असून अंतिम सामना 28 सप्टेंबर रोजी खेळवला जाणार आहे. यूएईमधील दुबई आणि अबुधाबी येथे सामने पार पडणार आहेत. या स्पर्धेत एकूण आठ संघ सहभागी होणार असून त्यांचे दोन गट करण्यात आले आहेत. भारत, पाकिस्तान, बांगलादेश, अफगाणिस्तान, हाँगकाँग आणि ओमान यांनी आपापले संघ जाहीर केले आहेत, तर श्रीलंका आणि यूएई यांनी अद्याप संघाची घोषणा केलेली नाही. सर्व संघांना 30 ऑगस्टपर्यंत परवानगीशिवाय संघात बदल करता येणार आहेत. त्यानंतर बदल करण्यासाठी आशियाई क्रिकेट कौन्सिलची परवानगी घ्यावी लागेल.
27 Aug 2025 09:16 AM (IST)
लाडक्या गणपतीबाप्पाचे आज घराघरात आगमन
मुंबई : राज्यभरातील सार्वजनिक मंडळांसोबतच घराघरात लाडक्या गणपती बाप्पाचे आज आगमन होत आहे. ‘गणपती बाप्पा मोरया, मंगलमूर्ती मोरया’ अशा जयघोषात गणरायाचे स्वागत करण्यासाठी सर्व जण आतूर आहेत. सार्वजनिक मंडळांच्या आगमन मिरवणुका सकाळपासूनच सुरू होतील. ढोल-ताशांच्या दणदणाटात एका लयीत सगळी वाद्ये वाजवत जल्लोषात बाप्पाची मिरवणूक निघणार आहे.
27 Aug 2025 09:05 AM (IST)
मनोज जरांगे पाटलांच्या आंदोलनांवर उच्च न्यायालयाचा निर्बंधाचा आदेश
मराठा समाजाला ओबीसीतून आरक्षण देण्याच्या मागणीसाठी मनोज जरांगे पाटील यांच्या नेतृत्त्वाखाली बुधवारी (२७ ऑगस्ट) अंतरवली सराटी येथून मराठा मोर्चा मुंबईकडे रवाना झाला. सकाळी १० वाजता जरांगे पाटील हे मोठ्या संख्येने मराठा आंदोलकांसह जालन्यातून निघाले.या मोर्चाचा आजचा मुक्काम जुन्नर येथे असणार आहे. त्यानंतर राजगुरुनगर, खेड, चाकण, तळेगाव, लोणावळा, पनवेल, वाशी आणि चेंबूर मार्गे मोर्चा २८ ऑगस्ट रोजी मुंबईतील आझाद मैदानावर पोहोचणार होता.दरम्यान, मुंबई उच्च न्यायालयाने मंगळवारी महत्त्वपूर्ण आदेश देत पुढील दोन आठवड्यांसाठी पूर्वपरवानगीशिवाय कोणालाही आंदोलन करता येणार नाही, असे स्पष्ट केले आहे. त्यामुळे मोर्चाच्या नियोजित आंदोलनावर अनिश्चिततेचे सावट निर्माण झाले आहे.
27 Aug 2025 08:58 AM (IST)
मनोज जरांगे यांच्याबद्दल अपशब्द; युट्यूबरला समर्थकांचा चोप
मराठा आरक्षण आंदोलनाचे नेते मनोज जरांगे यांच्याबद्दल युट्यूबरने अपशब्द वापरल्याने त्यांच्या समर्थकांनी चांगलाच गोंधळ घातला. संतप्त समर्थकांनी संबंधित तरुणाला गाठून त्याचे कपडे फाडले तसेच तोंडाला काळे फासून अपमानित केले. हा प्रकार पैठण तालुक्यातील बस स्थानकासमोरील चौकात घडला. घटनेची माहिती मिळताच पोलिस तात्काळ घटनास्थळी दाखल झाले आणि जरांगे समर्थकांच्या तावडीतून युट्यूबरची सुटका केली. दरम्यान, या घटनेचा व्हिडिओ सोशल मीडियावर व्हायरल होत असून परिसरात मोठी चर्चा रंगली आहे.
