महिन्याच्या प्रत्येक रविवारी रेल्वेच्या तिन्ही मार्गावर मेगाब्लॉक असतो. मध्य आणि पश्चिम रेल्वे मार्गाने प्रवास करणाऱ्या नागरिकांची मोठी संख्या आहे. कामानिमित्त किंवा इतर कारणाने अनेक लोक रेल्वेने प्रवास करतात. तांत्रिक दुरुस्तीसाठी आणि रेल्वे रुळाच्या कामासाठी मेगाब्लॉक घेतला जातो. त्यामुळे उद्या रेल्वेच्या वेळांमध्ये बदल करण्यात आले आहेत. उद्या डॉ. बाबासाहेब आंबेडकर यांची जयंती असल्याने चैत्यभूमीवर जाणाऱ्या प्रवाशांचे हाल होण्याची शक्यता आहे. मध्य रेल्वे, पश्चिम रेल्वे आणि हार्बर रेल्वे या मार्गावर ब्लॉक घेण्यात आल्याने अनेक गाड्या रद्द करण्यात आल्या आहेत. त्यामुळे प्रवाशांनी घराबाहेर पडताना रेल्वेचे वेळापत्रक पाहून बाहेर जावे.
हार्बर रेल्वे मार्ग
उद्या हार्बर रेल्वे मार्गावर मेगाब्लॉक घेतला जाणार आहे. हा ब्लॉक कुर्ला – वाशी अप आणि डाऊन मार्गावर असेल. त्यामुळे सकाळी ११.१० ते दुपारी ४.१० पर्यंत सीएसएमटी – पनवेल, बेलापूर, वाशी या सर्व लोकल रद्द करण्यात आल्या आहेत. तसेच सीएसएमटी – कुर्ला आणि पनवेल – वाशी दरम्यान काही विशेष लोकल धावणार आहेत.
मध्य रेल्वे मार्ग
मध्य रेल्वेवर दुरुस्तीच्या कामासाठी मेगाब्लॉक घेतला जाणार आहे. सकाळी ११ ते दुपारी ४ वाजेपर्यंत ठाणे – कल्याण दरम्यानची अप आणि धिम्या मार्गावरील लोकल जलद मार्गावर वळवली जाईल. तसेच डोंबिवली, दिवा, मुंब्रा, कळवा आणि ठाणे या स्थानकांत थांबणार आहे. ठाणे – कल्याण अप आणि धिम्या मार्गावर मेगाब्लॉक असेल.
पश्चिम रेल्वे मार्ग
पश्चिम रेल्वे मार्गावरील काही लोकल रद्द करण्यात आल्या आहेत. बोरिवली – गोरेगाव जलद मार्गावर मेगाब्लॉक असल्याने सकाळी १० ते दुपारी ३ वाजेपर्यंत काही गाड्या रद्द करण्यात आल्या आहेत. त्यामुळे उद्या अनेक प्रवाशांचे हाल होणार आहे. उद्या डॉ.बाबासाहेब आंबेडकर यांची जयंती असल्याने दादर चैत्यभूमीवर अनुयायांची मोठी गर्दी होते. मात्र त्यांना प्रवासासाठी अनेक अडचणींचा सामना करावा लागणार आहे.
.png "Videos"){kind=small}
