मेट्रो डिपोप्रमाणेच उत्तन डम्पिंग ग्राउंड हीही परिसरातील मोठी समस्या होती. या ठिकाणी दररोज हजारो टन ओला कचरा येत असल्याने परिसरात दुर्गंधी आणि रोगराई पसरत होती. यावरही कायमस्वरूपी तोडगा काढण्यासाठी प्रयत्न सुरू असल्याची माहिती मंत्री सरनाईक यांनी दिली.त्यांनी सांगितले, “लवकरच उत्तन डम्पिंग ग्राउंडवर एकही ट्रक ओला कचरा आणला जाणार नाही. ओल्या कचर्यावर प्रक्रिया करून त्याचे खतात रूपांतर करण्यात येईल. यासाठी उपमुख्यमंत्री एकनाथ शिंदे यांनी आवश्यक निधी उपलब्ध करून दिला आहे.”सरनाईक यांच्या या निर्णयाचे शहरातील नागरिक, सामाजिक संघटना आणि स्थानिक पर्यावरणप्रेमींकडून स्वागत करण्यात येत आहे. नागरिकांचा दीर्घ संघर्ष आणि सातत्यपूर्ण पाठपुरावा यामुळे अखेर सरकारने जनहिताचा मार्ग स्वीकारला आहे.आजच्या या निर्णयामुळे उत्तनवासीयांना खऱ्या अर्थाने मोकळा श्वास घेता येईल, असे मत स्थानिक रहिवाशांनी व्यक्त केले आहे.
.png "Videos"){kind=small}
