माथेरानच्या पायथ्याशी मोठ्या प्रमाणात जंगल पाहायला मिळत आहे. या जंगलामध्ये अनेक वन्य प्राण्यांचा वावर पाहायला मिळत असुन या जंगलामध्ये पक्षी, सर्प, मुंग्या, अनेक किटक विविध प्राणी पाहायला मिळत असतात. याच माथेरानच्या पायथ्याशी असलेल्या धसवाडी या आदिवासी वाडीच्या खालच्या बाजुस आज सुमारे संध्याकाळी सात वाजल्याच्या सुमारास वणवा लागला ज्या वेळी वणवा लागला त्यावेळी हा वणवा कमी स्वरूपाचा होता.
माथेरान आणि पायथ्याशी असलेल्या छोट्या छोट्या गावांना जंगलांनी वेढलेलं आहे. त्यामुळे या ठिकाणचं संपूर्ण नियंत्रण आहे वनविभागाच्या हाती आहे. मात्र धसवडी गावात घडलेल्या प्राकरावर वनविभागाचं लक्ष देखील जाऊ नये ? गेले कित्येक दिवस हे गाव वणव्याच्या आगीत धुमसत असूनही कोणतीही खबरदारी घेण्यात आलेली नाही. त्यामुळे हे अधिकारी वनरक्षक आहेत की वनभक्षक असा आक्रमक सवाल पायथ्याची राहणाऱ्या आदिवासींनी केला आहे.
वनअधिकारी वेळेत न गेल्याने हा वणव्याचा मोठ्या प्रमाणात भडका उडाला आणि त्यानंतर हा भडका माथेरानच्या पायथ्याशी असलेल्या धसवाडी या गावाच्या खालच्या परिसरात पहायला मिळाला संध्याकाळी साडेसातच्या दरम्यान लागलेला वणवा रात्री दहा वाजले तरी हा धसवाडी गावाच्या खालील जंगल जळत होते. एवढं असून देखील या ठिकाणी कोणत्याही प्रकारे वरिष्ठ अधिकारी व वनरक्षक येथे जाताना पाहायला मिळाला नाही. गेले अनेक दिवसांपासून माथेरानच्या डोंगरामध्ये व माथेरानच्या पायथ्याशी असलेल्या डोंगर भागात वणवा लागताना पाहायला मिळत आहे मात्र या ठिकाणी असलेले वनअधिकारी दुर्लक्ष करत आहे का असा प्रश्न येथे असलेल्या नागरिकांनी उपस्थित केला आहे.