27 Aug 2025 08:57 AM (IST)
नालासोपाऱ्यात मॉब लिंचिंग; इंस्टाग्रामवरील वादातून तरुणाची हत्या
नालासोपारा पूर्व मोरेगाव परिसरात इंस्टाग्रामवर प्रेयसीला अश्लील संदेश पाठवल्याच्या रागातून मित्रांनीच एका तरुणाची मॉब लिंचिंग करून हत्या केल्याची धक्कादायक घटना उघडकीस आली आहे.प्रतीक वाघे (२४) असे मृत तरुणाचे नाव असून, भूषण पाटील हा या प्रकरणातील मुख्य आरोपी आहे. विशेष म्हणजे, आरोपी भूषण हा व्यायामपटू असून प्रतीक वाघेचा जुना मित्र होता. दोघेही तीन वर्षांपासून एकमेकांच्या परिचयात होते. पूर्वी ते दोघे मिरारोड येथील भक्तिवेदांत हॉस्पिटलमध्ये वॉर्ड बॉय म्हणून कार्यरत होते. प्रतीक सध्या तेथे नोकरी करत होता, तर भूषणने दोन वर्षांपूर्वी नोकरी सोडली होती. दरम्यान, प्रतीकने भूषणच्या प्रेयसीला इंस्टाग्रामवर अश्लील संदेश पाठविल्यानंतर भूषणने हा राग मनात धरला. २४ ऑगस्टच्या रात्री त्याने प्रतीकला मोरेगाव येथे बोलावून घेतले व आपल्या मित्रांसोबत बेदम मारहाण केली. यात प्रतीकचा मृत्यू झाला.
27 Aug 2025 08:55 AM (IST)
विरारमध्ये चार मजली इमारत कोसळली
एकीकडे राज्यभरात गणेशोत्सव मोठ्या उत्साहात साजरा केला जात आहे. त्यानुसार, अनेक तयारीही करण्यात आली. मात्र, विरारमध्ये एक दुर्घटना घडली. विरार पूर्वेच्या नारंगी येथील रमाबाई अपार्टमेंट या चार मजली इमारतीची एक बाजू कोसळल्याने मोठी दुर्घटना घडली. यामध्ये तीन जणांचा मृत्यू झाला असून, या ढिगाऱ्याखाली अनेकजण अडकल्याची भीती व्यक्त केली जात आहे.
27 Aug 2025 08:52 AM (IST)
लालबागच्या राजाच्या अन्नछत्रावर वादंग
गणेशोत्सवाची धामधूम सुरू असताना राज्यभरातील गणेशभक्तांचे विशेष आकर्षण असणाऱ्या लालबागच्या राजाच्या दर्शनासाठी दरवर्षी लाखोंची गर्दी उसळते. यंदा भक्तांसाठी प्रसादाच्या स्वरूपात भोजन मिळावे यासाठी लालबागचा राजा सार्वजनिक गणेशोत्सव मंडळाने पेरू कंपाऊंड परिसरात तीन अन्नछत्र सुरू करण्याचा निर्णय घेतला होता. या व्यवस्थेमुळे एकावेळी 500 हून अधिक भक्तांना जेवण घेता येईल, अशी सोय करण्यात आली होती. मात्र, संभाव्य गर्दी, चेंगराचेंगरीचा धोका आणि कायदा-सुव्यवस्थेचे प्रश्न लक्षात घेऊन मुंबई पोलिसांनी या अन्नछत्राला परवानगी नाकारली. अग्निशमन दलानेही सुरक्षा धोक्याचे कारण देत प्रस्ताव फेटाळला.
