Mangal Prabhat Lodha: “…त्या मागचा हेतू काय?”; मालवणीतील रोहिंग्या, बांग्लादेशींवरून लोढांचा रोखठोक सवाल

मुंबई उपनगर जिल्ह्याचे पालकमंत्री म्हणून कॅबिनेट मंत्री लोढा यांनी जिल्हा नियोजन समितीमार्फत सदर शाळेच्या विकासकामांसाठी एक कोटी रुपयांची तरतूद जाहीर केली आहे.

• मालवणी भागातील भविष्याबाबत मंगलप्रभात लोढांचा थेट सवाल
• इतक्या प्रमाणात बांगलादेशी आणि रोहिंग्या आले कुठून
• मंगल प्रभात लोढा यांनी घेतला योग्य स्टँड

मुंबई: मुंबई महापालिकेच्या शासन निर्णयानुसार महापालिकेच्या शाळा चालवण्यासाठी कोणतीही संस्था पुढाकार घेऊ शकते. कोणतेही शुल्क न आकारता व्यवस्थापनाची तयारी असल्यास परवानगी देण्यात यावी, असे या निर्णयात स्पष्ट नमूद केले आहे. या निर्णयानुसार सद्यस्थितीत खाजगी संस्थांच्या सहकार्याने ३० ते ३५ शाळा चालवल्या जात आहेत आणि त्यात मालवणी टाऊनशिप स्कूलचाही समावेश आहे. प्रयास फाउंडेशनच्या पुढाकारामुळे मालवणी भागातील विद्यार्थ्यांचे भविष्य सुरक्षित होत असेल, तर त्याला विरोध का? असा थेट सवाल कॅबिनेट मंत्री मंगल प्रभात लोढा यांनी यावेळी उपस्थित केला.

मुंबई महापालिका मालवणी टाऊनशिप स्कूल येथे प्रयास फाउंडेशनतर्फे आयोजित कार्यक्रमात कॅबिनेट मंत्री मंगल प्रभात लोढा बोलत होते. मालाडमध्ये सर्वाधिक सरकारी जमीन होती. त्यावर भीषण अतिक्रमण झाले. आता महापालिकेच्या शाळांच्या जमिनी हडपण्याचा प्रयत्न होतोय का? येथील आमदारांनी काय विकास केला ते त्यांनी सांगावे. मालवणीत इतक्या मोठ्या प्रमाणावर रोहिंग्या आणि बांग्लादेशी कुठून आले? त्यांना इतके सहकार्य कोणी केले? त्या मागचा हेतू काय? असा रोखठोक सवाल त्यांनी केला.

Mumbai Rain Update : मुंबई पालिका आपत्ती व्यवस्थापन विभागाने सतर्क रहावे, मंगलप्रभात लोढा यांचे निर्देश

See more

📍मालवणी टाउनशिप शाळा, मालाड प्रयास फाऊंडेशन द्वारा आयोजित पालक-शिक्षक बैठक व विद्यार्थ्यांच्या सांस्कृतिक कार्यक्रमाला विशेष अतिथी म्हणून उपस्थित राहिलो. मालवणी विभागातील विद्यार्थ्यांच्या सर्वांगीण विकासासाठी आम्ही कटिबद्ध आहोत, म्हणून मुंबई उपनगर जिल्हा सहपालकमंत्री नात्याने… pic.twitter.com/W3nFOabQgP — Mangal Prabhat Lodha (@MPLodha) August 23, 2025

काय म्हणाले लोढा 

मंत्री मंगल प्रभात लोढा  म्हणाले, “आज आम्ही मालवणीत विकासाचे काम करत आहोत. मुलांना उच्च दर्जाच्या सुविधा देत आहोत. या निर्णयाच्या विरोधात आंदोलन करणाऱ्यांची मुले परदेशात शिकतात. लोकांची दिशाभूल त्यांनी करू नये. आदरणीय मुख्यमंत्री देवेंद्र फडणवीस यांच्या शासनात विकासकामात अडथळा निर्माण कारण्याऱ्यांची दादागिरी सहन केली जाणार नाही.”

Mangal Prabhat Lodha: “सरकारच्या विकास कार्याला साथ…”; मंत्री लोढांचे राज्यातील जनतेला आवाहन

See more

मालवणी, मालाड येथील शाळेबाबत पत्रकार परिषद घेऊन सविस्तर मुद्दे मांडले! ✅ मुंबई महापालिकेच्या GR नुसार स्वखर्चावर आणि कोणतीही फी न घेता संस्थेद्वारे चालवल्या जाणाऱ्या शाळा मुलांच्या उज्ज्वल भविष्यासाठी उत्तम काम करत आहेत. या उपक्रमाद्वारे जवळपास ३०-३२ शाळांचा निकालही सुधारला… pic.twitter.com/cfYsCLKJba — Mangal Prabhat Lodha (@MPLodha) August 23, 2025

विकास कामांसाठी तरतूद

मुंबई उपनगर जिल्ह्याचे पालकमंत्री म्हणून कॅबिनेट मंत्री लोढा यांनी जिल्हा नियोजन समितीमार्फत सदर शाळेच्या विकासकामांसाठी एक कोटी रुपयांची तरतूद जाहीर केली. या निधीतून विज्ञान प्रयोगशाळा, रोबोटिक्स लॅब, कम्प्युटर लॅब, व्यायामशाळा, खेळांचे साहित्य आणि इतर आवश्यक सुविधा शाळेत उपलब्ध करून देण्यात येणार आहेत. त्यासंदर्भातील पत्र लोढा यांनी आजच्या कार्यक्रमात प्रस्तुत केले. सदर कार्यक्रमात बोलताना मंत्री लोढा यांनी हे स्पष्ट केले की, दर्जेदार सुविधांसाठी कोणतेही शुल्क आकारले जाणार नाही. त्यामुळे विरोधकांच्या अपप्रचाराला बळी पडू नये.