भरधाव थार थेट घरात घुसली; भिंत कोसळून घरमालक जखमी, दोन दुचाकींचे नुकसान
मिळालेल्या माहितीनुसार, सोमवारी रात्री साडेअकराच्या सुमारास ही घटना घडली. थारमधून अंकित मिश्रा (वय 26) आणि त्याचा मित्र राज यादव (वय 24) प्रवास करत होते. दोघेही नालासोपारा पूर्व परिसरातील रहिवासी असल्याचे सांगण्यात आले आहे. ते भाताणे येथून भालिवलीमार्गे मुंबई-अहमदाबाद महामार्गाच्या दिशेने जात होते.
राज्यात पाणी कपातीचे मोठं संकट; 16 ऑक्टोबरपासून सर्व स्थानिक स्वराज्य संस्थांमध्ये 10 टक्के कपात
सुभाष सुतार हे जांभुळपाडा येथील घर क्रमांक ४८/ब येथे पत्नी सुवर्णा व मुलगा आकाश यांच्यासह राहतात. त्यांच्या घरासमोर भालीवली ते भाताणेच्या दिशेने जाणारा सिमेंटचा रस्ता असून, घराच्या मुख्य दरवाजासमोर पत्र्याचे शेड आहे. या शेडखाली त्यांची टीव्हीएस ज्युपिटर (एमएच ४८/सीव्ही ४१५२) आणि हिरो एक्स्ट्रीम (एमएच ४८/डीएल २८८१) या दोन दुचाकी उभ्या होत्या. रात्री ११.३० ते ११.४५च्या दरम्यान महिंद्रा थार (एमएच ४८/डीएक्स ७८९८) ही जीप भाताणेच्या दिशेकडून भालीवलीकडे जात होती.
थार जांभूळपाडा गावाच्या हद्दीत आल्यानंतर चालकाचे वाहनावरील नियंत्रण सुटले. त्यानंतर गाडी थेट सुभाष सुतार यांच्या घराला जाऊन धडकली. या धडकेमुळे घराची भिंत कोसळली. भिंतीच्या विटा अंगावर पडल्याने सुतार जखमी झाले. घराच्या अन्य भिंतींनाही तडे गेल्याचे सांगण्यात येत आहे. अपघातात घरासमोर उभ्या असलेल्या दोन दुचाकींनाही थारची धडक बसल्याने त्यांचे नुकसान झाले. रात्री अचानक झालेल्या मोठ्या आवाजामुळे परिसरातील ग्रामस्थांनी घटनास्थळी धाव घेतली.
ग्रामस्थांनी थारमधील अंकित मिश्रा आणि राज यादव या दोघांना ताब्यात घेतले. दोघेही मद्यधुंद अवस्थेत असल्याचा आरोप ग्रामस्थांनी केला आहे. मात्र, याबाबतची अधिकृत वैद्यकीय पुष्टी अद्याप समोर आलेली नसल्याने पोलिसांच्या तपासानंतरच वस्तुस्थिती स्पष्ट होणार आहे. या घटनेची माहिती मिळताच मांडवी पोलीस घटनास्थळी पोहोचले. पोलिसांनी दोघांनाही ताब्यात घेतले असून अपघात नेमका कसा झाला, वाहनाचा वेग किती होता आणि चालकाने मद्यपान केले होते का, यासह विविध बाबींचा पुढील तपास सुरू आहे.
.png "Videos"){kind=small}