27 Aug 2025 12:10 AM (IST)
पुणे महापालिका निवडणूक : महायुतीसमोर युतीचा पेच कायम
आगामी पुणे महापालिका निवडणुकीत महायुतीतील तिन्ही घटक पक्षांनी एकत्रितपणे लढण्याचा निर्णय घेतला, तर महायुतीतील नाराज आणि बंडखोर नेत्यांना महाविकास आघाडीच्या माध्यमातून मैदानात उतरावे लागणार आहे. दरम्यान, महायुतीने एकत्रित निवडणूक न लढवल्यास पुण्यातील बहुतांश प्रभागांमध्ये भारतीय जनता पक्ष आणि राष्ट्रवादी काँग्रेस (अजित पवार गट) यांच्यात थेट संघर्ष रंगण्याची शक्यता आहे. त्यामुळे पुणे महापालिका निवडणुकीपूर्वी महायुतीसमोर युतीचा पेच कायम राहणार असून, राजकीय समीकरणे कशी बदलतात याकडे सर्वांचे लक्ष लागले आहे.
Marathi Breaking news live updates: मराठा आरक्षणाच्या मागणीसाठी आक्रमक भूमिका घेतलेल्या मनोज जरांगे पाटील आज (२७ ऑगस्ट) मुंबईकडे रवाना होणार आहेत. आंतरवली सराटी येथून सकाळी १० वाजता ते निघणार असून, त्यांच्या सोबत लाखो मराठा आंदोलकही सहभागी होणार आहेत. जरांगे पाटील यांनी मुंबईतील आझाद मैदानावर आंदोलन करण्याचा निर्धार व्यक्त केला होता. मात्र, या आंदोलनासाठी उच्च न्यायालयाने परवानगी नाकारली आहे. तरीदेखील आपल्या निर्णयावर ठाम राहून ते मुंबईत पोहोचणार असल्याची माहिती समोर आली आहे.
Web Title: Marathi breaking news today live updates political national business crime sports national international breaking news
Get Latest Marathi News , Maharashtra News and Marathi News from Politics, Election News , Sports News , Entertainment News, Business News and Religion News only on Navarashtra.com
ताज्या बातम्या
शरीरात वाढलेले कोलेस्ट्रॉल कमी करण्यासाठी नियमित करा भोपळ्याच्या बियांचे सेवन, शरीराला होतील इतरही फायदे
Indians in Global Politics: जागतिक शक्तीचा ठसा! कोण म्हणतं भारत मर्यादित आहे? 29 देशांमध्ये चमकले ‘हे’ 261 भारतीय चेहरे
टेलर स्विफ्टने ट्रॅव्हिस केल्सेशी केला साखरपुडा, अभिनेत्याने हटके अंदाजात केले प्रपोज; पाहा Photos
Ganesh Chaturthi 2025: सोनू सूदपासून ते भारती सिंगपर्यंत ‘या’ सेलिब्रिटींनी थाटामाटात केले बाप्पाचे स्वागत
US 50Percent Tariff : अमेरिकेचा भारतावर कर प्रहार; 50% टॅरिफमुळे ‘या’ क्षेत्रांना होणार आता गंभीर नुकसान
गणपती बाप्पाच्या नैवेद्यासाठी कोकणातील पारंपरिक पद्धतीने बनवा वालाची आमटी, ओल्या वाटणामुळे वाढेल पदार्थाची चव
Jalgaon Crime News : जळगावात भाजपच्या माजी नगरसेवकावर धारदार कोयत्याने प्राणघातक हल्ला, गंभीर जखमी, रुग्णालयात उपचार सुरु
व्हिडिओ
Kolhapur : महापालिकेत घुसण्याचा प्रयत्न;पोलीस-आंदोलकांमध्ये झटापट
Sangli : आंदोलनानंतर माजी नगरसेवकांच्या पाठपुराव्याला यश
Gondia : जिल्ह्यात गणपती मूर्तीवर अंतिम हात; जिल्ह्यात सर्वत्र होणार इको फ्रेंडली गणपतीची स्थापना
Satara : ‘एक मराठा लाख मराठा’च्या घोषणांनी शिवतीर्थ दणाणले
Wardha : वर्धात आगळीवेगळी हरतालिका साजरी, कंत्राटी आरोग्य कर्मचाऱ्यांच्या आंदोलनात गौरी पूजन
Thane : ऑर्डनन्सच्या इंटक युनियन अध्यक्षपदी प्रदीप पाटील, युनियनच्या कार्यकारिणीचीही घोषणा
